न्‍यायाधीस 18:13 - Sunuwar Bible

¹³ मिनु मेक रे गाक्‍शा, एफ्राइम ङा पहाडी रागीम बाक्‍शो मीकाह आ खिंमी जाक्‍दीम्‍मा बाक्‍त।

न्‍यायाधीस 18:13 ပူးပေါင်းရင်းမြစ်များ

यहोसु 24:30

मिनु मेकोपुकीमी यहोसु कली गाश डांडा आ उत्तर गे एफ्राइम आ पहाड तिम्‍नाथ-सेराह माइक्‍तीक, आंम आ रूमी थिम्‍तेक्‍म। यहोसु १९:५०

यहोसु 24:33

मिनु हारून आ तौ एलाजर यो बेक्‍त। मेको कली गिबा सहरमी थिम्‍तेक्‍म। मेको एफ्राइम ङा पहाड रागीमी बाक्‍शो सहर, मेको आ तौ फिनेहास कली गेम्‍तेक्‍म। ब्‍यवस्‍था १०:६

न्‍यायाधीस 17:1

एफ्राइम ङा पहाडम मीकाह नें पाइश्‍शो मुर का बाक्‍माक्‍त।

न्‍यायाधीस 18:12

मेकोपुकी कुशा, यहूदा ङा किरयथ-यारीम आ नेक्‍था ताम्‍बु कीशा बाक्‍मा बाक्‍त। मोपतीके मुल सम्‍म मेको कली माहानेह-दान देंनीम। मेको किरयथ-यारीम आ पच्‍छिममी बाक्‍ब।

न्‍यायाधीस 18:14

मिनु ङोंइती रागी क्‍यारी पथ पिशो ५ जना मुरुमी आन लोक्‍ब आन कली “एको खिं कामी चढ़ेब आ निसाफ पतीक ऊरीम नु थुम्‍मीम बाक्‍शो झोला नु खिं ङा देवता, मुशा चांदीमी गिल्‍शो मूर्ति बाक्‍नीम। गेपुकीमी तुइक्‍चा माल्‍नीनी। मिनु मुल मार पचा माल्‍बा, मिम्‍चा माल्‍नीनी” देंमा बाक्‍त।

न्‍यायाधीस 19:1

मेना इस्राएल रागीम पिप मबाक्‍माक्‍त। मिनु लेवी का बाक्‍‍माक्‍त। मेको एफ्राइम ङा नेल्‍ल क्‍येङा नोले ङा पहाडी रागीम बाक्‍शो बाक्‍‍माक्‍त। मेकोमी यहूदा ङा बेथलेहेम रे मीश का चाक्‍शो बाक्‍माक्‍त। न्‍यायाधीस १७:६