न्‍यायाधीस 16:6 - Sunuwar Bible

⁶ मिनु देलीलाहमी सिम्‍सोन कली “सुमी इन कली शुश बोल गेवा? दोपा इन कली फ्रेंने चाम्‍सीबा? मुरपुकीम दोपा इन कली ग्‍याइक्‍ने चाप्‍नीमी? आं कली शेंदीन” दे हिल्‍लो पवा बाक्‍त।

न्‍यायाधीस 16:6 ပူးပေါင်းရင်းမြစ်များ

नेहेम्‍याह 6:4

मिनु मेकोपुकीमी आं कली ४ खेयप सम्‍म “यिने” दे लोव़ सोइक्‍ताक्‍यीमी। मिनु गो यो ङोंइती ङा खोदेंशो पा लोव़ लेश्‍शा सोइक्‍ताक्‍ङमी।

भजन संग्रह 12:2

नेल्‍लेमी आन नेक्‍था ङा मुर नु जोल ला पमुइनीम। चिप्‍लो लोव़ पाइब थुं निक्‍शी पाइश्‍शो ला बाक्‍नीम।

हितोपदेस 22:14

हेंथे गाक्‍ब मीश मुर आ लोव़ ठेयब खाल्‍टा खोदेंशो बाक्‍ब। परमप्रभु यावे आ गाइश्‍शो ताइबपुकी मेको खाल्‍टाम बिक्‍‍नीम। हितोपदेस ५:३

हितोपदेस 26:28

जोल पाइबमी सु कली जोल पवा, मेको कली काइ मदाक्‍ब। मिलो शिलो लोव़ पाइब मुरुमी नेल्‍ल खतम सेल्‍ब।

हितोपदेस 6:26

तेल्‍लेम आ गाल्‍च शोब्‍ले का ङा ला बाक्‍ब। तन्‍न ग्‍युंबे पशो मीश मुर नु बाक्‍चा वोंइश मुर आ ब्रोंइतीक नेल्‍ल रोइक्‍ब।

हितोपदेस 7:21

मोपा शुश लेम्‍शा, मेकोमी वोंइश आल कली लाइक्‍तु। आ मिलो शिलो लोव़मी मेको कली हेंथे खोइक्‍पाइक्‍तु।

मीका 7:2

थमा सुइक्‍चा पुंइसीब मुर रागी रे जाम्‍शा लाम्‍तेक्‍म। मिनु गेना हना यो रिम्‍शो पाइब मुर मलीशो बाक्‍नीम। मुर नेल्‍ल मुर साइक्‍चा कली बाप्‍शा बाक्‍शो बाक्‍नीम। मुर नेल्‍लेमी ब्‍वारद दाइश्‍शा आंम लोक्‍ब कली साइक्‍चा माल्‍‍शो बाक्‍नीम।

मीका 7:5

इन वारच कली थमा मसुतीन। इन दाक्‍शो मुर कली थमा मसुतीन। गे नु काथा इप्‍शो मीश नु यो होस पा लोव़ पने। येरमीया ९:३-४

न्‍यायाधीस 14:17

मिनु भोज के ७ नाक्‍ती मनुम्‍म सम्‍म आ मीश सिम्‍सोन आ ङोंइती ङाक्‍स ङा ङाक्‍स बाक्‍माक्‍त। मोपतीके ७ नाक्‍त सम्‍म शुश हिल्‍लो पा पुंइतीके सिम्‍सोनमी मेको लोव़ आ मीश कली शोव़ङा बाक्‍त। मिनु मेकोमी लशा, आ मुर आन कली देंमाक्‍त। न्‍यायाधीस १६:१६-१७

न्‍यायाधीस 16:5

मिनु पलिस्‍ती आन ठेयब मुरपुकी मेको मीश मुर कली ग्रुम्‍थ लमा बाक्‍त। मिनु मेको कली “सिम्‍सोन कली लेम्‍शा ‘इ कली सुमी बोल गेबा? दोपा इ कली फ्रेंने चाप्‍नीकी’ दे हिल्‍लो पावो। मिनु गो आंइ कली शेंदो। मारदे हना गो ग्‍याइक्‍चा दाक्‍नीकी। मिनु ग्‍याइश्‍शा गो का का पा इ कली ११, ११ सहे चांदी के शेकेल गेनीकी” देंमा बाक्‍त।

न्‍यायाधीस 16:7

मिनु सिम्‍सोनमी “आं कली लिब्रा आ ७ ओटा क्‍येख डोरीमी फ्रेंताक्‍यीमी हना, अरु मुर खोदेंशो बोल मपाइश्‍शो दुम्‍नुङ” देंमाक्‍त।