न्‍यायाधीस 18:31 - Sunuwar Bible

³¹ परमप्रभु आ खिं शिलोमी बाक्‍म सम्‍म मेकोपुकीमी मीकाहमी सेल्‍सीशो मूर्ति कली पूजा पामे बाक्‍त। यहोसु १८:३; येरमीया ७:१२

न्‍यायाधीस 18:31 ပူးပေါင်းရင်းမြစ်များ

येरमीया 41:5

शेकेम, शिलो नु सामरीया रे आन गाल शोक्रे प्रेक्‍‍शो, आन वा खाक्‍शो नु आन रां चेश्‍शो ८० जना मुरपुकी परमप्रभु यावे आ खिंम अन्‍न चढ़ेचा कली नु धूप चोचा कली जाक्‍तेक्‍म। येरमीया १६:६

येरमीया 7:12

मुल आं बाक्‍तीक शिलो लने। गो मेकेर ङोंइती आं नेंमी बाक्‍तीक सेल्‍शो नङ। मिनु गो इस्राएल ङा मुर आन कली आं अरेशो मटितीके मार पदु? मेकेर लशा कोव़ङीन। यहोसु १८:१; १सामुएल ४:४,१२; भजन संग्रह ७८:६०

यहोसु 18:1

मिनु इस्राएल ङा मुर नेल्‍ल शिलोमी बुक्‍तेक्‍म। मेकेर ग्रुम्‍तीक ताम्‍बु की‍तेक्‍म। मेना मेको रागी मेको आन रागी दुम्‍शो बाक्‍त। न्‍यायाधीस २१:१९; १सामुएल १:३; येरमीया ७:१२-१५

न्‍यायाधीस 19:18

मिनु मेकोमी “गोपुकी यहूदा ङा बेथलेहेम रे एफ्राइम ङा नेल्‍ल क्‍येङा नोले ङा पहाडी रागीम लाइनीकी। गो मेकेर ङा नङ। गो यहूदा ङा यबुस बेथलेहेममी लती। मुल मेक रे लेश्‍शा, आं खिं लना लन बाक्‍नुङ। मिनु सुइमी आंइ कली बास बाक्‍चा मगेम।

न्‍यायाधीस 21:19

मोपतीके “नेनीन, परमप्रभु यावे आ पर्बम बर्सम काले दुम्‍ब चाड शिलोमी पाइनीम। शिलो बेथेल आ उत्तर गे बाक्‍ब। मिनु मेको बेथेल रे शेकेम लतीक ठेयब लां आ पूर्ब नु लेबोना सहर आ दक्‍खिनम बाक्‍शो बाक्‍ब” देंमा बाक्‍त। यहोसु १८:१

न्‍यायाधीस 21:21

मिनु शिलो ङा मीश आलपुकी सिल पथ जाक्‍मानु, अङगुर रू रे फो फु ग्रूशा, आंम मीश सेल्‍चा कली का का पा मीश आल कीङीन। मिनु बेन्‍यामीन आ थर ङा रागी लन। प्रस्‍थान २१:१६; ब्‍यवस्‍था २४:७

१ सामुएल 1:3

एल्‍काना बर्स बर्सम आ सहर रे शिलो लाइबाक्‍माक्‍त। मेकेर मुर नेल्‍ल आन परमप्रभु यावे कली ठेयब सेल्‍शा, चढ़ेतीक चढ़ेचा कली लाइबाक्‍माक्‍त। मिनु मेकेर चढ़ेब एली आ तौ निक्‍शी होफ्‍नी नु फिनेहास बाक्‍सा बाक्‍त। मेको परमप्रभु यावे कली चढ़ेब बाक्‍सा बाक्‍त। यहोसु १८:१

१ सामुएल 4:4

मोपतीके मुरपुकीमी शिलोम मुर सोइक्‍तमे बाक्‍त। मिनु करूब आस दातेम बाक्‍ब मुर नेल्‍ल आन परमप्रभु यावे आ कबल पशो सन्‍दोस चाक्‍ग‍मे बाक्‍त। मिनु एली आ तौ होफ्‍नी नु फिनेहास परमप्रभु आ कबल पशो सन्‍दोस नु बाक्‍सा बाक्‍त। प्रस्‍थान २५:२२; २सामुएल ६:२