न्‍यायाधीस 15:15 - Sunuwar Bible

¹⁵ मिनु गधा आ पिया ङा रुश खप रे गुप्‍शा, मेकोमी हजार का मुर आन कली तुप्‍शा सदा बाक्‍त।

न्‍यायाधीस 15:15 ပူးပေါင်းရင်းမြစ်များ

यहोसु 23:10

इन मुर कामी मेको आन के हजार का मुर आन कली खेरने चाप्‍ब। मारदे हना आ देंशो खोदेंशो पा इन लडाइ पचा ङा परमप्रभु यावे, इन परमप्रभुमी पाइब।

लेवी 26:8

इन मुर ५ जनामी सहे का मुर आन कली नु सहे का मुरुमी १० हजार मुर आन कली खेदा पाइनीम। इन जोरी सत्रु इन तरवारम शोल्‍मो पा बेक्‍नीम। ब्‍यवस्‍था ३२:३०; यहोसु २३:१०

न्‍यायाधीस 3:31

एहूद आ नोले अनाथ आ तौ शाम्‍गार इस्राएली आन निसाफ पाइब दुम्‍माक्‍त। मेकोमी ब्‍यफ वाक्‍तीक हरीसमी ६ सहे पलिस्‍ती आन कली तुप्‍शा साइक्‍मी बाक्‍त। मेकोमी यो इस्राएली आन कली आन जोरी सत्रु रे प्रोंइमी बाक्‍त। न्‍यायाधीस ५:६

१ सामुएल 14:14

मेको ङोंइती ङा लडाइमी योनाथन नु आ या कुरबम २० जना खोइ सद‍से बाक्‍त। मेको साइक्‍तीके रू ४ रोपानी खोदेंशो पा दिंम का बाक्‍माक्‍त।

१ सामुएल 14:6

योनाथनमी आ या कुरब कली “पिवो, गो मेको ख्रोइक्‍तीक चिनु मख्रोइश्‍शो आन बाक्‍तीक लस। परमप्रभु यावेमी वारच पाइबा, कों? परमप्रभु यावेमी शुश मुर बाक्‍तेक्‍म हना यो, इच्‍का ला बाक्‍तेक्‍म हना यो, इं कली प्रोंइने चाप्‍ब” दे मदा बाक्‍त। न्‍यायाधीस ७:७; २इतिहास १४:१०

न्‍यायाधीस 7:16

मिनु मेको सहे सां मुर आन कली, हुल सांमी योक्‍गा बाक्‍त। मिनु नेल्‍ल आन कली का का पा तुराही नु आगा रांको वोइश्‍शो शेत्‍थ गर का का गेमी बाक्‍त।

न्‍यायाधीस 4:21

तन्‍न हेबेर आ मीश याएलमी थात्‍ला का नु ताम्‍बु ङा किला का लाइश्‍शा, निन्‍द्रा पशो सीसेरा आ नेक्‍था लमाक्‍त। मिनु याएलमी सीसेरा आ पियामी खप सम्‍म ग्रुक्‍चा ङा पा किला थोक्‍ता बाक्‍त। मिनु शुश दशा, निन्‍द्रा पा बाक्‍शो, सीसेरा बेक्‍माक्‍त।

हिब्रू 11:34

मीम हुम्‍चा पुंइसीशा यो मबेक्‍मा बाक्‍त। तरवारमी क्‍योरचामेनु यो ब्रोंइमा बाक्‍त। मारेइ पने मचाप्‍ब बाक्‍मा बाक्‍त हना यो, पने चाप्‍ब दुम्‍मा बाक्‍त। लडाइ पामेनु यो ठेयब थुं पाइश्‍शो दुम्‍शा, आन जोरी सत्रु आन कली फ्रुशा खेरमे बाक्‍त।

न्‍यायाधीस 15:16

मिनु मेकोमी “गो गधा आ पिया ङा रुशेमी तुम्‍ना तुम्‍न शुश मुर साइक्‍ता। तेन्‍ना तेन्‍न हजार का मुर साइक्‍ता” देंमाक्‍त।

न्‍यायाधीस 15:17

मेकोमी मो देंने थुम्‍शा, मेको रुश ताइक्‍ता बाक्‍त। मोपतीके मेको ठाउं कली रामाथ-लेही नें वोदमे बाक्‍त।

लेवी 26:7

मिनु गेपुकीमी इन जोरी सत्रु आन कली खेदा पा तरवारम साइक्‍नीनी।

२ सामुएल 23:8

दाऊद आ बोल्‍यो लडाइ पाइब मुर आन नें मार बाक्‍तेक्‍म देंशा हना, ङोंइती ताह-केमोन आ खिं ङा मुर योशेब-बा‍शेबेथ बाक्‍माक्‍त। मेको बोल्‍यो सां आन दाते ङा कप्‍तान बाक्‍माक्‍त। मेकोमी ८ सहे मुर आन कली आ तूतीकेम काले‍मी साइक्‍मी बाक्‍त।