न्‍यायाधीस 20:32 - Sunuwar Bible

³² मिनु बेन्‍यामीन आ थर ङा मुरपुकीमी “गो ङोंइती खोदेंशो पा ग्राना ग्रान बाक्‍नय” दे मिम्‍तमे बाक्‍त। तन्‍न इस्राएलीपुकीमी “गो प्रोक्‍खु पा मेको आन कली सहर रे ङोन ठेयब लां सम्‍म ग्रुंइचा माल्‍नीक” देंमा बाक्‍त।

न्‍यायाधीस 20:32 ပူးပေါင်းရင်းမြစ်များ

यहोसु 8:5

गो नु आं मुर नेल्‍ल सहर गे बारनीकी। मिनु मेको ङोंइती खोदेंशो पा आंइ कली खेदा पा ग्रूतेक्‍म हना, गो प्रोक्‍खु पाइनीकी।

यहोसु 8:6

मेकोपुकीमी आंइ कली खेदा पा खोइक्‍नीम। आंइ कली खेदा पा खोदमेनु, गोपुकी मेको आन कली सहर रे शुश ङोन लपाइक्‍चा कली आंइ कली खेदा पपाइक्‍नीकी। मारदे हना मेकोपुकीमी ‘इस्राएलीपुकी ङोंइती ङा बुदी गो आंइ कली तशा, प्रोक्‍ना प्रोक्‍न बाक्‍नीम’ दे मिम्‍नीम। मोपा गो प्रोक्‍कानु, यहोसु ७:५

न्‍यायाधीस 20:31

मिनु बेन्‍यामीन आ थर ङा मुरपुकी चहिं इस्राएली आन लडाइ पाइब नु लडाइ पचा कली लाङगा ग्रूमा बाक्‍त। इस्राएलीपुकी सहर रे प्रोक्‍खु पा मेको आन कली गिबा सहर रे ङोन लदमे बाक्‍त। मिनु बेन्‍यामीन आ थर ङा मुर ङोंइती खोदेंशो पा इस्राएली सदमे बाक्‍त। मेकोपुकी ठेयब लांमी बाक्‍मा बाक्‍त। लां का बेथेल गे लाइब नु अरु चहिं गिबा नु अर्को रू गे लाइब लां बाक्‍‍माक्‍त। मेकेर ३० जना इस्राएली कली सदमे बाक्‍त।

न्‍यायाधीस 20:33

मोपा इस्राएली आन लडाइ पाइब आन ठेयब हुल आंम आन लडाइ पतीके प्रोंइशा बाल-तामार गे प्रोक्‍खु पामे बाक्‍त। मिनु बाप्‍शा बाक्‍बपुकी चहिं गेबा आ पच्‍छिम रे रीब पा ग्रूमा बाक्‍त। गेबा गिबा सहर दुम्‍ने चाप्‍ब।

न्‍यायाधीस 20:39

मिनु प्रोक्‍खु पशो इस्राएल ङा ठेयब हुल मेको तशा लेत्चा, दे सल्‍ला पशो बाक्‍मा बाक्‍त। मिनु ङोंइती बेन्‍यामीन आ थर ङा मुरपुकीमी इस्राएली आन कली ३० जना साइश्‍शा “गो थमा पा ग्रानीक” दे मिम्‍शो बाक्‍मा बाक्‍त।