न्‍यायाधीस 16:30 - Sunuwar Bible

³⁰ मिनु सिम्‍सोनमी “आं कली पलिस्‍तीपुकी नु बेक्‍चा गेन” देंशा, आ सक्ति नेल्‍लेमी बोल पा मेको थाम निक्‍शी कली नेप्‍ता बाक्‍त। मिनु मेको खिं ब्रेम्‍माक्‍त। मोपा बाक्‍शो नेल्‍ल ठेयब मुर नु अरु मुर नेल्‍ले चिप्‍शा बेक्मा बाक्‍त। मोपा सिम्‍सोनमी आ ब्रोंइशो क्‍येङा यो आ बेक्‍ची ना शुश मुर सदा बाक्‍त। हिब्रू ११:३२-३४

न्‍यायाधीस 16:30 ပူးပေါင်းရင်းမြစ်များ

उत्पत्ती 3:15

गे नु मेको मीश मुर जिशा, बाक्‍चा मलीसे। मेको आ युइ नु इ युइ जिशा बाक्‍नीमी। मीश मुर आ युइ कामी इ पिया दिम्‍शा प्रोल्‍ब। गे चहिं मेको आ गेंग्रेम कोक्‍नेवे” दे सराप पदा बाक्‍त। प्रकाश १२:४-५,१५-१७

अय्‍युब 20:5

एको मार लोव़ बाक्‍ब देंशा हना, परमप्रभु यावे आ अरेशो मटीब आन ठेयब लेश्‍शो इच्‍का नाक्‍त ला लीब। मेको आन ग्‍येरसीशो याम का ला लीब।

अय्‍युब 31:3

मार, ठीक मपाइब आन कली शुश हिंचा ङा श्‍‍येत मदुम्‍बा ङा? मरिम्‍शो पाइब आन कली खतम दुम्‍तीकेम मसुम्‍बा ङा?

भजन संग्रह 62:3

गे नेल्‍लेमी मुर का कली गेना सम्‍म बाप्‍शा साइक्‍चा माल्‍नीनी? गे गोल्‍चा चिक्‍शो गारो नु ब्रेत्‍चा चिक्‍शो थरपु खोदेंशो मुर कली खोल्‍नीनी?

उपदेसक 9:12

मिनु हिंचा ङा श्‍येत गेना जाक्‍बा, सुइम मतुइक्‍नीम। शिशी मपाइब आन ग्‍याइलीम ङांइ रेश्‍शो नु ब्‍वारदम चिक्‍ब रेश्‍शो खोदेंशो पा मुरपुकी यो ममिम्‍थु हिंचा ङा श्‍येत जशा बेक्‍नीम।

मत्ती 16:25

आ गिंम प्रोंइचा दाक्‍बमी मेको साम्‍‍ब। आं पर्बम आ गिंम साम्‍बमी आ गिंम प्रोंइब। प्रकाश १२:११

प्रेरित 20:24

गो साइक्‍चा पुंइसाक्‍ङ हना यो, एको आं गिंम मारेइ ममिम्‍नुङ। प्रभु येसुमी आं कली पपाइश्‍शो लोव़ ‘परमप्रभु यावेमी मुर आन कली शिशी पाइब’ आ ग्‍येरपाइक्‍ब लोव़ कली तुइक्‍पाइक्‍‍नुङ। प्रेरित २१:१३; २तिमोथी ४:७

प्रेरित 21:13

पावलमी चहिं “मारदे ङाक्‍शा ब्रेश्‍शा, आं थुं खाइक्‍पाइक्‍नीनी? मलथु मप्रोंइनुङ। यरूसलेम जाक्‍दीश्‍शा, प्रभु येसु आ नेंमी फ्रेंसीचा ला ममाइ, बेक्‍चा माल्‍ती हना यो, बेक्‍नुङ” देंत। प्रेरित २०:२४

फिलिप्‍पी 2:17

गो इन थमा सुइक्‍चा आ पर्बम गेय पा, साइक्‍चा पुंइसाक्‍यी हना यो, ग्‍येरसीनुङ। गे नेल्‍ल नु ग्‍येरशा बाक्‍नुङ। २तिमोथी ४:६

फिलिप्‍पी 2:30

मेकोमी ख्रीस्‍त आ गेय पशा, आंम कली ममिम्‍थु, इन पा ङा आं कली वारच पथ जाक्‍मेनु, रोइ पा हेरा बेक्‍त।

फिलिप्‍पी 2:8

मिनु मुर दुम्‍शा, साइक्‍चा पुंइसीचा सम्‍म परमप्रभु यावे कली टिशा, शीम क्‍याइश्‍शा साइक्‍चा पुंइसीशा, आ ब्रेम्‍शो थुं कोंइताक्‍व। लूका १४:११; हिब्रू १२:२; हिब्रू ५:८

कलस्‍सी 2:15

मेकोमी हुकुम पाइब नु अधिकार पाइब आन कली आन या रोइश्‍शा फ्रुम्‍तीमी। मोदेंशो पा ग्राशा, नेल्‍ल आन कली कोंइताक्‍व। परमप्रभु यावे येसु ख्रीस्‍त आ पशो तशा शुश ग्‍येरसाक्‍व। कलस्‍सी १:१३; एफिसी ४:८

१ थिस्‍सलोनिकी 5:2

मारदे हना गेपुकी प्रभु आ नाक्‍त खुइ खोदेंशो पा जाक्‍ब, दे तुइक्‍नीनी। मत्ती २४:४२-४४; २पत्रुस ३:१०; प्रकाश ३:३; प्रकाश १६:१५

न्‍यायाधीस 14:19

मिनु परमप्रभु यावे आ सोक्‍तीम सिम्‍सोन कली ठेयब सक्तिम सुमा बाक्‍त। मिनु मेको अश्‍कलोन सहरमी लशा, मेकेर ३० जना मुर साइक्‍मी बाक्‍त। मिनु मेको आन के मार मार थोव़क नु वा पिश्‍शा, मेको लोव़ लेप्‍ब आन कली शुश क्‍येट लाइब फेक्‍तीक वा गेवा बाक्‍त। मिनु सिम्‍सोन गाइश्‍शा, आ आफ आ खिं लेम्‍माक्‍त।

न्‍यायाधीस 15:15

मिनु गधा आ पिया ङा रुश खप रे गुप्‍शा, मेकोमी हजार का मुर आन कली तुप्‍शा सदा बाक्‍त।

न्‍यायाधीस 15:8

मिनु सिम्‍सोनमी मेको आन कली शुश श्‍येत गेशा, शुश मुर आन कली साइक्‍मी बाक्‍त। मिनु मेकेर रे लशा, एताम ङा रोंगु ङा पुक्‍खीमी बाक्‍माक्‍त।

न्‍यायाधीस 16:29

मिनु सिम्‍सोनमी मेको खिं कली तिक्‍शा वोइक्‍ब खिं आ दातेमी वोइश्‍शो थाम निक्‍शी कली पेरा गुइमी का नु ग्‍युरा गुइमी अर्को कली ग्‍याइक्‍ता बाक्‍त।

न्‍यायाधीस 16:31

मिनु सिम्‍सोन आ आफ आ खिं ङा मुर नु आ लोक्‍बपुकी मेकेर जाक्‍शा, आ रां आ आफ मानोआह आ तुरस सोराह नु एश्‍ताओल सहर आ दातेमी थिम्‍मे बाक्‍त। सिम्‍सोन २० बर्स सम्‍म इस्राएली आन निसाफ पाइब दुम्‍‍शो बाक्‍माक्‍त। न्‍यायाधीस १३:२५; न्‍यायाधीस १५:२०