न्‍यायाधीस 21:4 - Sunuwar Bible

⁴ मिनु आ दीसा मुरपुकी सुनी कना बोक्‍शा, मेकेर चढ़ेतीके का सेल्‍शा, चोशा चढ़ेतीक नु दुशा बाक्‍चा आ पर्बम चढ़ेतीक चढ़ेमे बाक्‍त।

न्‍यायाधीस 21:4 ပူးပေါင်းရင်းမြစ်များ

२ सामुएल 24:18

मेको नाक्‍ती गाद दाऊद आ बाक्‍तीकेम जाक्‍शा, मेको कली “गे लशा, यबुसी अरौनाह आ खलाम परमप्रभु यावे कली चढ़ेतीक का सेलो” देंमाक्‍त।

२ सामुएल 24:25

मिनु दाऊदम मेकेर परमप्रभु यावे कली चढ़ेतीक का सेला बाक्‍त। मिनु चोशा चढ़ेतीक नु दुशा बाक्‍चा आ पर्बम चढ़ेतीके चढ़ेवा बाक्‍त। मिनु परमप्रभु यावेमी रागी आ पर्बम पुंइशो लोव़ नेना बाक्‍त। मिनु इस्राएलम मुर बेक्‍तीक रोइ दिक्‍माक्‍त। २सामुएल २१:१४

१ राजा 8:64

मेको नाक्‍त पिपमी परमप्रभु यावे आ खिं आ ङोंइती बाक्‍शो लाङगा आ दाते ङा लाङगा कली यो तिला बाक्‍त। मारदे हना मेकोमी मेकेर चोशा चढ़ेतीके, अन्‍न चढ़ेतीके नु दुशा बाक्‍चा आ पर्बम चढ़ेतीके आन बोंसो चढ़ेवा बाक्‍त। अन्‍न चढ़ेतीके, दुशा बाक्‍चा आ पर्बम चढ़ेतीके नु चोशा चढ़ेतीक आन बोंसो वोइक्‍चा कली मेको परमप्रभु यावे आ ङोंइती बाक्‍शो कांसा के चढ़ेतीके आइक्‍च दुम्‍माक्‍त।

होसे 5:15

मिनु गो आं बाक्‍तीकेमी लेश्‍शा बाक्‍नुङ। मेकोपुकीमी आन मरिम्‍शो पशो तुइश्‍शा, आं कली ममाल्‍मे सम्‍म बाक्‍नुङ। मिनु मेकोपुकीमी शुश श्‍येत जशा, आं कली माल्‍नीम” दे परमप्रभुमी देंत। यसैया २६:१६

ब्‍यवस्‍था 12:5

परमप्रभु यावे, इन परमप्रभुमी इन थर थर आन बाक्‍तीक रागीमी ते बाक्‍चा दाक्‍बा, मेको माल्‍शा मेकेर लचा माल्‍नीनी।

हिब्रू 13:10

गुइमी सेल्‍शो ताम्‍बुम गेय पाइबपुकीमी येसु आ भोज जचा मताइनीम।

न्‍यायाधीस 20:26

मिनु इस्राएली नेल्‍ले बेथेल सहर लमा बाक्‍त। मिनु मेकोपुकीमी नाक्‍दो सम्‍म परमप्रभु यावे आ ङोंइती ङाक्‍शा माइजा बाक्‍मा बाक्‍त। मेकोपुकीमी परमप्रभु यावे कली चोशा चढ़ेतीक नु दुशा बाक्‍चा आ पर्बम चढ़ेतीक चढ़ेमे बाक्‍त। न्‍यायाधीस २०:१८; यहोसु १८:२१-२२

न्‍यायाधीस 21:3

मेकोपुकीमी “परमप्रभु यावे, इस्राएली आन परमप्रभु, मारदे ओदेंशो दुम्‍मे? मुलाक्‍त मारदे इस्राएली आन थर का जाम्‍मे?” देंमा बाक्‍त।

न्‍यायाधीस 6:24

मिनु गिदोनमी परमप्रभु यावे कली चढ़ेतीक का सेला बाक्‍त। मिनु आ नें “परमप्रभु यावे थुं नाइक्‍चा गेब बाक्‍ब” दे नें वोदा बाक्‍त। मेको चढ़ेतीक मुलाक्‍त सम्‍म अबीएजेर आ मुर आन ओफ्रा सहरम बाक्‍ब।

न्‍यायाधीस 6:26

मिनु “मेकेर परमप्रभु यावे, इ परमप्रभु कली आं देंशो खोदेंशो पा चढ़ेतीक का सेलो। मिनु नोले आं कली मेको ब्‍यफ कली इ प्रेश्‍‍शो अशेराह देवी आ शी के खोल्‍शो थाम तारी चोशा चढ़ेतीक का चढ़ेवो” देंमाक्‍त।

१ सामुएल 7:17

मिनु मेको रामाह लेप्‍बाक्‍माक्‍त। मारदे हना मेको आ खिं मेकेर बाक्‍माक्‍त। मिनु मेकोमी मुर आन कली निसाफ पा, परमप्रभु यावे कली चढ़ेतीक का सेला बाक्‍त। यहोसु १८:२५