न्‍यायाधीस 2:17 - Sunuwar Bible

¹⁷ तन्‍न मेकोपुकीमी निसाफ पाइब आन देंशो लोव़ मनेन्‍मे बाक्‍त। मेकोपुकीमी तेल्‍लेम पशो खोदेंशो पा अरु देवी देवता आन नोले खोदमे बाक्‍त। मेको आन ङोंइती बाम्‍मा बाक्‍त। मेकोपुकी परमप्रभु यावे आ शेंशो लोव़ टीब आन किकी पिपी आन गाक्‍शो लां प्रोंइशा, मटीब दुम्‍मा बाक्‍त।

न्‍यायाधीस 2:17 ပူးပေါင်းရင်းမြစ်များ

भजन संग्रह 106:39

मोपा मेको आन गेयम पतीके ग्रांग्रा दिशो दुम्‍शा, तेल्‍लेम खोदेंशो दुम्‍मा बाक्‍त।

भजन संग्रह 106:43

मिनु परमप्रभुमी मेको आन कली शुश खेयप प्रोंइमी बाक्‍त। तन्‍न मेकोपुकीमी गेनायो परमप्रभु कली मटीमे बाक्‍त। मेको आन मरिम्‍शो पतीकेमी खतम दुम्‍मा बाक्‍त।

भजन संग्रह 73:27

इन क्‍येङा ङोन बाक्‍बपुकी थमा पा जाम्‍शा लाइनीम। गे इन क्‍येङा नोले शोंइसीशो नेल्‍ल आन कली खतम पोक्‍नीनी।

प्रस्‍थान 32:8

मेकोपुकीमी आं शेंशो लोव़ थु था प्रोंइतेक्‍म। आंम कली सुन के बाछा का सेल्‍शा, मेको कली पूजा पशा ‘इस्राएल ङा मुरपुकी, एकोन इं कली इजीप्‍त रागी रे ग्रुंइब परमप्रभु बाक्‍ब’ देंतेक्‍म” दे परमप्रभु यावेमी मोसा कली दें‍त। प्रस्‍थान २०:४,२३

येरमीया 3:6

योसीयाहम सासन पची ना परमप्रभु यावेमी आं कली “थमा सुइक्‍ने मचाप्‍ब इस्राएलम मार, पवा, मतवी? मेकोमी डांडा नेल्‍ल ङोइश्‍शा, गिगी रवा नेल्‍ल आन पुंम तेल्‍लेम पाप्‍तु। येरमीया २:२०

येरमीया 6:16

मिनु परमप्रभु यावेम मार, देंत देंशा हना “लां ब्रा‍तीकेम राप्‍शा कोव़ङीन। माइत लां आ पर्बम हिल्‍लो पने। मेको रिम्‍शो लां ते बाक्‍बा, दे हिल्‍लो पने। मिनु मेको लांमीन गाक्‍कीन। मिनु इन थुं ना‍इक्‍चा ताइनीनी। तन्‍न मेकोपुकीम ‘गो मेक मगाक्‍नीकी’ देंनीम। मत्ती ११:२९

होसे 2:2

इन ममा कली हुइक्‍तीन। मेको कली शुश हुइक्‍तीन। मारदे हना मेको आं मीश मबाक्‍ब। मिनु गो मेको आ वोंइश मनङ। मेकोमी आ मिक्‍च वोंइश मुर गे हिरचा प्रोनल। मिनु आ दूध आस दाते ङा नाता ख्रोइश्‍शा, ग्रांग्रा दिशो गेय प्रोनल। इजीकीएल १६:२३;

लेवी 17:7

मेकोपुकीमी मोपा वोल कली चढ़ेशा, आंम कली तेल्‍लेम खोदेंशो सेल्‍ने मचाप्‍नीम। एकोम परमप्रभु यावे आ अरेशो लोव़ नेल्‍ल आन पाला सम्‍म गेना हना यो कली अरेतीके बाक्‍ब’ दे‍‍नो” देंत। ब्‍यवस्‍था १७:१७

आमोस 2:4

मिनु परमप्रभु यावेमी “गो यहूदा आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी परमप्रभु यावे आ अरेशो लोव़ मटीम। आ फुल्‍लुम मुशा ब्रेक्‍शो लोव़ मपाम। मेकोपुकीम आन किकी पिपीम खोदेंशो पा जोल लोव़ थमा सुइश्‍शा हें‍थे गाक्‍तेक्‍म।

गलाती 1:6

इन कली तशा, गो छक लाक्‍ती। मारदे हना इन कली येसु ख्रीस्‍त रे पा शिशी पा आ गे ब्रेप्‍ब कली प्रोंइशा, अर्को आन ग्‍येरपाइक्‍ब लोव़ नेंतीनी।

ब्‍यवस्‍था 31:16

मिनु परमप्रभु यावेमी मोसा कली “गे इ किकी पिपी नु बाक्‍चा चिक्‍शो बाक्‍नेवे। गे बेक्‍ङे नोले मेको मुर आन लशो रागीम जाक्‍दीश्‍शा, मेको रागी ङा आन मतुइश्‍शो देवी देवता आन कली खोइक्‍नीम। आं कली प्रोंइशा, गो नु पशो कबल क्‍याम्‍नीम।

ब्‍यवस्‍था 31:18

मिनु मेकोपुकी शुश मरिम्‍शो पा, देवी देवता आन नोले खोइक्‍ब दुम्‍नीम। मोपतीके गो मेको आन कली वारच मपाइ‍नुङ।

ब्‍यवस्‍था 9:12

मिनु परमप्रभु यावेमी आं कली ‘बोक्‍को, रीब पा एक रे ब्रुपो। मारदे हना इ इजीप्‍त रे ग्रुंइशो मुरपुकीमी आं देंशो लां रीब पा प्रोंइतेक्‍म। आंम आन कली खतम सेल्‍तेक्‍म। गोम मेको आन कली मपचा देंशो पाम्‍तेक्‍म नु आंम कली सुन के मूर्ति सेल्‍तेक्‍म’ देंत।

ब्‍यवस्‍था 9:16

मिनु गेपुकीमी परमप्रभु यावे, इन परमप्रभु कली पाप पा, आंम कली बाछा आ मूर्ति सेल्‍सीशो बाक्‍तीनी। परमप्रभु यावेमी इन कली अरेशो लां रीब पा प्रोंइशा दूली लां खोइक्‍नी बाक्‍त।

यहोसु 24:24

मिनु मुरपुकीमी यहोसु कली “गो परमप्रभु यावे, आंइ परमप्रभु कली ठेयब सेल्‍नीकी। मेको आ लोव़ टीनीक” देंतेक्‍म।

यहोसु 24:31

इस्राएलीपुकीमी यहोसु आ ब्रोंइतीक नाक्‍त सम्‍म परमप्रभु यावे कली ठेयब सेल्‍तेक्‍म। मिनु परमप्रभु यावेमी पशो नेल्‍ल तशा तुइक्‍ब खाल्‍पापुकी बाक्‍मा सम्‍म मेकोपुकीमी परमप्रभु यावे कली ठेयब सेल्‍तेक्‍म। न्‍यायाधीस २:७

न्‍यायाधीस 2:7

मिनु इस्राएलीपुकीमी यहोसु मबेक्‍म सम्‍म परमप्रभु यावे कली ठेयब सेल्‍मे बाक्‍त। मिनु परमप्रभु यावेम इस्राएली आन पर्बम पशो ठेयब गेय ताइब खाल्‍पापुकी बाक्‍मा सम्‍म यो परमप्रभु यावे कली ठेयब सेल्‍मे बाक्‍त।

न्‍यायाधीस 8:33

गिदोन बेक्‍म नोले इस्राएलीपुकीमी लें‍शा बाल देवता कली ठेयब सेल्‍मे बाक्‍त। मेकोपुकीमी बाल-बेरीत कली आंम देवता सेल्‍मे बाक्‍त। न्‍यायाधीस २:११; न्‍यायाधीस ९:४

१ सामुएल 12:12

तन्‍न गे अम्‍मोनी आन पिप नाहाश कली लडाइ पथ पिशो ताइतीनी। मिनु गेपुकीमी ‘परमप्रभु यावे, इन परमप्रभु इन पिप बाक्‍त हना यो, आंइ कली सासन पपाइक्‍चा कली पिप का गेने’ देंतीनी। १सामुएल ११:१-२; १सामुएल ८:१९

१ सामुएल 12:17

मुल चेरब रिक्‍ची जाक्‍शो बाक्‍ब। मिनु गो परमप्रभु यावे कली रेउ नु बुंबु पुंइनुङ। मिनु मेकोम बुंबु पपाइश्‍शा, रेउ यिपाइक्‍ब। मिनु गे परमप्रभु यावे आ ङोंइती पिप पुंइशा, इन परमप्रभु यावे आ अरेशो लोव़ मटिशो ठेयब पाप बाक्‍ब, दे तुइक्‍नीनी” देंमाक्‍त।

१ सामुएल 12:19

मिनु मुर नेल्‍लेमी सामुएल कली “परमप्रभु यावे, इन परमप्रभु कली आंइ पर्बम ‘गो मबेक्‍कल’ दे पुनीन। मारदे हना आंइ मरिम्‍शो पशो ला ममाइ, आंइ कली पिप का माल्‍नीकी, दे आंइ मरिम्‍शो पतीक तेम्‍ताक्‍क” देंमा बाक्‍त।