न्‍यायाधीस 20:14 - Sunuwar Bible

¹⁴ मिनु बेन्‍यामीन आ थर ङा मुरपुकी इस्राएलीपुकी नु लडाइ पचा कली गिबामी खुम्‍समा बाक्‍त।

न्‍यायाधीस 20:14 ပူးပေါင်းရင်းမြစ်များ

२ इतिहास 13:13

येरोबामम नोले रे जाक्‍शा लडाइ पचा कली हुल का बाप्‍पाइश्‍शा वोइश्‍शो बाक्‍माक्‍त। मिनु मेको आन लडाइ पाइब आन ठेयब हुलम चहिं यहूदा नु लडाइ पामे बाक्‍त। येरोबाम आ बाप्‍पाइश्‍शो हुल चहिं नोले रे जाक्‍मा बाक्‍त।

गन्‍ती 20:20

तन्‍न मेकोपुकीमी “गेपुकी लचा मताइनीनी” देंतेक्‍म। मिनु एदोममी मेको आन कली लडाइ तोचा कली शुश या कुरशा, ठेयब हुल लडाइ पाइब चाक्‍शा जाक्‍त।

गन्‍ती 21:23

तन्‍न सीहोनमी इस्राएली आन कली आ रागी लाक्‍शा लचा मगेवो। मेकोम आ लडाइ पाइबपुकी खुप्‍शा, गोरशो रागीम इस्राएली आन कली लडाइ तोप्‍तु। मेकोमी याहास सम्‍म जाक्‍शा, इस्राएली नु लडाइ पाप्‍तु।

न्‍यायाधीस 20:13

मोदेंशो मरिम्‍शो पाइब आन कली आंइ गुइमी गेन। मिनु गो मेको आन कली साइश्‍शा, इस्राएल रागी कली मोदेंशो ग्रांग्रा दिशो रे रिम्‍शो सेल्‍नीकी” दे लोव़ पथ, मुर सोइक्‍तमे बाक्‍त। तन्‍न बेन्‍यामीन आ थर ङा मुरपुकीम आंम लोक्‍ब इस्राएली आन लोव़ मनेन्‍मे बाक्‍त। प्रस्‍थान २१:१२; गन्‍ती ३५:३३-३४

न्‍यायाधीस 20:15

बेन्‍यामीन आ थर ङा मुरपुकीमी रीब पा २६ हजार तरवार कुरशो लडाइ पाइब मेको सहर रे खुप्‍तमे बाक्‍त। मेको आन क्‍येङा लाक्‍शा गिबा सहर ङा मुर यो बाक्‍मा बाक्‍त।