न्‍यायाधीस 16:18 - Sunuwar Bible

¹⁸ मिनु सिम्‍सोनमी देलीलाह कली आ थुं ङा लोव़ नेल्‍ल शोव़शा, नोले देलीलाहमी पलिस्‍ती आन ठेयब मुर आन कली “रीब पा जाक्‍कीन। मारदे हना मेकोमी आ थुं ङा लोव़ नेल्‍ल शेंताक्‍यी” दे ब्रेत्‍थ सोइक्‍ता बाक्‍त। मिनु पलिस्‍ती आन ठेयब मुरपुकी चांदी कुरशा जाक्‍मा बाक्‍त।

न्‍यायाधीस 16:18 ပူးပေါင်းရင်းမြစ်များ

१ राजा 21:20

मिनु आहाबमी एलीया कली “आं सत्रु, गे आं कली थिय्‍यी?” दे मदा बाक्‍त। मिनु मेकोम “ओं, गो इ कली थित्‍तन। मारदे हना गे परमप्रभु यावे आ ङोंइती मार मरिम्‍शो बाक्‍मे, मेको ला पना पन बाक्‍ते।

भजन संग्रह 62:9

महिक्‍सीशो मुरपुकी फश ला बाक्‍नीम। हिक्‍सीशो मुर आन ठेयब दुम्‍तीके जोल ला बाक्‍ब। मेकोपुकी नाक्‍सीमानु, मारेइ मबाक्‍नीम। हिक्‍सीशो नु महिक्‍सीशो मुर नेल्‍ल मुठी का सोक्‍त ङा ला बाक्‍नीम।

हितोपदेस 18:8

नोफा मुइक्‍ब आन लोव़ शुश ब्रोव़शो जचा थोव़क खोदेंशो बाक्‍ब। मेको मुर आन थुं सम्‍म जाक्‍दीप्‍ब। हितोपदेस २६:२२

गन्‍ती 22:7

मिनु मोआब नु मिदयान ङा खाल्‍पापुकीम मेको गेय पचा कली क्‍येट कुरशा, बालाम आ बाक्‍तीक जाक्‍शा, बालाक आ लोव़ शोव़तेक्‍म।

मत्ती 26:15

“येसु कली इन गुइमी ग्‍याइक्‍पाइक्‍ता हना, दोशो गेनीनी” देंमेनु, ३० टुक्रा चांदी गेमे बाक्‍त। यूहन्‍ना ११:५७; जकरिया ११:१२

एफिसी 5:5

तेल्‍लेम पाइब, ग्रांग्रा दिचा ङा गेय पाइब नु शिंम पाइबपुकी ख्रीस्‍त नु परमप्रभु यावे आ राज्‍यमी ओव़चा मताइनीम, दे रिम्‍शो पा तुइक्‍चा माल्‍नीनी। मेको नेल्‍ल मूर्ति पूजा पचा खोदेंशो बाक्‍ब। १कोरिन्‍थी ६:९-१०; प्रकाश २१:८; प्रकाश २२:१५

१ तिमोथी 6:10

क्‍येट कली दाक्‍ब मरिम्‍शो आन क्‍येङा यो मरिम्‍शो बाक्‍ब। मोपा क्‍येट दाक्‍ब का निक्‍शीमी थमा सुइक्‍तीके प्रोंइशा, आंम थुं कली तूशो खोदेंशो पा शुश खाइक्‍पाइक्‍तेक्‍म। एफिसी ५:५; १तिमोथी १:१९

न्‍यायाधीस 16:17

मोपतीके सिम्‍सोनमी आ ख्रुइश्‍शो थमा लोव़ मेको कली शेंदा बाक्‍त। मेकोमी “मुल सम्‍म आं चां मप्रेक्‍शो बाक्‍ब। मारदे हना गो जरमेसी ङा रे परमप्रभु आ योव़शो नाजिरी का नङ। आं चां प्रेक्‍तेक्‍म हना, आं बोल लाइब। मिनु गो अरु मुर खोदेंशो पा बोल मपाइश्‍शो दुम्‍नुङ” देंमाक्‍त। न्‍यायाधीस १३:५

न्‍यायाधीस 16:19

मिनु देलीलाहमी सिम्‍सोन कली आ थुकुमी इप्‍पदा बाक्‍त। मिनु मुर का ब्रेश्‍शा, आ ७ ओटा लामा प्रेक्‍पदा बाक्‍त। मोपा देलीलाहमी सिम्‍सोन आ बोल जाम्‍पाइश्‍शा सक्ति मपाइश्‍शो सेला बाक्‍त।

न्‍यायाधीस 16:5

मिनु पलिस्‍ती आन ठेयब मुरपुकी मेको मीश मुर कली ग्रुम्‍थ लमा बाक्‍त। मिनु मेको कली “सिम्‍सोन कली लेम्‍शा ‘इ कली सुमी बोल गेबा? दोपा इ कली फ्रेंने चाप्‍नीकी’ दे हिल्‍लो पावो। मिनु गो आंइ कली शेंदो। मारदे हना गो ग्‍याइक्‍चा दाक्‍नीकी। मिनु ग्‍याइश्‍शा गो का का पा इ कली ११, ११ सहे चांदी के शेकेल गेनीकी” देंमा बाक्‍त।