न्‍यायाधीस 16:16 - Sunuwar Bible

¹⁶ मिनु मेकोमी सिम्‍सोन कली नाक्‍त किंत किंत हिल्‍लो पा श्‍येत गेवा बाक्‍त। न्‍यायाधीस १४:१७

न्‍यायाधीस 16:16 ပူးပေါင်းရင်းမြစ်များ

अय्‍युब 21:4

मार, आं थुं मनुथु पशो लोव़ बेक्‍शा लाइब मुर आन कली ममाइ। मारदे गो फाल्‍शा बाक्‍चा माल्‍नुङा?

योना 4:9

मिनु परमप्रभुमी योना कली “गे मेको रवा आ पर्बम गाइक्‍चा, ठीक दुम्‍बा ङा?” दे लोव़ पवानु, मेकोमी “गो मबेक्‍ङा सम्‍म गाइक्‍नुङ” दे लोव़ लेत्‍ता बाक्‍त।

मर्कूस 14:24

मिनु “एको आं हुश बाक्‍ब। आं हुशेमी परमप्रभु यावे आ गेशो नक लोव़ खाप्‍ता। आं हुश जारशोमी शुश मुर आन पाप क्‍याम्‍सीब। प्रस्‍थान २४:८; हिब्रू ९:१५-१६

लूका 11:8

तन्‍न मेकोमी पुंइस ङा पुंइस बाक्‍त हना, मेको मगेनुङ देंब मुरुमी वारच, दे ला ममाइ ढिपी पतीके मेको कली आ पुंइशो गेब।

लूका 18:5

काबु चहिं ‘परमप्रभु यावे कली मान पा महिंथु, मुर आन लोव़ यो मनेंथु, आं थुंमी मार पिमे में ला पा बाक्‍ती। तन्‍न मेको मीश मुरुम नाक्‍त किंत किंत जाक्‍शा, श्‍येत गेती। मुल आ लोव़ नेंचा ब्रीताक्‍ङ, नेंने यो मदाक्‍ङ। आ देंशो मपाता हना, जाक्‍स ङा जाक्‍स पाइब। मोपतीके मेको आ देंशो मपथु मप्रोंइनुङ’ दे मिम्‍ता बाक्‍त। लूका ११:७-८

न्‍यायाधीस 14:16

मिनु सिम्‍सोन आ मीश आ वोंइश आ ङोंइती ङाक्‍शा “गे आं कली काइ मदाक्‍नीनी। गे थमा पा आं कली मदाक्‍नीनी। गे आं मुर आन कली लोव़ का हिल्‍लो पाइतीनी। मिनु मेको लोव़ आ अर्थ चहिं आं कली मदेंनी” देंमाक्‍त। मिनु सिम्‍सोनमी “मेको लोव़ आ अर्थ आं आम आफ कली लाइयो मदेंङ। मिनु इ कली मारदे देंनुङा?” देंमाक्‍त।

न्‍यायाधीस 14:17

मिनु भोज के ७ नाक्‍ती मनुम्‍म सम्‍म आ मीश सिम्‍सोन आ ङोंइती ङाक्‍स ङा ङाक्‍स बाक्‍माक्‍त। मोपतीके ७ नाक्‍त सम्‍म शुश हिल्‍लो पा पुंइतीके सिम्‍सोनमी मेको लोव़ आ मीश कली शोव़ङा बाक्‍त। मिनु मेकोमी लशा, आ मुर आन कली देंमाक्‍त। न्‍यायाधीस १६:१६-१७

न्‍यायाधीस 16:15

मिनु देलीलाहमी “आं कली दाक्‍नुङ, दे दोपा देंने चाप्‍नीनी ङा? इन थुंमी आं कली मदाक्‍शो बाक्‍नीनी। गे आं कली खेयप सां शुक्‍शी पा, इन ठेयब बोल मारम बाक्‍बा, मुल सम्‍म मशेंदीनी” देंमाक्‍त।

न्‍यायाधीस 16:17

मोपतीके सिम्‍सोनमी आ ख्रुइश्‍शो थमा लोव़ मेको कली शेंदा बाक्‍त। मेकोमी “मुल सम्‍म आं चां मप्रेक्‍शो बाक्‍ब। मारदे हना गो जरमेसी ङा रे परमप्रभु आ योव़शो नाजिरी का नङ। आं चां प्रेक्‍तेक्‍म हना, आं बोल लाइब। मिनु गो अरु मुर खोदेंशो पा बोल मपाइश्‍शो दुम्‍नुङ” देंमाक्‍त। न्‍यायाधीस १३:५