न्‍यायाधीस 20:6 - Sunuwar Bible

⁶ मिनु गो आं बेक्‍शो मीश कली टुक्रा टुक्रा पा चेक्‍ता। मिनु इस्राएल आ थर नेल्‍ल आन रागीम सोइक्‍ताक्‍ङ। मेकोपुकीमी इस्राएलमी मोदेंशो ग्रांग्रा दिशो नु मरिम्‍शो पामे बाक्‍त, दे तुइक्‍पाइक्‍चा कली गो मो पाता। उत्‍पत्ती ३४:७

न्‍यायाधीस 20:6 ပူးပေါင်းရင်းမြစ်များ

उत्पत्ती 34:7

मिनु मेको नेंशा, याकूब आ तौपुकी यो रू रे जाक्‍मा बाक्‍त। आन थुं मनुथु, शुश चुरमा बाक्‍त। मारदे हना शेकेमम इस्राएल आ तमी नु इप्‍‍शा, बिथोलो पशो बाक्‍माक्‍त। मो पचा मदुम्‍शो बाक्‍माक्‍त।

लेवी 18:24

गेपुकीमी मोदेंशो पाप पा आंम कली ग्रांग्रा मसेलीन। मारदे हना गो मोदेंशो पाप आ पर्बम जात जात ङा मुर इन ङोंइती रे ग्रुंइनुङमी। मेको नेल्‍लेम मोदेंशो पाप पा ग्रांग्रा दिशो दुम्‍शो बाक्‍तेक्‍म।

लेवी 18:30

मोपतीके गे ङोंइती ङा मुरपुकीमी पशो खोदेंशो पा मेको दूली ग्रांग्रा दिशो पाप मपने। मिनु आंम कली ग्रांग्रा दिशो मसेलीन। मारदे हना गो परमप्रभु यावे, इन परमप्रभु नङ’ देनो” देंत।

यहोसु 7:15

मिनु तेको मुर नु खुइ पशो थोव़क बाक्‍बा तुंइसीब, मेको नु आ मारेइ मारेइ मीम हुम्‍चा पुंइसीब। मारदे हना मेकोमी परमप्रभु यावे आ देंशो मटिथु, इस्राएली आन दातेमी काइ मरिम्‍शो ग्रांग्रा दिशो गेय पाप्‍तु” दे माइक्‍तु।

न्‍यायाधीस 19:22

मेकोपुकी ग्‍येरसीशा बाक्‍शो बाक्‍मानु, सहर ङा मरिम्‍शो मुरपुकीमी मेको खिं कली दि दा रे पा पुम्दमे बाक्‍त। मिनु खिं ङा लाप्‍चो कली ख्रोकोल पना पन “इ खिंमी ओव़ब मुर कली लाङगा ग्रुंइदो। गोपुकी मेको नु इप्‍नीकी” दे ग्रीमा बाक्‍त। उत्‍पत्ती १९:५-८

न्‍यायाधीस 19:23

मिनु खाल्‍पा लाङगा ग्रूशा, मेको आन कली “आं लोक्‍बपुकी, एको मुर आं वारच बाक्‍ब। मोदेंशो मरिम्‍शो मपन। एको मुर आं पौना बाक्‍ब। मेको कली मारेइ यो मपन।

न्‍यायाधीस 19:29

मिनु खिं जाक्‍दीश्‍शा, आ छूरी ग्रुंइ‍शा आ मीश कली क्‍योरशा, १२ टुक्रा पा इस्राएल आ थर नेल्‍ल आन कली सोइक्‍ता बाक्‍त। १सामुएल ११:७

न्‍यायाधीस 20:10

इस्राएल आ थर नेल्‍ल ङा सहे का रे १० जना, हजार का रे सहे का जना, १० हजार रे हजार का जना मुर लाइश्‍शा, लडाइ पाइब आन कली जचा थोव़क क्‍याप्‍‍ब नु कुरब सेल्‍य। मिनु मोपा गो गिबा सहरम बाक्‍ब बेन्‍यामीन आ थर ङा मुरपुकीम इस्राएलम पशो ग्रांग्रा दिशो गेय आ पर्बम क्‍येक्‍क लेत्‍तय” देंमा बाक्‍त।