न्‍यायाधीस 17:5 - Sunuwar Bible

⁵ मेको मीकाह के देवता थान का यो बाक्‍माक्‍त। मेकोमी चढ़ेब आ ङोंइती फेक्‍तीके निसाफ पतीक ऊरीम नु थुम्‍मीम बाक्‍शो झोला सेल्‍पाइश्‍शा, खिं ङा देवतापुकी यो सेल्‍पदा बाक्‍त। मिनु आ तौ का कली योव़शा, चढ़ेब सेला बाक्‍त। न्‍यायाधीस ८:२७; उत्‍पत्ती ३१:१९; प्रस्‍थान २८:४१

न्‍यायाधीस 17:5 ပူးပေါင်းရင်းမြစ်များ

उत्पत्ती 31:19

लाबान आ भेडा आन ऊन ख्रोइक्‍थ लशो बाक्‍माक्‍त। मेना राहेलमी आ आफ आ खिं ङा मूर्तिपुकी खुइ पा कुरा बाक्‍त। न्‍यायाधीस १७:५; न्‍यायाधीस १८:१७; १सामुएल १९:१३; २राजा २३:२४; जकरिया १०:२

उत्पत्ती 31:30

मिनु गे इ आफ ग्रुम्‍चा शुश दाक्‍ताक्‍वी हना यो, मारदे आं खिं ङा मूर्ति खुइ पा लदी?” दे हिल्‍लो पवा बाक्‍त।

१ राजा 12:31

मिनु येरोबामम डांडा तार यो पूजा पतीक थानपुकी सेला बाक्‍त। मिनु मेकेर लेवी आन मुर मबाक्‍तेक्‍म हना यो अर्को थर ङा मुर रे चढ़ेबपुकी योव़शा वोइक्‍मी बाक्‍त।

१ राजा 12:32

मिनु येरोबामम ८ महिना ङा १५ नाक्‍त यहूदा ङा चाड खोदेंशो पा चाड का मानेतीक नाक्‍त सेला बाक्‍त। मिनु थानपुकीम क्‍योरशा चढ़ेपपाइक्‍मी बाक्‍त। मेकोमी आ सेल्‍शो बाछा आस कली यो मार मार क्‍योरशा चढ़ेपपाइक्‍मी बाक्‍त। मेकोमी बेथेलम आ सेल्‍शो डांडा ङा थानपुकीमी यो चढ़ेब आन कली योव़शा वोइक्‍मी बाक्‍त।

एज्रा 1:7

ङोंइती नेबुकदनेसरमी यरूसलेममी परमप्रभु यावे आ खिं ङा बोसपुकी रोइश्‍शा चाक्‍शा, आ देवता आ खिंमी वोइश्‍शो बाक्‍माक्‍‍त। मिनु पारसी ङा पिप कोरेसमी मेको बोस नेल्‍ल मेकेर रे ग्रुंइपाइक्‍तु। २इतिहास ३६:७,१८

प्रस्‍थान 24:5

मिनु मोसामी इस्राएली ठिटा आन कली बोहोर क्‍योरशा, चोशा चढ़ेतीक नु परमप्रभु यावे नु दुशा बाक्‍चा आ पर्बम चढ़ेतीक चढ़ेपपाइक्‍तु। न्‍यायाधीस १७:७

प्रस्‍थान 28:15

गे निसाफ पतीक झोला सेल्‍पाइक्‍चा माल्‍नेवे। मेको कुचु तार वोइक्‍तीके खोदेंशो पा, सेल्‍पाइक्‍चा माल्‍नेवे। सुन, नीलो, प्‍याजी, लल श्‍येले नु रिम्‍शो पा किरशो सुती श्‍येले के प्रोव़पाइक्‍चा माल्‍नेवे।

प्रस्‍थान 28:4

मेकोपुकीमी मार वासी फेरचा माल्‍नीम देंशा हना, कुचु तार वोइक्‍तीके, निसाफ पतीके ऊरीम नु थुम्‍मीम वोइक्‍तीक झोला, आ तार फेक्‍तीके नु आगा फेक्‍तीक वा फेरचा माल्‍नीम। पियाम गुप्‍‍तीक नु किप्‍शुर यो सेल्‍चा माल्‍नीम। मेको आं कली गेय पची ना फेक्‍तीक बाक्‍ब। इ लोक्‍ब हारून नु आ तौपुकीमी आं कली गेय पामेनु, मेको वा फेक्‍चा माल्‍नीम।

प्रस्‍थान 29:9

मिनु आ तौ आन कली किप्‍तीके किप्‍चा माल्‍नेवे। मिनु आन पियाम गुक्‍तीके गुप्‍चा माल्‍नेवे। मिनु मेकोपुकी गेना हना यो आं कली चढ़ेब गेय पाइब दुम्‍नीम। मोपा हारून नु आ तौ आन कली आं कली चढ़ेब सेल्‍मी। प्रस्‍थान २८:४१

यसैया 44:13

शी मुइबमी शी कली श्‍येलेम थाप्‍शा, ब्रेक्‍स पा बस्‍लाम क्‍योक्‍शा, लेंशा थाप्‍शा, कोव़शा ब्रेक्‍स पाइब। मिनु मुर खोदेंशो पा सेल्‍ब। दारशो मुर खोदेंशो पा सेल्‍ब। मिनु नोले मन्‍दीरम निप्‍पाइक्‍‍ब।

इजीकीएल 21:21

मारदे हना बेबीलोन ङा पिप मेको लां निक्‍शी ग्रुम्‍तीकेम राप्‍ब। तेको लां लचा, दे मेकोमी लिंक्‍यु कोव़ब, ब्रा कली हिम्‍पाइक्‍ब। आ खिं ङा मूर्ति आन कली हिल्‍लो पा आ आइदी कोव़ब।

इजीकीएल 21:26

मेको आ पिया रे गुप्‍तीक पुतीन। मेको आ सिरपेच पुतीन। मुल दुम्‍शो खोदेंशो पा, लेंशा मदुम्‍ब। आइक्‍च आन कली ठेयब सेलीन। मिनु ठेयब आन कली आइक्‍च सेलीन। प्रस्‍थान २८:४; लूका १८:१४

होसे 3:4

मारदे हना इस्राएलीपुकी शुश नाक्‍त सम्‍म पिप नु सासन पाइब मबाक्‍थु, बाक्‍चा माल्‍नीम। मेकोपुकीमी चढ़ेचा कली मिम्‍तीक फुल्‍लु, एफोद माइश्‍शो चढ़ेब आ पांइतीक वा नु आन खिं ङा मूर्ति यो मताइनीम। २इतिहास १५:३

होसे 8:14

इस्राएलीपुकीमी आंम कली सेल्‍ब कली प्रेंशा, ठेयब दरवार सेल्‍शो बाक्‍नीम। यहूदा ङा मुरपुकीमी शुश सहर एर ओंथ गारो सेल्‍शो बाक्‍नीम। तन्‍न गो मेको आन सहरमी मी सुइश्‍शा दरवार नेल्‍ल क्रोइक्‍नुङ” दे परमप्रभुम देंत। येरमीया १७:२७; आमोस २:५

गन्‍ती 3:10

मिनु गे हारून नु आ तौ आस कली चढ़ेबम पचा माल्‍शो गेय पपाइक्‍मी। मेकोपुकी ङा लाक्‍शा अर्को सुइ मुरुम मो पाम्‍तेक्‍म हना, मेको आन कली साइक्‍चा माल्‍नीम” देंत। गन्‍ती १:१५

हिब्रू 5:4

मोदेंशो चढ़ेब आंमन दुम्‍ने मचाप्‍नीम। हारून योव़चा पुंइसीशो खोदेंशो पा परमप्रभु यावेमी मेको आन कली योव़ब। प्रस्‍थान २८:१

न्‍यायाधीस 17:4

आ तौमी मेको चांदी आ ममा कली गेवानु, आ ममामी सहे निक्‍शी चांदी के शेकेल लाइश्‍शा, चेम्‍ब कली गेवा बाक्‍त। मिनु मेकोमी मुशो मूर्ति का सेल्‍शा मेको कली चांदीम गिला बाक्‍त। मिनु मेको मीकाह आ खिंमी वोदमे बाक्‍त।

न्‍यायाधीस 18:14

मिनु ङोंइती रागी क्‍यारी पथ पिशो ५ जना मुरुमी आन लोक्‍ब आन कली “एको खिं कामी चढ़ेब आ निसाफ पतीक ऊरीम नु थुम्‍मीम बाक्‍शो झोला नु खिं ङा देवता, मुशा चांदीमी गिल्‍शो मूर्ति बाक्‍नीम। गेपुकीमी तुइक्‍चा माल्‍नीनी। मिनु मुल मार पचा माल्‍बा, मिम्‍चा माल्‍नीनी” देंमा बाक्‍त।

न्‍यायाधीस 18:24

मिनु मीकाहमी “आं कली सेल्‍सीशो देवी देवता नु आं चढ़ेब मुर मारदे लाइक्‍नी? आं कली मारेइ महेंदीनी। मिनु आं कली ‘इ कली मार दुम्‍मे?’ दे हिल्‍लो पाइनीनी?” देंमाक्‍त।

न्‍यायाधीस 18:30

मिनु दान आ थर ङा मुरपुकीमी मेको मूर्ति पूजा पचा कली वोदमे बाक्‍त। इस्राएली नेल्‍ल ग्‍याइश्‍शा लाइक्‍चा मपुंइसीमा सम्‍म मोसा आ तौ गेरशोम, आ तौ योनाथन नु मेको आ चच युइ दान आ थर ङा चढ़ेब दुम्‍मा बाक्‍त। १राजा १२:२९; आमोस ८:१४; प्रस्‍थान १८:३; २राजा १५:२९

न्‍यायाधीस 8:27

मिनु गिदोनमी मेको सुन रे पा निसाफ पतीक ऊरीम नु थुम्‍मीम बाक्‍शो झोला का सेल्‍शा, मेको कली आ सहर ओफ्रामी वोदा बाक्‍त। मिनु इस्राएली नेल्‍लेमी मेको कली ठेयब सेल्‍शा, आंम कली दूली पाइब सेल्‍मे बाक्‍त। मेको गिदोन नु आ खिं ङा मुर आन कली यो हेंथे पपाइक्‍चा कली बाक्‍माक्‍त। न्‍यायाधीस १७:५;

१ सामुएल 19:13

मिकालमी मूर्ति चाक्‍शा, दाऊद आ ब्राख्‍येम वोदा बाक्‍त। मिनु आ पिया थांइसीतीकेम चहिं क्‍यारश आ चां वोदा बाक्‍त। उत्‍पत्ती ३१:१९

१ सामुएल 23:6

अहीमेलेक आ तौ अबीयाथार दाऊद आ बाक्‍तीक, कैलाह सहर प्रोक्‍मेनु, निसाफ पतीक ऊरीम नु थुम्‍मीम बाक्‍शो झोला यो लाइश्‍शा लशो बाक्‍माक्‍त।