न्‍यायाधीस 15:19 - Sunuwar Bible

¹⁹ मिनु परमप्रभुमी लेही ङा खाल्‍टा कली प्रोल्‍शा, मेक रे ब्‍वाक्‍क ग्रुंइदा बाक्‍त। मिनु सिम्‍सोनमी ब्‍वाक्‍कु तूङा बाक्‍त। मिनु लें‍शा, बोल्‍यो दुम्‍माक्‍‍त। मोपतीके लेही ङा ब्‍वाक्‍कु बुक्‍तीक कली मुलाक्‍त सम्‍म एन-हाकोरे देंनीम।

न्‍यायाधीस 15:19 ပူးပေါင်းရင်းမြစ်များ

उत्पत्ती 16:13

मिनु हागारमी आ नु लोव़ पाइब परमप्रभु यावे कली “गे आं कली ताइब परमप्रभु ननी। गो थमा पा आं कली ताइब कली ताता” देंमाक्‍त। उत्‍पत्ती २२:१४; प्रस्‍थान ३:७; २राजा १३:४

उत्पत्ती 28:19

मिनु मेको बाक्‍तीके कली बेथेल नें वोदा बाक्‍त। ङोंइती मेको सहर आ नें लूज बाक्‍माक्‍त।

उत्पत्ती 30:30

आं जाक्‍ची ना का निक्‍शी बाक्‍तेक्‍मे, मुल शुश दुम्‍तेक्‍म। मिनु गो जाक्‍ङा रे परमप्रभु यावेमी इन कली आसीक गेप्‍तु। मिनु आं खिं गेना कोव़नुङा?” दे मदा बाक्‍त।

उत्पत्ती 45:27

मिनु मेकोपुकीमी योसेफ आ लोव़ नेल्‍ल शोव़ङमे बाक्‍त। मिनु याकूबम आ कली ङोइक्‍चा, दे योसेफमी सोइश्‍शो बग्‍गी तशा, आ थुं लेत्‍ता बाक्‍त।

भजन संग्रह 110:7

मेकोमी लां आ नेक्‍था ङा खोला ङा ब्‍वाक्‍कु तूब। मोपतीके मेको सक्ति पाइश्‍शो दुम्‍शा ग्राब।

भजन संग्रह 120:1

गो श्‍येत जङानु, परमप्रभु यावे कली पुंइनुङ। मिनु मेकोमी आं लोव़ लेप्‍ब।

भजन संग्रह 34:6

एको श्‍येत जाइबम पुंइतु। मिनु परमप्रभु यावेमी आ लोव़ नेंशा, आ श्‍येत रे प्रोंइतु।

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

प्रस्‍थान 17:15

मिनु मोसामी चढ़ेतीक का सेल्‍शा “परमप्रभु यावे आं छेदर बाक्‍ब” दे नें वोइक्‍तु।

यसैया 40:26

गेपुकी ग्‍येत्‍थ कोव़ङीन। मेको आन कली सुम सेला? मेकोमी शुश राप्‍पाइश्‍शा, मेको आन कली हिक्‍ब। मेको आन नें थिशा, ब्रेप्‍ब। मारदे हना मेको आ ठेयब सक्तिम पतीके का यो मजाम्‍नीम। भजन संग्रह १४७:४; उत्‍पत्ती १:१४-१८

यसैया 40:29

मेकोमी दाइब आन कली बोल गेब। मचाप्‍ब आन कली सक्ति गेब।

यसैया 44:3

मारदे हना गो सोव़शो रागी तारी ब्‍वाक्‍कु लुक्‍नुङ। सोव़शो खपीम खोला शाइक्‍पाइक्‍नुङ। गो इ चच युइ आन तारी आं सोक्‍त मोइक्‍नुङ। इ आल आन कली आसीक गेनुङ’। यसैया ३२:१५; योएल ३:१

गन्‍ती 20:11

मिनु मोसामी आ गुइ क्‍युक्‍शा आ कोक्‍केमी निक्‍शी खेयप मेको सेरथे फुल्‍लु कली तुप्‍तु। मिनु मेकेर शुश ब्‍वाक्‍कु बुक्‍शा ग्रूत। मिनु मुरपुकी नु आन बी ब्‍यफ, क्‍यारश भेडामी तूतेक्‍म।

न्‍यायाधीस 15:9

मिनु पलिस्‍तीपुकी कुशा यहूदामी ताम्‍बु कीशा, लेही सहर आ नेक्‍था बाक्‍मा बाक्‍त।

१ सामुएल 30:12

मेको कली डल्‍ला का फोव़शी गेडा नु डल्‍ला निक्‍शी सोक्‍शो अङगुर यो गेमे बाक्‍त। मिनु मेको नेक्‍गा नोले मेको आ सोक्‍त पिमाक्‍त। मारदे हना मेकोम नाक्‍त सां नु नाक्‍दो सां सम्‍म मारेइ मजशो बाक्‍माक्‍त।