न्‍यायाधीस 18:7 - Sunuwar Bible

⁷ मिनु मेको ५ जना मुर लशा, लाइश सहरमी जाक्‍दीम्‍मा बाक्‍त। मेकोपुकीमी मेकेर ङा मुर आन कली सीदोन ङा मुरपुकी खोदेंशो पा लडाइ मपथु, रिम्‍शो नु क्‍येट थीब दुम्‍शा, बाक्‍शो तामे बाक्‍त। मेकोपुकी नु मारेइ मारेइ बाक्‍माक्‍त। मेको आन रागी सीदोनी आन रागी क्‍येङा ङोन बाक्‍माक्‍त। मिनु मेकोपुकी आंमा ला बाक्‍शो बाक्‍मा बाक्‍त।

न्‍यायाधीस 18:7 ပူးပေါင်းရင်းမြစ်များ

१ राजा 1:6

मिनु मेको आ आफोम मेको कली “गे मारदे मोदेंशो पवी?” दे गेनायो महुइक्‍ता बाक्‍त। अदोनीयाह यो थम दारशो मुर का बाक्‍माक्‍त। मेको अब्‍सालोम क्‍येङा नोले जरमेशो बाक्‍माक्‍त।

१ राजा 16:31

नेबात आ तौ येरोबाम आ पाप ङा लांम गाक्‍चा, मेको कली मारेइ खोदेंशो मदुम्‍माक्‍त। मेकोम सीदोन ङा पिप एथ-बाल आ तमी इजेबेल कली ग्‍युंबे पवा बाक्‍त। मिनु बाल देवता कली पूजा पा ठेयब सेला बाक्‍‍त।

१ इतिहास 4:40

मेकेर शुश नु रिम्‍शो बस्‍तु भाव योव़तीके थित्‍मे बाक्‍त। मेकेर मारेइ रेयके मनेंसीब रिम्‍शो ठेयब दिंम बाक्‍माक्‍त। मेको क्‍येङा ङोंइती हाम आ मुर बाक्‍शो बाक्‍मा बाक्‍त। इतिहास १:८-१६

येरमीया 49:31

मिनु “बेबीलोन ङा पिप नेबुकदनेसरमी इन कली श्‍येत गेचा मिम्‍ब। इन कली मरिम्‍शो पचा मिम्‍ताक्‍व। बोक्‍कीन, थुं नाइश्‍शा रिम्‍‍शो पा बाक्‍ब मुर गे बारीन। मेको रागी ङा मुर आन के ठेयब लाप्‍चो नु चोक्‍तीके मबाक्‍नीम। मेको रागी ङा मुर अरु क्‍येङा ङोन बाक्‍नीम।

रोमी 13:3

रिम्‍शो पाइबपुकी सरकार आ हुकुम तशा महिंनीम “रिम्‍शो पाइतीनी” देंनीम। मरिम्‍शो पाइबपुकी चहिं हिंनीम। १पत्रुस २:१३-१४

यहोसु 19:47

मिनु दान आ खिं खिं ङा मुर मेको रागी ग्राचा कली श्‍येत जाम्‍तेक्‍म। मिनु मेकोपुकीमी लेशेम सहरमी लशा, लडाइ पा तरवारमी मुर नेल्‍ल आन कली साइश्‍शा ग्रा‍तेक्‍म। मेकोपुकी मेको सहरमी बाक्‍शा, मेको कली आंम किकी आ नें दान वोइक्‍तेक्‍म। न्‍यायाधीस १८:२७-२९

१ पत्रुस 2:14

मिनु आ वोइश्‍शो ठेयब मुर आन कली यो टिचा माल्‍नीनी। मेकोपुकी मरिम्‍शो पाइब आन कली सजाइ गेचा नु रिम्‍शो पाइब आन कली “गे रिम्‍शो पाइतीनी” देंचा कली वोइश्‍शो बाक्‍नीम।

प्रकाश 18:7

मिनु आंम कली गिश ठेयब सेला, मिश श्‍येत गेशा, सुर्ता नु रोंका पपतीन। मिनु मेकोमी आ थुंमी चहिं ‘गो पिपीम नङ। गो वोंइश बेक्‍शो मीश मुर मनङ। मोपतीके गो सुर्ता गेनायो मपाइनुङ’ देंब। यसैया ४७:७-९

न्‍यायाधीस 18:29

मिनु मेको सहर कली इस्राएल आ तौ, मेको आन किकी पिपी आ नें दान वोदमे बाक्‍त। मेको सहर आ नें ङोंइती लाइश बाक्‍माक्‍त। यहोसु १९:४७

न्‍यायाधीस 18:6

मिनु लेवीमी “थुं नाइश्‍शा लने, परमप्रभु यावेमी इन गेय दाक्‍शो बाक्‍ब” देंमाक्‍त।

न्‍यायाधीस 18:8

मिनु मेको ५ जना मुर सोराह नु एश्‍ताओल सहरमी लेश्‍शा जाक्‍मा नोले आन लोक्‍बपुकीमी “मार लोव़ चाक्‍नी?” दे हिल्‍लो पामे बाक्‍त।

१ सामुएल 3:13

मारदे हना गो मेको कली ‘गो इ खिं ङा मुर आन कली गेना हना यो सजाइ गेनुङ। मारदे हना एलीमी आ तौ निक्‍शीमी मरिम्‍शो पशो तुइश्‍शा यो, मेको आस कली मतेक्‍ग। १सामुएल २:२७-३६