न्यायाधीस 2:12 - Sunuwar Bible12 मिनु मेको आन कली इजीप्त रागी रे ग्रुंइब, परमप्रभु यावे, आंम किकी पिपी आन परमप्रभु कली प्रोन्मे बाक्त। मेको आन दातेमी बाक्ब जात जात ङा मुर आन देवी देवता आन ङोंइती बाम्मा बाक्त। मोपा परमप्रभु यावे कली चुरपदमे बाक्त। အခန်းကိုကြည့်ပါ။ |
न्यायाधीस 2:12
21 ပူးပေါင်းရင်းမြစ်များ
मेको आन कली बाप्शा सेउ मपने। मेको आन कली ठेयब मसेलीने। मारदे हना गो परमप्रभु यावे, इन परमप्रभु नङ। गो रुश पाइब परमप्रभु नङ। आं कली काइ मदाक्ब नु आ अरेशो मटीब मुर आन आल, चच, युइ नु युइ आन युइ आन पाला सम्म यो सजाइ गेब परमप्रभु नङ। प्रस्थान ३४:१४; ब्यवस्था ४:२४; ब्यवस्था ५:९; ब्यवस्था ६:१५; अय्युब २१:१९; येरमीया ३१:२९-३१; इजीकीएल १८:२५
मिनु गेपुकीमी परमप्रभु यावे आ लोव़ पाइब मेको ङोमु ङा लोव़ शेंब कली साइक्चा माल्नीनी। मारदे हना मेकोमी परमप्रभु यावे, इन परमप्रभु कली प्रोंइपाइक्चा, दे इन कली दूली शेंताक्व। मिनु इन कली वाइलीम वाइल दुम्तीके रे इजीप्त रे ग्रुंइशा एक चाक्ब परमप्रभु यावे, इन परमप्रभु बाक्ब। मोदेंशो मुरपुकीमी इन कली परमप्रभु यावे आ कोंइशो लां रे हेंथे गाक्पाइक्चा दाक्नीम।
मेको आ लोक्ब आन दाते ङा नेल्ल क्येङा ठेयब मुर, योसेफ आ पिया तार दुम्ल। मेको ङोंइती जरमेशो बाछा खोदेंशो बाक्ब। मेको ताइब बाक्ब। मेको आ ग्रोव़ ब्वाकी ङा ब्यफ आ ग्रोव़ खोदेंशो बाक्ब। मेकोमी जात जात ङा मुर आन कली खेरशा, रागी आ सुर सम्म नेप्ब। मेकोपुकी एफ्राइम आ लाख लाख ङा मुर नु मनस्से आ हजार हजार ङा मुर बाक्नीम” देंत। उत्पत्ती ४६:२०
ကြော်ငြာတွေ