न्‍यायाधीस 18:19 - Sunuwar Bible

¹⁹ मिनु मेकोपुकीमी “ब्‍वालेइ पावो। लोव़ का यो मपावो। गो नु गाक्‍शा आंइ आफ नु चढ़ेब दुमो। मार, मुर का आ चढ़ेब दुम्‍चा रिम्‍शो देय इस्राएल ङा थर का नु आन मुर आन चढ़ेब दुम्‍चा रिम्‍शो दुम्‍बा? लो, मिम्‍तो” देंमा बाक्‍त।

न्‍यायाधीस 18:19 ပူးပေါင်းရင်းမြစ်များ

२ राजा 13:14

एलीशा रोइ पवा बाक्‍त। मिनु नोले मेको रोइ रे बेक्‍माक्‍त। मिनु इस्राएल ङा पिप योआश मेको कली कोव़‍थ लमाक्‍त। मिनु मेको आ ङोंइती ङाक्‍शा “ए, आं आफ! ए, आं आफ! इस्राएल ङा बग्‍गी नु शारा ङोइक्‍बपुकी” देंमाक्‍त। २राजा २:१२

२ राजा 6:21

मिनु इस्राएल ङा पिपमी मेको आन कली तशा, एलीशा कली “आं आफ, मार गो एको आन कली सदुमी। एको आन कली सदुमी?” दे हिल्‍लो पवा बाक्‍त।

अय्‍युब 21:5

आं कली कोव़यीनी। मिनु सिक्‍सी पने। मारदे हना गो ग्रांग्रा दि‍चा ङा तांइसीनुङ। इन शोव़ सुम्‍सीन। अय्‍युब ४०:४

अय्‍युब 29:9

ठेयब मुरपुकी सिक्‍सी पा बाक्‍तेक्‍म। मिनु मेकोपुकीम आन गुइमी आन शोव़ सुम्‍तेक्‍म।

हितोपदेस 30:32

गे मूर्ख दुम्‍शा, आंम कली ठेयब सेल्‍तीवी हना, गे मरिम्‍शो पचा मिम्‍शो बाक्‍ते हना, इ कुल सुम्‍सो।

मीका 7:16

मेको रागी रागी ङा मुरपुकी शुश सक्ति पाइश्‍शो बाक्‍तेक्‍म हना यो, मेको तशा, मुने दोक्‍नीम। मेकोपुकीम आन गुइम आन कुल सुम्‍सीनीम। मिनु मेको आन नोफा लाटा दुम्‍ब।

मत्ती 23:9

एको रागीमी सुइ आन कली आफ मदेनीने। मारदे हना इन आफ का ला स्‍वर्गम बाक्‍ब।

न्‍यायाधीस 17:10

मिनु मीकाहमी “गो नु बाक्‍को। मिनु आं आफ नु आं चढ़ेब दुमो। गो इ कली बर्स बर्समी १० ओटा चांदी के शेकेल गेनन। मिनु जचा फेक्‍चा यो गेनन” देंमाक्‍त।

न्‍यायाधीस 18:18

मिनु मोपा मेको ५ जना मुरुमी मीकाह आ खिंमी ओव़शा, मेको मुशा चांदीम गिल्‍शो मूर्ति, चढ़ेब आ ङोंइती फेक्‍शो निसाफ पतीके ऊरीम नु थुम्‍मीम बाक्‍शो झोला नु खिं ङा देवतापुकी लदमेनु, चढ़ेबमी “मार पनी?” दे हिल्‍लो पामी बाक्‍त।

न्‍यायाधीस 18:20

मिनु मेको चढ़ेब बिश्‍शा, मेको निसाफ पतीके ऊरीम नु थुम्‍मीम बाक्‍शो झोला खिं ङा देवतापुकी नु मेको मुशा चांदीम गिल्‍शो मूर्ति कुरशा, मेकोपुकी नु गाक्‍माक्‍‍त।