न्‍यायाधीस 15:18 - Sunuwar Bible

¹⁸ मिनु सिम्‍सोनमी ब्‍वाक्‍कु तूतू दाक्‍शा, परमप्रभु यावे कली पुंइशा, “गे इन वाइल कली ठेयब लडाइ ग्रापाइक्‍तीनी। मुल गो तूतू दाक्‍शा बेक्‍नुङा? एको ख्रोइक्‍तीक चिनु मख्रोइश्‍शो आन गुइमी बेक्‍नुङा?” देंमाक्‍त।

न्‍यायाधीस 15:18 ပူးပေါင်းရင်းမြစ်များ

उत्पत्ती 20:11

मिनु अब्राहाममी “थमा पा, एको रागी ङा मुरपुकी परमप्रभु कली मान पा महिंनीमी। मिनु आं मीश आ पर्बम आं कली साइक्‍नीम, दे मिम्‍ताक्‍ङ।

उत्पत्ती 32:31

मिनु नां दाप्‍‍मेनु, याकूब पेनुएल रे खोङ चेङ पा गाक्‍माक्‍त।

२ सामुएल 1:20

गाथम एको लोव़ मपने। अश्‍कलोन ङा लांम एको लोव़ मपने। मो पाइतीनी हना, पलिस्‍ती आन तमी ग्‍येरसीनीम। ख्रोइक्‍तीक चिनु मख्रोइश्‍शो आन तमी ग्‍येरसीनीम।

यूहन्‍ना 19:28

मिनु नोले येसुमी “आं गेय पचा नुप्‍त” दे तुइक्‍ताक्‍व। मिनु परमप्रभु यावे आ ब्रेक्‍पाइश्‍शो लोव़ थमा दुम्‍चा कली येसुमी “गो तूतू दाक्‍ती” देंत। भजन संग्रह २२:१५

हिब्रू 11:32

में ङा लाक्‍शा मार देंनुङा? मारदे हना मोदेंशो थमा सुइक्‍ब शुश बाक्‍नीम। गिदोन, बाराक, साम्‍सोन, येफ्‍‍ता, दाऊद, सामुएल नु परमप्रभु यावे आ लोव़ पाइब नेल्‍ल आन पशो मिम्‍पाइक्‍तन्‍नी हना, आं लोव़ गेनायो मनुप्‍ब। न्‍यायाधीस ६:११- ८:३२; न्‍यायाधीस ४:४-२४; न्‍यायाधीस १३:१-१६,३१; न्‍यायाधीस ११:१-१२,७; १सामुएल १७:-; दानीएल ६:-

न्‍यायाधीस 14:3

मिनु आ आम आफोमी “मार, आंइ मुर नु इं थर ङा मीश आल मबाक्‍बा? मिनु गे ख्रोइक्‍तीक चिनु मख्रोइश्‍‍शो, मेको पलिस्‍ती आ तमी का चाक्‍चा दाक्‍नेवे?” देंसा बाक्‍त। तन्‍न सिम्‍सोनमी “मेको मीश आल आं कली चाक्‍कीन। मारदे हना गो मेको कली दाक्‍नुङ” देंमाक्‍त। उत्‍पत्ती ३४:१४; प्रस्‍थान ३४:१६

न्‍यायाधीस 15:17

मेकोमी मो देंने थुम्‍शा, मेको रुश ताइक्‍ता बाक्‍त। मोपतीके मेको ठाउं कली रामाथ-लेही नें वोदमे बाक्‍त।

न्‍यायाधीस 16:28

मिनु सिम्‍सोनमी परमप्रभु यावे कली “परमप्रभु, परमप्रभु यावे, आं कली मिम्‍तीन। आं कली लेंशा खेयप का सक्ति गेयीनी। परमप्रभु, गो काले आं मिक्‍च निक्‍शी आ पर्बम मेको आन कली क्‍येक्‍क लेत्‍ने चबुल” दे पुना बाक्‍त।

न्‍यायाधीस 8:4

मिनु गिदोन यर्दन खोला जाक्‍शा, शोक्‍से बाक्‍त। मिनु गिदोन नु मेको नु बाक्‍शो सहे सां मुरपुकी मिदयान ङा मुर आन कली खेदा पा दशा योलक योलुक दुम्‍शा शोव़लु बेक्‍शो बाक्‍मा बाक्‍त।

१ सामुएल 17:26

मिनु दाऊदमी आ नेक्‍था बाक्‍ब आन कली “मेरे पलिस्‍ती कली साइक्‍ब नु इस्राएली आन कली मुने दोक्‍तीक रे प्रोंइबमी मार ताइबा? गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पाइब मेरे ख्रोइक्‍तीक चिनु मख्रोइश्‍शो पलिस्‍तीम मार मिम्‍बा?” देंमाक्‍त।

१ सामुएल 17:36

गो जोइ वांपुकी साइ‍श्‍शो बाक्‍नुङ। मेको ख्रोइक्‍तीक चिनु मख्रोइश्‍शो पलिस्‍ती यो मेको आन खोदेंशो दुम्‍ब। मेकोमी गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पशो बाक्‍ब।

१ सामुएल 27:1

दाऊदमी “काबु सावलम आं कली साइक्‍ब। मोपतीके पलिस्‍ती आन रागीम आं कली प्रोक्‍शा लचा रिम्‍शो दुम्‍ब। मिनु सावलमी इस्राएल आगामी आं कली माल्‍चा प्रोंइब। मिनु गो मेको आ गुइ रे ब्रोंइ‍नुङ” दे मिम्‍ता बाक्‍त। १सामुएल २३:२३