न्‍यायाधीस 21:1 - Sunuwar Bible

¹ मिनु ङोंइती मिस्‍पामी जाक्‍शो इस्राएलीपुकीमी मार कसम जशो बाक्‍मा बाक्‍त देंशा हना “गोपुकीमी इं तमी आन कली बेन्‍यामीन आ थर ङा मुर आन कली ग्‍युंबे पा मगेय” दे कसम जशो बाक्‍‍मा बाक्‍त। न्‍यायाधीस २०:१

न्‍यायाधीस 21:1 ပူးပေါင်းရင်းမြစ်များ

उपदेसक 5:2

ब्‍वाक्‍चा कली मचुइक्‍‍तीन। परमप्रभु आ ङोंइती रीब पा लोव़ मपन। परमप्रभु स्‍वर्गमी बाक्‍ब। गे चहिं रागीम बाक्‍नीनी। मोपतीके शुश मब्‍वाक्‍कीन।

येरमीया 4:2

कसम जची ना गेपुकीम ‘परमप्रभु यावे ब्रोंइशा बाक्‍शो खोदेंशो पा’ दे कसम जाइतीनी हना, गे थमा लोव़ पा, ठीक निसाफ पाइब नु रिम्‍शो थुं पाइब मुर दुम्‍तीनी हना, रागी रागी ङा मुर परमप्रभु आ नें थि‍शा आसीक पमुइनीम। मिनु मेकोपुकी आ आल दुम्‍तीके ग्‍येरसीनीम” देंत। ब्‍यवस्‍था १०:२०; यसैया ६५:१६

येरमीया 40:6

मोपतीके येरमीया अहीकाम आ तौ गेदाल्‍याह आ बाक्‍तीके मिस्‍पा सहर लत। मिनु मेको नु रागीम प्रोंइशा वोइश्‍शो मुरपुकी नु बाक्‍त।

मर्कूस 6:23

मिनु लोव़ थोक्‍शा “मार पुंइतीवी हना यो, इ पुंइशो नेल्‍ल गेनन। राज्‍य उइक्‍थ उइक्‍थ पा योक्‍शा यो गेनन” दे कसम जशा, लोव़ गेवा बाक्‍त। एस्‍तर ५:३-६

प्रेरित 23:12

मिनु आ दीसा सुनी यहूदीपुकीमी “पावल कली साइश्‍शो मतया सम्‍म मारेइ मजय, मतूय” दे कसम जशा, पावल कली साइक्‍चा सल्‍ला पामे बाक्‍त।

रोमी 10:2

परमप्रभु यावे कली तुइक्‍चा माल्‍नीम, दे तुइक्‍नुङ। तन्‍न मेको आन के रुप्‍तीक थुं मबा।

न्‍यायाधीस 20:1

मिनु इस्राएली नेल्‍ले दान रे पा बेयर-शेबा सम्‍म गिलाद रागी परमप्रभु यावे आ ङोंइती मिस्‍पामी ग्रुम्‍मा बाक्‍त। यहोसु १८:२६; १सामुएल ७:५

न्‍यायाधीस 20:10

इस्राएल आ थर नेल्‍ल ङा सहे का रे १० जना, हजार का रे सहे का जना, १० हजार रे हजार का जना मुर लाइश्‍शा, लडाइ पाइब आन कली जचा थोव़क क्‍याप्‍‍ब नु कुरब सेल्‍य। मिनु मोपा गो गिबा सहरम बाक्‍ब बेन्‍यामीन आ थर ङा मुरपुकीम इस्राएलम पशो ग्रांग्रा दिशो गेय आ पर्बम क्‍येक्‍क लेत्‍तय” देंमा बाक्‍त।

न्‍यायाधीस 20:48

मिनु इस्राएलीपुकीमी बेन्‍यामीन आ थर ङा मुर नेल्‍ल आन कली लडाइ पा सदमे बाक्‍त। सहर कली क्रोइश्‍शा, मुर नु बस्‍तु भाव मारेइ मारेइ सदमे बाक्‍त। मेकोपुकीमी लीशो सहर नेल्‍ल आन कली यो मी सुइक्‍तमे बाक्‍त। उत्‍पत्ती ३४:२५-२९; गन्‍ती ३५:३०-३४; ब्‍यवस्‍था १३:१३-१९

न्‍यायाधीस 20:8

मिनु मुर का दुम्‍शो खोदेंशो पा मुर नेल्‍ले बोक्‍मा बाक्‍त। मिनु मेकोपुकीमी “गोपुकी सुइ यो आंम खिं लेश्‍शा मलय। का सम्‍म यो लेश्‍शा मलय।

न्‍यायाधीस 21:18

तन्‍न गो मेको आन कली इं तमी गेने मचाप्‍नय” देंमा बाक्‍त। मारदे हना इस्राएलीपुकीमी “सुम बेन्‍यामीन आ थर ङा मुर कली आ तमी गेबा, मेको सराप राइब” दे कसम ज‍शो बाक्‍मा बाक्‍त।

न्‍यायाधीस 21:22

मिनु मेको मीश आल आन आफ नु लोक्‍बपुकी जाक्‍शा, आंइ कली लोव़ पाम्‍तेक्‍म हना, गो मेको आन कली ‘बेन्‍यामीन आ थर ङा मुर आन कली शिशी पन। मेको आन कली ग्‍युंबे पचा गेन। मारदे हना गो लडाइमी मेको मिश ङा वोंइश मुर आन कली मीश आल ग्‍याइक्‍ने मचाप्‍क। मिनु गे इन तमी गेशा यो दोस मताइनीनी। मारदे हना गे मेको आन कली इन तमी आंमन मगेनी’ देंनीकी” देंमा बाक्‍त।

न्‍यायाधीस 21:5

मिनु नोले इस्राएलीपुकीमी “तेको थर परमप्रभु यावे आ ङोंइती मजाक्‍मा?” दे हिल्‍लो पमुमा बाक्‍त। मारदे हना मिस्‍पामी मेकोपुकीमी “परमप्रभु यावे आ ङोंइती सु मजाक्‍बा, मेको कली साइक्‍चा माल्‍ब” दे कसम जशो बाक्‍मा बाक्‍त।

न्‍यायाधीस 21:7

लीशो वोंइश मुर आन कली मीश आल चाक्‍चा कली मार पय? गोपुकीमी परमप्रभु यावे आ ङोंइती मेको आन कली आंइ तमी ग्‍युंबे पा मगेनीक, दे कसम जशो बाक्‍नीकी” देंमा बाक्‍त।

१ सामुएल 14:24

मेको नाक्‍ती सावलमी ममिम्‍थु, गेय पवा बाक्‍त। मेकोमी मुर आन कली “गो आं जोरी सत्रु आन कली क्‍येक्‍क लेन्‍ने मथुमु सम्‍म, सुम नाक्‍दो दुम्‍चा क्‍येङा ङोंइती जाइ‍बा, मेको सराप रल” देंशा कसम जपाइक्‍मी बाक्‍‍त। मोपा मेको नाक्‍ती इस्राएली थाम्‍पा दशो बाक्‍मा बाक्‍त। सुइमी मारेइ मजामे बाक्‍त।