न्‍यायाधीस 20:47 - Sunuwar Bible

⁴⁷ तन्‍न ब्रोंइशा लीशो ६ सहे जना बेन्‍यामीन आ थर ङा मुरपुकी गोरशो रागी ङा रिम्‍मोन फुल्‍लु मेर प्रोक्‍शा, ४ महिना मेकेर बाक्‍मा बाक्‍त। न्‍यायाधीस २१:१३

न्‍यायाधीस 20:47 ပူးပေါင်းရင်းမြစ်များ

यसैया 1:9

मुर नेल्‍ल आन परमप्रभु यावेमी “का निक्‍शी मुर महें‍शो हना, गेपुकी सोदोम नु गोमोररा खोदेंशो दुम्‍नी वा” देंत। उत्‍पत्ती १९:२४-२५; रोमी ९:२९

येरमीया 14:7

मिनु आंइ मरिम्‍शो पशोम आंइ पर्बम सांकछी गेम्‍तेक्‍म हना, परमप्रभु यावे, गे इन नें आ पर्बम शिशी पने। मारदे हना गो इन कली प्रोंइशा, थम मरिम्‍शो दुम्‍तक। गोपुकीम इन पर्बम पाप पशो बाक्‍त‍क। दानीएल ९:४-९

बिलाप 3:32

मेकोमी श्‍येत गेप्‍तु हना यो, लेंशा शिशी पाइब। मेको आ गेना हना यो दाक्‍तीक थम ठेयब बाक्‍ब।

हबकुक 3:2

“परमप्रभु यावे, गो इन पशो नेल्‍ल नेंता। परमप्रभु यावे, गो इन पशो तशा, इन कली ठेयब सेल्‍नुङ। आंइ ब्रोंइतीक नाक्‍तीमी मेको लेंशा कोंइदीन। मेको तुइक्‍पतीन। गे गाइक्‍ताक्‍नी हना, यो इन शिशी मिम्‍तीन।

जकरिया 14:10

मिनु रागी नेल्‍ल दिंम दुम्‍ब। मेको गेबा रे पा यरूसलेम आ दक्‍खिन ङा रिम्‍मोन सम्‍म दिंम दुम्‍ब। तन्‍न यरूसलेम बेन्‍यामीन लाप्‍चो रे, माइत लाप्‍चो लाक्‍शा, सुर ङा लाप्‍चो सम्‍म नु हानानेल माइश्‍शो लाइश्‍शो खिं रे पिप आ अङगुर ख्राक्‍तीक सम्‍म बाक्‍ब। मिनु यरूसलेम आ इर ङा बाक्‍तीकेम बाक्‍‍ब। यहोसु १५:३२; येरमीया ३१:३८

न्‍यायाधीस 20:46

मेको नाक्‍ती २५ हजार या कुरशो बेन्‍यामीन आ थर ङा मुरपुकी लडाइमी साइक्‍चा पुंइसमा बाक्‍त।

न्‍यायाधीस 20:48

मिनु इस्राएलीपुकीमी बेन्‍यामीन आ थर ङा मुर नेल्‍ल आन कली लडाइ पा सदमे बाक्‍त। सहर कली क्रोइश्‍शा, मुर नु बस्‍तु भाव मारेइ मारेइ सदमे बाक्‍त। मेकोपुकीमी लीशो सहर नेल्‍ल आन कली यो मी सुइक्‍तमे बाक्‍त। उत्‍पत्ती ३४:२५-२९; गन्‍ती ३५:३०-३४; ब्‍यवस्‍था १३:१३-१९

न्‍यायाधीस 21:13

मिनु ग्रुम्‍शो इस्राएली नेल्‍लेमी रिम्‍मोनमी ख्रुइश्‍शा बाक्‍शो बेन्‍यामीन आ थर ङा मुर आन कली “गारचा” दे ब्रेत्‍थ सोइक्‍मे बाक्‍त। न्‍यायाधीस २०:४७