न्‍यायाधीस 15:3 - Sunuwar Bible

³ मिनु सिम्‍सोनमी “गो मुल पलिस्‍ती आन कली थम मरिम्‍शो पाता हना यो, दोस मताइब दुम्‍ती” देंमाक्‍त।

न्‍यायाधीस 15:3 ပူးပေါင်းရင်းမြစ်များ

२ सामुएल 14:30

मिनु अब्‍सालोमम आ गेय पाइब आन कली “योआब आ रू का आं रू आ नेक्‍था बाक्‍ब। मेको के क्‍योव़ज वाशो बाक्‍ब, दे गे तुइक्‍नीनी। मेकेर मी सुइक्‍तीन” दे माइक्‍मी बाक्‍त। मोपतीके अब्‍सालोम आ गेय पाइबपुकीम मेकेर मी सुइक्‍तमे बाक्‍त।

न्‍यायाधीस 14:15

मिनु ४ नाक्‍तीम मेकोपुकीमी सिम्‍सोन आ मीश कली “इ वोंइश कली लेम्‍शा, हिल्‍लो पावो। मिनु आंइ कली शोव़ङो। मोदेंशो मपाप्‍तीवी हना, गो इ कली नु इ आफ आ खिं कली मी सुइक्‍नीकी। आंइ कली प्रुङग सेल्‍चा कली निम्‍तो पवी?” देंमा बाक्‍त।

न्‍यायाधीस 14:4

परमप्रभु यावेम सिम्‍सोन कली मेको मीश आल कली दाक्‍पाइश्‍शो बाक्‍त, दे आ आम आफोमी मतुइश्‍शो बाक्‍ताक्‍स। परमप्रभुमी पलिस्‍ती आन कली खतम पचा कली मोदेंशो पशो बाक्‍माक्‍त। मेना पलिस्‍तीपुकीमी इस्राएली आन कली सासन पशो बाक्‍मा बाक्‍त।

न्‍यायाधीस 15:2

मिनु आ शिउमी “आं तमी काइ मदाक्‍नीनी, दे मिम्‍ताक्‍ङ। मोपतीके इन कली वारच पाइब कली गेता। मेको आ लोक्‍ब मेको क्‍येङा दारशो मबाक्‍बा ङा? मुल इ मीश आ पा ङा मेको कली लतो” देंमाक्‍त। न्‍यायाधीस १४:२०

न्‍यायाधीस 15:4

मिनु सिम्‍सोनमी लशा, सहे सां सिवार ग्‍याइश्‍शा, निक्‍‍निक्‍शी पा आस मीलु फ्रेंशा, आस दातेमी रांको का यो फ्रेंदा बाक्‍त।