न्‍यायाधीस 18:4 - Sunuwar Bible

⁴ मिनु मेकोमी “मीकाहमी गेय गेती। मेको आ चढ़ेब दुम्‍ती” देंमाक्‍त।

न्‍यायाधीस 18:4 ပူးပေါင်းရင်းမြစ်များ

हितोपदेस 28:21

कुल कोव़मुचा मरिम्‍शो बाक्‍ब। तन्‍न मुरुमी आइक्‍च शोब्‍ले तचा कली मरिम्‍शो पाइनीमी कों। हितोपदेस १८:५; ब्‍यवस्‍था १:१७

यसैया 56:11

कुचुमपुकी शुश जचा ब्‍वचा दाक्‍नीम। गेनायो मरूनीम। मेको गोठला यो मोदेंशो मरुप्‍ब बाक्‍नीम। मेको नेल्‍ल आंम आन लां खोइक्‍ब बाक्‍नीम। मारेइ मारेइ आंम के सेल्‍चा दाक्‍‍नीम। मेको नेल्‍ल खाल का ङा बाक्‍नीम। येरमीया ६:१३

इजीकीएल 13:19

मुठी का निक्‍शी क्‍योव़ज, नु टुक्रा का निक्‍शी शोब्‍ले आ पर्बम साइक्‍चा ममाल्‍शो मुर आन कली साइक्‍तीनी। मिनु ब्रोंइचा मगेचा माल्‍शो मुर आन कली ब्रोंइचा गेतीनी। मिनु आं मुर आन कली जोल पा मोदेंशो पाइ‍तीनी’ दे परमप्रभु, परमप्रभु यावेमी मेको आन कली माइक्‍मी” देंत।

मलाकी 1:10

मिनु लेंशा “गेपुकीमी आं चढ़ेतीकेमी मो मी मुइक्‍चा क्‍येङा का लशा लाप्‍चो चोक्‍नी हना, रिम्‍शो दुम वा। गो इन कली तशा मग्‍येरसीशो बाक्‍नुङ। मिनु इन चढ़ेशो यो मताक्‍नुङ” दे मुर नेल्‍ल आन परमप्रभु यावेमी देंत। मलाकी २:१३; यसैया १:१३

प्रेरित 20:33

गेपुकी नु बाक्‍ङानु, इन बाक्‍शो सुन चांदी वा नेल्‍ल तशा मवाल्‍ङ। मारेइ मताक्‍गु।

१ तिमोथी 3:3

राकसी शांबु तूशा दुक्‍ब नु तुप्‍ब मुर थमा सुइक्‍ब आन कली कोव़ब दुम्‍ने मचाप्‍ब। थमा सुइक्‍ब आन कली कोव़ब रिम्‍शो थुं पाइश्‍शो बाक्‍चा माल्‍ब। जिचा पोक्‍ब नु क्‍येट शुश दाक्‍बमी एको गेय पने मचाप्‍ब।

तीतस 1:11

मोदेंशो मुर आन कली ब्‍वालेइ पपाइक्‍चा माल्‍नीम। मारदे हना खिं खिं ङा मुर नेल्‍ल आन कली जिपाइक्‍नीमी। मिनु क्‍येट चेम्‍चा कली शेंनीमी।

२ पत्रुस 2:3

मेको आन शीम पतीकेमी इन कली दूली लोव़ पा, इन क्‍येट योल्‍नीम। मेकोपुकी ङोंइती रे नरक लचा चिक्‍शो बाक्‍नीम।

न्‍यायाधीस 17:10

मिनु मीकाहमी “गो नु बाक्‍को। मिनु आं आफ नु आं चढ़ेब दुमो। गो इ कली बर्स बर्समी १० ओटा चांदी के शेकेल गेनन। मिनु जचा फेक्‍चा यो गेनन” देंमाक्‍त।

न्‍यायाधीस 17:12

मिनु मीकाहमी मेको लेवी ठिटा कली आ गेय गेवा बाक्‍त। मिनु मेको ठिटा आ चढ़ेब दुम्‍शा, मेको आ खिंम बाक्‍माक्‍त। प्रस्‍थान २८:४१

न्‍यायाधीस 18:3

मिनु मेकोपुकी मीकाह आ खिंम बाक्‍मानु, मेको लेवी ठिटा आ लोव़ पशो नेंशा तुइक्‍तमे बाक्‍त। मिनु मेको लेवी कली “सुम इ कली एकेर चाक्‍गा? एकेर मार पाइनेवे? मार गेय पाइनेवे?” दे हिल्‍लो पामे बाक्‍त। न्‍यायाधीस १७:७

न्‍यायाधीस 18:5

मिनु मेकोपुकीमी मेको लेवी कली “मो हना आंइ गेय रिम्‍शो दुम्‍बा देय मदुम्‍बा, परमप्रभु कली हिल्‍लो पावो” देंमा बाक्‍त।