न्‍यायाधीस 18:23 - Sunuwar Bible

²³ मिनु हुइक्‍तीमी बाक्‍त। मिनु दान आ थर ङा मुरपुकीमी मीकाह कली “इ कली मार दुम्‍मे? मारदे मोदेंशो पा शुश मुर खुप्‍तीमी?” देंमा बाक्‍त।

न्‍यायाधीस 18:23 ပူးပေါင်းရင်းမြစ်များ

उत्पत्ती 21:17

मिनु परमप्रभुमी आल आ ङाक्‍शो सेंदा नेना बाक्‍त। मिनु परमप्रभु आ स्‍वर्ग ङा गेय पाइबमी सरीङ रे “हागार, मार दुमे? महिनो। मारदे हना परमप्रभुमी उइ बाक्‍शो इ तौ आ ब्रेश्‍शो नेंतु।

२ सामुएल 14:5

मिनु पिपमी मेको कली “इ कली मार श्‍येत दुम्‍मे?” दे मदा बाक्‍त। मिनु मेकोमी “गो वोंइश बेक्‍शो मीश मुर का नङ। आं वोंइश बेक्‍त।

२ राजा 6:28

मिनु पिपम मेको कली “इ कली मार दु‍म?” दे मदा बाक्‍त। मिनु मेको मीश मुरुम “एको मीश मुरुम आं कली ‘मुलाक्‍ती इ तौ ब्‍वचा योक्‍को। मिनु दीसा चहिं आं तौ ब्‍वय’ देंत। ब्‍यवस्‍था २८:५३

भजन संग्रह 114:5

समुन्‍द्र, गे मारदे प्रोक्‍ङे? यर्दन खोला, मारदे दूली गे शांइसे? यहोसु ४:२३-२४

यसैया 22:1

मिनु परमप्रभु यावेमी कोंइतीक बेंसी आ पर्बम यसैया कली “गे नेल्‍ल मार दुम्‍नी ङा मीन, नेल्‍ल इन खिं तार ङोंइसीनी?

न्‍यायाधीस 18:22

मिनु दान आ थर मा मुरपुकी मीकाह आ खिं रे इच्‍का ङोन जाक्‍दीम्‍मानु, मीकाहमी आ नेक्‍था ङा मुर आन कली ब्रेश्‍शा खुप्‍शा, खेदा पा थिम्‍मी बाक्‍त।

न्‍यायाधीस 18:24

मिनु मीकाहमी “आं कली सेल्‍सीशो देवी देवता नु आं चढ़ेब मुर मारदे लाइक्‍नी? आं कली मारेइ महेंदीनी। मिनु आं कली ‘इ कली मार दुम्‍मे?’ दे हिल्‍लो पाइनीनी?” देंमाक्‍त।

१ सामुएल 11:5

मेना सावल रू रे पा ब्‍यफ खुल्‍शा जाक्‍ना जाक्‍न बाक्‍माक्‍त। मिनु मेकोमी “मुरपुकी मारदे ठेयब सेंदा पा ङाक्‍मा” दे हिल्‍लो पामी बाक्‍त। मिनु याबेश-गिलाद ङा मुरपुकीमी देंशो लोव़ मेको कली शेंदमे बाक्‍त।