न्‍यायाधीस 19:16 - Sunuwar Bible

¹⁶ मिनु खाल्‍पा का आ रूमी गेय पा नाक्‍दो खिं लेश्‍शो बाक्‍माक्‍त। मेको खाल्‍पा एफ्राइम ङा पहाडी रागी ङा बाक्‍माक्‍त। तन्‍न गिबामी बेन्‍यामीन आ थर ङा सहरम बाक्‍बाक्‍माक्‍त।

न्‍यायाधीस 19:16 ပူးပေါင်းရင်းမြစ်များ

उत्पत्ती 3:19

इ कुप्‍फी रे गाल यिपाइश्‍शा शोब्‍ले जचा माल्‍नेवे। गे खप मदुमे सम्‍म मोदेंशो पचा माल्‍नेवे। मारदे हना गो इ कली खप रे सेल्‍शो नङ” दे परमप्रभु यावेमी आदम कली देंमाक्‍त। उत्‍पत्ती २:७; भजन संग्रह ९०:१०; भजन संग्रह १०४:२९; उपदेसक १२:७; २थिस्‍सलोनिकी ३:१०

भजन संग्रह 104:23

मुरपुकी चहिं आन गेय पथ लाइनीम। मिनु नाक्‍दो सम्‍म गेय पाइनीम।

भजन संग्रह 128:2

गे इ पशो गेय रे जाइनेवे। गे ग्‍येरसीशा मारेइ मारेइमी दारनेवे।

हितोपदेस 13:11

मरिम्‍शो पा चेम्‍शो शोंप नुप्‍शा लाइब। तन्‍न इच्‍का इच्‍का पा चेम्‍शो शोंप बारना बारन लाइब।

हितोपदेस 14:23

गेय पतीक नेल्‍लेमी दारतीक बाक्‍ब। तन्‍न लोव़ पा ला बाक्‍ब मुर प्रुङग दुम्‍ब।

हितोपदेस 24:27

ङोंइती इ लाङगा ङा गेय थुमो। इ रूमी मार मार शोक्‍को। मिनु नोले इ खिं सेलो।

उपदेसक 1:13

गो आं जोक्‍तीक तुइक्‍तीकेम रागीमी मार मार पांइसीबा, मेको नेल्‍ल तुइक्‍चा दाक्‍ताक्‍ङ। परमप्रभुमी मुर आन कली मोदेंशो तुइक्‍चा माल्‍तीक थुं गेशा, श्‍येत गेप्‍तु।

उपदेसक 5:12

शुश गेय पाइब मुर दोशो जाप्‍तु हना यो, निन्‍द्रा पचा दाक्‍ब। तन्‍न शोंप पाइश्‍शो मुर आ शुश शोंपोम पतीके मेको कली निन्‍द्रा मजाक्‍ब।

होसे 9:9

गिबा ङा नाक्‍त खोदेंशो पा मेकोपुकी काइ मरिम्‍शो गेय पाम्‍तेक्‍‍म। परमप्रभु यावेमी मेको आन मरिम्‍शो पशो मिम्‍शा सजाइ गेब। होसे १०:९; न्‍यायाधीस १९:२२-३०; न्‍यायाधीस २०:१३

एफिसी 4:28

खुइ पाइबमी लेंशा खुइ मपथु, ठीक गेय पचा माल्‍ब। मिनु मेकोमी रिम्‍शो गेय पवानु, श्‍येत जाइब आन कली यो वारच पने चाप्‍ब। प्रस्‍थान २०:१५; १थिस्‍सलोनिकी ४:११

२ थिस्‍सलोनिकी 3:10

गोपुकीमी “सुमी गेय मपाइबा, मेकोमी जचा मतवल” दे ङोंइती रे गेपुकी नु बाक्‍शा देंतक।

न्‍यायाधीस 19:1

मेना इस्राएल रागीम पिप मबाक्‍माक्‍त। मिनु लेवी का बाक्‍‍माक्‍त। मेको एफ्राइम ङा नेल्‍ल क्‍येङा नोले ङा पहाडी रागीम बाक्‍शो बाक्‍‍माक्‍त। मेकोमी यहूदा ङा बेथलेहेम रे मीश का चाक्‍शो बाक्‍माक्‍त। न्‍यायाधीस १७:६

न्‍यायाधीस 19:14

मिनु गाक्‍मा बाक्‍त। मोपा गाक्‍मा गाक्‍मा बेन्‍यामीन आन गिबा सहर जाक्‍चामेनु, नां रिक्‍माक्‍त। यहोसु १८:२८

न्‍यायाधीस 19:15

मिनु मेकेर बास माल्‍शा लामा बाक्‍त। मिनु सहर ङा चोकमी बाक्‍मा बाक्‍त। मारदे हना सुइमी मेको आन कली बास बाक्‍चा कली आन खिंमी मलदमे बाक्‍त।

न्‍यायाधीस 19:17

मिनु मेको खाल्‍पामी इर कोव़शा सहर ङा चोकमी बाक्‍शो लां गाक्‍ब मुर आन कली तवा बाक्‍त। मिनु लशा मेको आन कली “ते रे पिनी? ते लाइनीनी?” दे हिल्‍लो पवा बाक्‍त।