न्‍यायाधीस 16:17 - Sunuwar Bible

¹⁷ मोपतीके सिम्‍सोनमी आ ख्रुइश्‍शो थमा लोव़ मेको कली शेंदा बाक्‍त। मेकोमी “मुल सम्‍म आं चां मप्रेक्‍शो बाक्‍ब। मारदे हना गो जरमेसी ङा रे परमप्रभु आ योव़शो नाजिरी का नङ। आं चां प्रेक्‍तेक्‍म हना, आं बोल लाइब। मिनु गो अरु मुर खोदेंशो पा बोल मपाइश्‍शो दुम्‍नुङ” देंमाक्‍त। न्‍यायाधीस १३:५

न्‍यायाधीस 16:17 ပူးပေါင်းရင်းမြစ်များ

हितोपदेस 12:23

निप्‍स पाइश्‍शो मुरुमी आ तुइश्‍शो मकोंइब। तन्‍न मूर्खमी मूर्ख लोव़ पाइब।

हितोपदेस 13:3

मिम्‍शा लोव़ पाइब मुरुम आंम कली ब्रोंइपाइक्‍नीम। तन्‍न ममिम्‍थु ब्‍वाक्‍बपुकीमी आंम कली खतम सेल्‍नीम। हितोपदेस १२:१८; हितोपदेस २१:२३

हितोपदेस 29:12

सासन पाइबमी जोल लोव़ नेंतु हना, मेको आ गेय पाइब नेल्‍ल परमप्रभु यावे आ अरेशो मटीब दुम्‍‍नीम।

मीका 7:5

इन वारच कली थमा मसुतीन। इन दाक्‍शो मुर कली थमा मसुतीन। गे नु काथा इप्‍शो मीश नु यो होस पा लोव़ पने। येरमीया ९:३-४

गन्‍ती 6:2

“गे इस्राएली आन कली ‘सुइ मीश मुर, वोंइश मुरुमी परमप्रभु यावे कली दिल्‍शा बाक्‍चा, दे नाजिरी कबल पाप्‍तु हना, १सामुएल १:११

गन्‍ती 6:5

मेको गिश नाक्‍त सम्‍म नाजिरी दुम्‍शा दिल्‍शा बाक्‍बा, मिश नाक्‍त सम्‍म आ पिया ङा चां प्रेक्‍चा मदुम्‍ब। मेको आ नाजिरी दुम्‍शा दिल्‍शो नाक्‍ती मनुम्‍म सम्‍म मेकोमी परमप्रभु यावे कली ला दिल्‍शो बाक्‍ब। मेकोमी आ चां बारचा गेचा माल्‍ब। न्‍यायाधीस १३:५

प्रेरित 18:18

मोदेंशो दुम्‍शा नोले पावल शुश नाक्‍ती सम्‍म कोरिन्‍थ सहरम बाक्‍माक्‍त। मिनु अक्वीला नु नोले थमा सुइक्‍ब लोक्‍ब आन कली “लो, मुल लची जाक्‍ती” देंशा, जहाज ङोइश्‍शा, सिरीया गे लमाक्‍त। अक्‍वीला नु प्रिस्‍कीला यो पावल नु सिरीया गे लसा बाक्‍त। केन्‍क्रेया सहरमी जाक्‍दीश्‍शा, पावलमी आ चां प्रेक्‍गा बाक्‍त। मारदे हना कसम जशो बाक्‍माक्‍त। प्रेरित २१:२४-२६

न्‍यायाधीस 13:5

मारदे हना गे कोव़ज कुरशा, तौ थी‍नेवे। मेको आ चां गेनायो ख्रोइक्‍चा मदुम्‍ब। मारदे हना मेको वोंइश आल जरमेसे चोटीन परमप्रभु कली योव़शो नाजिरी का दुम्‍ब। मिनु मेकोमी इस्राएली आन कली पलिस्‍ती आन गुइ रे प्रोंइचा गोइब” देंमाक्‍त।

न्‍यायाधीस 16:16

मिनु मेकोमी सिम्‍सोन कली नाक्‍त किंत किंत हिल्‍लो पा श्‍येत गेवा बाक्‍त। न्‍यायाधीस १४:१७

न्‍यायाधीस 16:18

मिनु सिम्‍सोनमी देलीलाह कली आ थुं ङा लोव़ नेल्‍ल शोव़शा, नोले देलीलाहमी पलिस्‍ती आन ठेयब मुर आन कली “रीब पा जाक्‍कीन। मारदे हना मेकोमी आ थुं ङा लोव़ नेल्‍ल शेंताक्‍यी” दे ब्रेत्‍थ सोइक्‍ता बाक्‍त। मिनु पलिस्‍ती आन ठेयब मुरपुकी चांदी कुरशा जाक्‍मा बाक्‍त।