न्‍यायाधीस 16:13 - Sunuwar Bible

¹³ मिनु देलीलाहमी लेंशा सिम्‍सोन कली “गे मुल सम्‍म आं कली शुक्‍शी पा जोल पाइतीनी। इन कली दोपा फ्रेंने चाम्‍सीबा?” दे हिल्‍लो पवा बाक्‍त। मिनु सिम्‍सोनमी “गे आं चां ङा ७ ओटा लामा कली तोव़ ओल्‍तीकेम पाइक्‍ताक्‍यी नु मेको तोव़ आ प्रोव़शो हिरतीक ठीक पा वोइक्‍तीवी हना, अरु मुर खोदेंशो पा बोल मपाइश्‍शो दुम्‍नुङ” देंमाक्‍त।

न्‍यायाधीस 16:13 ပူးပေါင်းရင်းမြစ်များ

न्‍यायाधीस 14:17

मिनु भोज के ७ नाक्‍ती मनुम्‍म सम्‍म आ मीश सिम्‍सोन आ ङोंइती ङाक्‍स ङा ङाक्‍स बाक्‍माक्‍त। मोपतीके ७ नाक्‍त सम्‍म शुश हिल्‍लो पा पुंइतीके सिम्‍सोनमी मेको लोव़ आ मीश कली शोव़ङा बाक्‍त। मिनु मेकोमी लशा, आ मुर आन कली देंमाक्‍त। न्‍यायाधीस १६:१६-१७

न्‍यायाधीस 16:10

मिनु देलीलाहमी सिम्‍सोन कली “गे आं कली शुक्‍शी पा जोल पाइतीनी। तन्‍न मुल ङा मेरे दोपा इन कली पाइक्‍ने चाम्‍सीबा, लो, देनीन” देंमाक्‍त।

न्‍यायाधीस 16:12

मोपतीके देलीलाहमी नक डोरी चाक्‍शा, मेको कली फ्रेंदा बाक्‍त। मेना यो मुरपुकी आ कोठामी ख्रुइश्‍शा बाक्‍शो बाक्‍मा बाक्‍त। मिनु मेकोमी “सिम्‍सोन इन कली साइक्चा, दे पलिस्‍ती जाक्‍तेक्‍म” दे ग्रीमाक्‍त। मिनु सिम्‍सोनमी मेको डोरी कली श्‍येले प्रोइश्‍शो खोदेंशो पा प्रोदा बाक्‍त।

न्‍यायाधीस 16:14

मोपतीके मेकोमी सिम्‍सोन इम्‍मेनु, मेको आ चां ङा ७ ओटा लामा कली तोव़ आ प्रोव़शो हिरतीकेमी हिरशा फ्रेंशा वोदा बाक्‍त। मिनु मेकोमी “सिम्‍सोन इन कली साइक्चा, दे पलिस्‍ती जाक्‍तेक्‍म” दे ग्रीमाक्‍त। मिनु सिम्‍सोन निन्‍द्रा रे सेंशा, तोव़ ओल्‍तीके, तोव़ नेल्‍ल नु प्रोव़शो वा यो उइश्‍शा बोक्‍माक्‍‍त।