न्‍यायाधीस 18:18 - Sunuwar Bible

¹⁸ मिनु मोपा मेको ५ जना मुरुमी मीकाह आ खिंमी ओव़शा, मेको मुशा चांदीम गिल्‍शो मूर्ति, चढ़ेब आ ङोंइती फेक्‍शो निसाफ पतीके ऊरीम नु थुम्‍मीम बाक्‍शो झोला नु खिं ङा देवतापुकी लदमेनु, चढ़ेबमी “मार पनी?” दे हिल्‍लो पामी बाक्‍त।

न्‍यायाधीस 18:18 ပူးပေါင်းရင်းမြစ်များ

यसैया 46:2

मिनु मेकोपुकी कालेम दिङ गोल्‍शा, गुर ब्‍वेनीम। आन भारी प्रोंइने मचाप्‍‍नीम। मिनु आंमा ग्‍याइश्‍शा लाइक्‍चा पुंइसीनीम।

इजीकीएल 21:21

मारदे हना बेबीलोन ङा पिप मेको लां निक्‍शी ग्रुम्‍तीकेम राप्‍ब। तेको लां लचा, दे मेकोमी लिंक्‍यु कोव़ब, ब्रा कली हिम्‍पाइक्‍ब। आ खिं ङा मूर्ति आन कली हिल्‍लो पा आ आइदी कोव़ब।

लेवी 26:1

मिनु लेंशा परमप्रभु यावेमी मोसा कली “गेपुकीमी इन कली मूर्तिपुकी मसेलीन। मिनु आंम कली मुशा मूर्ति नु पूजा पचा कली थाम मवोतीन। मिनु इन रागीमी मुशो फुल्‍लु मवोतीन। मेको कली पूजा पा आन ङोंइती मबपीन। मारदे हना गो परमप्रभु यावे, इन परमप्रभु नङ। प्रस्‍थान २०:४-५

न्‍यायाधीस 18:17

मिनु ङोंइती क्‍यारी पथ जाक्‍शो ५ जना मुर खिं आगा ओव़मा बाक्‍त। मिनु मेकोपुकीमी मेको मुशा चांदीम गिल्‍शो मूर्ति, निसाफ पतीके ऊरीम नु थुम्‍मीम बाक्‍शो झोला नु खिं ङा देवता नेल्‍ल लदमे बाक्‍त। मेना चढ़ेब यो मेको ६ सहे मुर नु लाप्‍चोम राप्‍शा बाक्‍शो बाक्‍माक्‍त। न्‍यायाधीस १७:५

न्‍यायाधीस 18:19

मिनु मेकोपुकीमी “ब्‍वालेइ पावो। लोव़ का यो मपावो। गो नु गाक्‍शा आंइ आफ नु चढ़ेब दुमो। मार, मुर का आ चढ़ेब दुम्‍चा रिम्‍शो देय इस्राएल ङा थर का नु आन मुर आन चढ़ेब दुम्‍चा रिम्‍शो दुम्‍बा? लो, मिम्‍तो” देंमा बाक्‍त।