न्‍यायाधीस 16:19 - Sunuwar Bible

¹⁹ मिनु देलीलाहमी सिम्‍सोन कली आ थुकुमी इप्‍पदा बाक्‍त। मिनु मुर का ब्रेश्‍शा, आ ७ ओटा लामा प्रेक्‍पदा बाक्‍त। मोपा देलीलाहमी सिम्‍सोन आ बोल जाम्‍पाइश्‍शा सक्ति मपाइश्‍शो सेला बाक्‍त।

न्‍यायाधीस 16:19 ပူးပေါင်းရင်းမြစ်များ

उपदेसक 7:26

मेको बेक्‍तीक क्‍‍येङा मरिम्‍शो ब्‍वारद दाइश्‍शो खोदेंशो मीश मुर बाक्‍त। मेको आ थुं थेम्‍लु नु मेको आ गुइ चहिं पाइक्‍‍तीक साङलो बाक्‍त। सुम परमप्रभु कली ग्‍येरपाइक्‍बा, मेको रे ब्रोंइब। तन्‍न मेकोमी पाप पाइब कली चहिं आ ग्‍याइलीम रेप्‍ब। हितोपदेस २:१६-२२

न्‍यायाधीस 16:18

मिनु सिम्‍सोनमी देलीलाह कली आ थुं ङा लोव़ नेल्‍ल शोव़शा, नोले देलीलाहमी पलिस्‍ती आन ठेयब मुर आन कली “रीब पा जाक्‍कीन। मारदे हना मेकोमी आ थुं ङा लोव़ नेल्‍ल शेंताक्‍यी” दे ब्रेत्‍थ सोइक्‍ता बाक्‍त। मिनु पलिस्‍ती आन ठेयब मुरपुकी चांदी कुरशा जाक्‍मा बाक्‍त।

न्‍यायाधीस 16:20

मिनु मेकोमी “सिम्‍सोन बोक्‍कीन, इन कली साइक्चा, दे पलिस्‍ती जाक्‍तेक्‍म” दे ग्रीमाक्‍त। मिनु मेको निन्‍द्रा रे बोक्‍माक्‍त। मिनु गो आंम कली गेना हना यो प्रोंइनुङ, दे मिम्‍ता बाक्‍त। तन्‍न “परमप्रभु यावेमी आं कली प्रोंइने थुम्‍तु” दे मेकोमी मतुइक्‍ता बाक्‍त। १सामुएल १६:१४