न्‍यायाधीस 18:30 - Sunuwar Bible

³⁰ मिनु दान आ थर ङा मुरपुकीमी मेको मूर्ति पूजा पचा कली वोदमे बाक्‍त। इस्राएली नेल्‍ल ग्‍याइश्‍शा लाइक्‍चा मपुंइसीमा सम्‍म मोसा आ तौ गेरशोम, आ तौ योनाथन नु मेको आ चच युइ दान आ थर ङा चढ़ेब दुम्‍मा बाक्‍त। १राजा १२:२९; आमोस ८:१४; प्रस्‍थान १८:३; २राजा १५:२९

न्‍यायाधीस 18:30 ပူးပေါင်းရင်းမြစ်များ

२ राजा 15:29

इस्राएल ङा पिप पेकाहमी सासन पवा ना अस्‍सुर ङा पिप तिग्‍लात-पिलेसेरमी लडाइ तोशा, इयोन, आबेल-बेथ-माकाह, यानोह, केदेश, हासोर, गिलाद, गालील रागी नु नाप्‍ताली आ रागी नेल्‍ल आ के सेल्‍शा, मेकेर ङा मुर आन कली ग्‍याइश्‍शा अस्‍सुर लाइक्‍मी बाक्‍त। १इतिहास ५:२६

२ राजा 17:18

मोपतीके परमप्रभु यावे इस्राएल आ पर्बम थाम्‍पा गाइक्‍ता बाक्‍त। मिनु मेको आन कली आ ङोंइती रे खेरमी बाक्‍त। यहूदा आ थर ङा मुर ला प्रोंइशा वोइक्‍चा पुंइसमा बाक्‍त।

२ राजा 17:20

मोपतीके परमप्रभु यावेम इस्राएल आ चच युइ नेल्‍ल आन कली प्रोंइमी बाक्‍त। मिनु मेको आन कली सजाइ गेशा, रोइक्‍ब आन गुइमी गेमी बाक्‍त। आ ङोंइती रे मखेरा सम्‍म मो पवा बाक्‍त।

२ राजा 17:22

मिनु इस्राएलीपुकीम येरोबाम आ पपाइश्‍शो पाप नेल्‍ल पामे बाक्‍त। मिनु मेको मप्रोन्‍मे बाक्‍त।

२ राजा 17:23

परमप्रभु यावेमी आ गेय पा, आ लोव़ पाइबपुकी रे ङोंइती देंशो खोदेंशो पा इस्राएली आन कली आ ङोंइती रे खेरमी बाक्‍त। मोपतीके इस्राएलीपुकी आंम आन रागी रे अस्‍सुर रागीम ग्‍याइश्‍शा लाइक्‍चा पुंइसमा बाक्‍त। मिनु मुल सम्‍म मेक उइ बाक्‍शो बाक्‍नीमी। ब्‍यवस्‍था २८:६३-६४

प्रस्‍थान 18:3

मोसामी आ तौ का आ नें गेरशोम वोइश्‍शो बाक्‍त। मारदे हना मेकोमी “गो मतुइश्‍शो रागी ङा मुर आन दातेमी अर्को रागी ङा मुर दुम्‍ती” देंत। प्रस्‍थान २:२२

प्रस्‍थान 2:22

मिनु नोले तौ का थिप्‍तु। मिनु मोसामी मेको आल आ नें गेरशोम वोइक्‍तु। मारदे हना “गो मतुइश्‍शो रागीमी अर्को रागी ङा मुर दुम्‍ती” दें‍त। प्रस्‍थान १८:४

प्रस्‍थान 20:4

मूर्ति मसेलीन। सरीङम बाक्‍ब, रागीम बाक्‍ब नु ब्‍वाक्‍कु गाम बाक्‍ब तेकोइ जन्‍तु आन मूर्ति मसेलीने। ब्‍यवस्‍था ४:१५-१९; ब्‍यवस्‍था २७:१५; यसैया ४०:१८-२६; रोमी १:२३

लेवी 26:1

मिनु लेंशा परमप्रभु यावेमी मोसा कली “गेपुकीमी इन कली मूर्तिपुकी मसेलीन। मिनु आंम कली मुशा मूर्ति नु पूजा पचा कली थाम मवोतीन। मिनु इन रागीमी मुशो फुल्‍लु मवोतीन। मेको कली पूजा पा आन ङोंइती मबपीन। मारदे हना गो परमप्रभु यावे, इन परमप्रभु नङ। प्रस्‍थान २०:४-५

ब्‍यवस्‍था 27:15

मिनु मेकोपुकीमी “सु मुरुमी मुशा, यपाइश्‍शा मूर्ति सेल्‍ब, मेको परमप्रभु यावे कली ग्रांग्रा दित्‍चा ङा बाक्‍ब। मिनु मेको जोक्‍ब मुरुमी आ सेल्‍शो मूर्ति कली ख्रुइश्‍शोमी वोइक्‍ब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २०:४,२३

ब्‍यवस्‍था 31:16

मिनु परमप्रभु यावेमी मोसा कली “गे इ किकी पिपी नु बाक्‍चा चिक्‍शो बाक्‍नेवे। गे बेक्‍ङे नोले मेको मुर आन लशो रागीम जाक्‍दीश्‍शा, मेको रागी ङा आन मतुइश्‍शो देवी देवता आन कली खोइक्‍नीम। आं कली प्रोंइशा, गो नु पशो कबल क्‍याम्‍नीम।

ब्‍यवस्‍था 31:29

मारदे हना गो बेक्‍ङा नोले गेपुकी थमा पा दूली पाइब दुम्‍नीनी। मेको गो तुइक्‍नुङ। मिनु गेपुकी आं अरेशो लां रे ङोन लाइनीनी। मिनु गेपुकीमी परमप्रभु यावे आ ङोंइती मरिम्‍शो पाइनीनी। मिनु मेको इन पतीकेमी मेको कली गाइक्‍पाइक्‍नीनी। नोले ङा नाक्‍तीमी इन कली शुश श्‍येत दुम्‍ब” देंत।

न्‍यायाधीस 13:1

मिनु इस्राएलीपुकीमी लेंशा परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मोपतीके परमप्रभु यावेमी मेको आन कली ४० बर्स सम्‍म पलिस्‍ती आन गुइमी गेमी बाक्‍त।

न्‍यायाधीस 17:3

मिनु मेको ११ सहे चांदी के शेकेल आ ममा कली लेश्‍शा गेवानु, आ ममामी “एको चांदी आं तौ कली रिम्‍शो दुम्‍ल, दे मुशो, चांदीम गिल्‍शो मूर्ति सेल्‍पाइश्‍शा परमप्रभु यावे कली गेनुङ। मोपतीके गो मेको चांदी के शेकेल लेंशा इ कली गेनन” देंमाक्‍त। शेकेल का ११.५ ग्राम बाक्‍ब।

न्‍यायाधीस 17:5

मेको मीकाह के देवता थान का यो बाक्‍माक्‍त। मेकोमी चढ़ेब आ ङोंइती फेक्‍तीके निसाफ पतीक ऊरीम नु थुम्‍मीम बाक्‍शो झोला सेल्‍पाइश्‍शा, खिं ङा देवतापुकी यो सेल्‍पदा बाक्‍त। मिनु आ तौ का कली योव़शा, चढ़ेब सेला बाक्‍त। न्‍यायाधीस ८:२७; उत्‍पत्ती ३१:१९; प्रस्‍थान २८:४१