न्‍यायाधीस 15:10 - Sunuwar Bible

¹⁰ मिनु यहूदा आ थर ङा मुरपुकीमी मेको आन कली “गे मारदे आंइ कली लडाइ तोइनीनी?” दे हिल्‍लो पामे बाक्‍त। मिनु मेकोपुकीमी “गो सिम्‍सोन कली ग्‍याइश्‍शा, फ्रेंचा कली पीतक। मेकोमी आंइ कली मार पवा, गो यो मेको कली मोदेंशोन पाइनीक” देंमा बाक्‍त।

न्‍यायाधीस 15:10 ပူးပေါင်းရင်းမြစ်များ

न्‍यायाधीस 15:11

मिनु यहूदा ङा हजार सां मुर एताम ङा रोंगु ङा पुक्‍खीमी यिमा बाक्‍त। मिनु मेकोपुकीमी सिम्‍सोन कली “पलिस्‍तीपुकी आंइ सासन पाइब बाक्‍नीम, दे गे तुइक्‍नीनी। गे मारदे आंइ कली मोदेंशो पा मरिम्‍शो पनी?” देंमा बाक्‍त। मिनु सिम्‍सोनमी “मेकोपुकीमी आं कली दोदेंशो पामे, गो यो में मोदेंशो ला पाता” देंमाक्‍त।

न्‍यायाधीस 15:8

मिनु सिम्‍सोनमी मेको आन कली शुश श्‍येत गेशा, शुश मुर आन कली साइक्‍मी बाक्‍त। मिनु मेकेर रे लशा, एताम ङा रोंगु ङा पुक्‍खीमी बाक्‍माक्‍त।

न्‍यायाधीस 15:9

मिनु पलिस्‍तीपुकी कुशा यहूदामी ताम्‍बु कीशा, लेही सहर आ नेक्‍था बाक्‍मा बाक्‍त।

१ सामुएल 23:12

मिनु दाऊदमी “मार कैलाह ङा मुरपुकीमी गो नु आं मुर आन कली सावल आ गुइम गेनीमी?” देंमाक्‍त। मिनु परमप्रभु यावेम “मो पाइ‍नीम” देंमाक्‍त।