न्‍यायाधीस 19:9 - Sunuwar Bible

⁹ मिनु मेको मुर, आ मीश नु आ वाइल नु लचा, दे बोक्‍मेनु, आ शिउमी “लो, कोव़ङीन, नां रिक्‍चाप्‍तु। मोपतीके मुलाक्‍त नाक्‍दो बाक्‍शा, इन थुं ग्‍येरपतीन। मिनु दीसा सुनी कना बोक्‍शा इन खिं ले‍तीन” देंमाक्‍त। लूका २४:२९

न्‍यायाधीस 19:9 ပူးပေါင်းရင်းမြစ်များ

२ सामुएल 13:28

मेकोम आ गेय पाइब आन कली “रिम्‍शा बाक्‍कीन। अम्‍नोन अङगुर शांबुम दुक्‍त हना, गो ‘मेको कली सतीन’ देंनुङ। मिनु गे मेको कली सतीन। मारेइ हिंचा ममाल्‍नीनी। एको आं हुकुम बाक्‍ब। महिंथु बाक्‍कीन” दे माइक्‍मी बाक्‍त। लेवी २०:१७

हितोपदेस 27:1

“दीसा पाइनुङ” दे ठेयब लेश्‍शो लोव़ मपावो। मारदे हना मेको नाक्‍त मार दुम्‍बा गे मतुइक्‍नेवे। याकूब ४:१३,१४

लूका 24:29

मेको निक्‍शीमी “मुल नां रिक्‍शा ते लाइनीनी? मुलाक्‍दो काथा बाक्‍य” देंसा बाक्‍त। मिनु येसुमी “मो हना दुम्‍ब, नां यो रिक्‍त” देंमाक्‍त। न्‍यायाधीस १९:९

न्‍यायाधीस 19:10

तन्‍न मेको नाक्‍दो बाक्‍चा मबिस्‍से बाक्‍त। मेक रे बोक्‍शा, आ मीश, आ वाइल नु गधा निक्‍शी खुल्‍शा, मेकोपुकी यबुस आ आइदी जाक्‍दीम्‍मा बाक्‍त। यबुस सहर कली यरूसलेम यो देंबाक्‍मा बाक्‍त। न्‍यायाधीस १:२१; १इतिहास ११:४

न्‍यायाधीस 19:6

मोपतीके जशा तूशा बाक्‍सा बाक्‍त। मिनु आ शिउमी “मुलाक्‍त नाक्‍दो का बाक्‍शा, चिनु ग्‍येरसीशा लने” देंमाक्‍त।

न्‍यायाधीस 19:8

मिनु ५ नाक्‍त मेको लचा कली सुनी कना बोक्‍माक्‍त। तन्‍न आ शिउमी “ङोंइती जने, नां इच्‍का चोक्‍तल। मिनु नोले लने” देंमाक्‍त। मोपतीके मेको निक्‍शी नां चोक्‍चा सम्‍म बाक्‍शा, जशा तूशा, बाक्‍सा बाक्‍त।

रूथ 3:7

बोआज जशा, तूशा ग्‍येरसे बाक्‍त। मिनु क्‍योव़ज पुक्‍तीके आ नोले इप्‍थ लमाक्‍त। मिनु रूथ बोआज आ मतुइक्‍चा ङा पा जाक्‍शा, आ खोइली गे ङा वा हुक्‍शा, गोल्‍माक्‍त।