न्‍यायाधीस 14:6 - Sunuwar Bible

⁶ मिनु परमप्रभु यावे आ सोक्‍तीम सिम्‍सोन कली ठेयब सक्तिम सुमा बाक्‍त। मिनु आ गुइमी मारेइ यो या मबाक्‍त हना यो, मेको गुप्‍स कली पाठा खोदेंशो पा सदा बाक्‍त। मिनु गुप्‍स साइश्‍शो लोव़ आ आम आफ कली मशोव़ङा बाक्‍त। न्‍यायाधीस १३:२५

न्‍यायाधीस 14:6 ပူးပေါင်းရင်းမြစ်များ

भजन संग्रह 91:13

गे गुप्‍स नु बीस पाइश्‍शो बुस्‍स दिम्‍नेवे। मेको बोल्‍यो बाक्‍तेक्‍म हना यो, मेको आन कली दिम्‍शा साइक्‍नेवे। लूका १०:१९

यसैया 42:2

मेकोमी जिचा मपोक्‍ब। शुश रेयके मपाइब। लां पित्‍थ आ सेंदा मनेंसीब।

जकरिया 4:6

मिनु मेकोमी आं कली “एको परमप्रभु यावेमी जेरूब-बाबेल कली पशो लोव़ बाक्‍ब। ‘बोलम ममाइ, सक्तिमी यो ममाइ, तन्‍न आं सोक्‍तीमी पाइनुङ’ दे मुर नेल्‍ल आन परमप्रभु यावेमी देंत।

मत्ती 11:29

आं जवा लाम्‍सीशा, गो नु शेंसीने। मारदे हना गो शिशी पाइब नु ब्रेम्‍शो थुं ङा नङ। मिनु गे इन थुं नाइक्‍चा ताइनीनी। यसैया २८:१२; येरमीया ६:१६

हिब्रू 11:33

मोदेंशो थमा सुइक्‍बपुकीमी मार पामे बाक्‍त देंशा हना, कोइमी लडाइ पा ग्राशा, रागी आंम के सेल्‍मे बाक्‍त। कोइमी श्‍येत जाइब आन कली वारच पामे बाक्‍त। कोइमी ङोंइती देंशो लोव़ थमा दुम्‍शो तामे बाक्‍त। गुप्‍स आन शोव़ रे यो ब्रोंइमा बाक्‍त।

१ यूहन्‍ना 3:8

सु चहिं मरिम्‍शो पना पन बाक्‍बा, मेको मुर सैतान रे जाक्‍शो बाक्‍ब। मारदे हना सैतान ङोंइती रे मरिम्‍शो पना पन बाक्‍शो बाक्‍ब। मोपतीके परमप्रभु यावे आ तौ सैतान आ गेय थुम्‍चा कली रागीमी जाक्‍त। यूहन्‍ना ८:४४

न्‍यायाधीस 11:29

मिनु परमप्रभु यावे आ सोक्‍तीम येफ्‍ता कली सुमा बाक्‍त। मिनु गिलाद नु मनस्‍से आन रागी लाक्‍शा, गिलाद ङा मिस्‍पा जाक्‍दीम्‍माक्‍त। मिनु मेकेर रे अम्‍मोनी आन रागी लमाक्‍त। न्‍यायाधीस ६:३४

न्‍यायाधीस 13:25

मिनु सोराह नु एश्‍ताओल सहर आस दातेमी बाक्‍शो माहानेह-दान सहरमी बाक्‍मेनु, परमप्रभु यावे आ सोक्‍तीमी मेको कली गेय पपाइक्‍चा गोवा बाक्‍त। न्‍यायाधीस ३:९-१०; न्‍यायाधीस ६:३४; न्‍यायाधीस १४:६,९; न्‍यायाधीस १५:१४; गन्‍ती २४:२-४; १सामुएल १०:६,१०; १सामुएल १६:१३; इजीकीएल ११:५

न्‍यायाधीस 14:19

मिनु परमप्रभु यावे आ सोक्‍तीम सिम्‍सोन कली ठेयब सक्तिम सुमा बाक्‍त। मिनु मेको अश्‍कलोन सहरमी लशा, मेकेर ३० जना मुर साइक्‍मी बाक्‍त। मिनु मेको आन के मार मार थोव़क नु वा पिश्‍शा, मेको लोव़ लेप्‍ब आन कली शुश क्‍येट लाइब फेक्‍तीक वा गेवा बाक्‍त। मिनु सिम्‍सोन गाइश्‍शा, आ आफ आ खिं लेम्‍माक्‍त।

न्‍यायाधीस 14:5

मिनु नोले सिम्‍सोन आ आम आफ नु तिम्‍नाहमी ब्रुम्‍माक्‍त। मिनु मेकेर ङा अङगुर रूमी जाक्‍दीम्‍माक्‍त। मिनु मेकेर ठिटा गुप्‍स का ग्रूशा, मेको कली ग्राम्‍दा बाक्‍त।

न्‍यायाधीस 14:7

मिनु सिम्‍सोन मेकेर जाक्‍दीश्‍शा, मेको मीश आल नु लोव़ पवा बाक्‍त। मिनु मेको मीश आल कली दाक्‍शा लेम्‍माक्‍त।

न्‍यायाधीस 15:15

मिनु गधा आ पिया ङा रुश खप रे गुप्‍शा, मेकोमी हजार का मुर आन कली तुप्‍शा सदा बाक्‍त।

न्‍यायाधीस 15:8

मिनु सिम्‍सोनमी मेको आन कली शुश श्‍येत गेशा, शुश मुर आन कली साइक्‍मी बाक्‍त। मिनु मेकेर रे लशा, एताम ङा रोंगु ङा पुक्‍खीमी बाक्‍माक्‍त।

न्‍यायाधीस 16:30

मिनु सिम्‍सोनमी “आं कली पलिस्‍तीपुकी नु बेक्‍चा गेन” देंशा, आ सक्ति नेल्‍लेमी बोल पा मेको थाम निक्‍शी कली नेप्‍ता बाक्‍त। मिनु मेको खिं ब्रेम्‍माक्‍त। मोपा बाक्‍शो नेल्‍ल ठेयब मुर नु अरु मुर नेल्‍ले चिप्‍शा बेक्मा बाक्‍त। मोपा सिम्‍सोनमी आ ब्रोंइशो क्‍येङा यो आ बेक्‍ची ना शुश मुर सदा बाक्‍त। हिब्रू ११:३२-३४

न्‍यायाधीस 3:10

परमप्रभु यावे आ सोक्‍त मेको तार जाक्‍माक्‍त। मिनु मेकोमी इस्राएली आन कली निसाफ पवा बाक्‍त। मिनु मेकोमी लडाइ पचा गोवा बाक्‍त। मिनु परमप्रभु यावेमी मेसोपोटामीया ङा पिप कुशन-रिशातैम कली ओथ्‍नीएल आ गुइम गेवा बाक्‍त। मोपा ओथ्‍नीएलमी मेको पिप कली ग्रामाक्‍त। न्‍यायाधीस ६:३४

१ सामुएल 10:16

मिनु सावलमी “ ‘गधा थित्‍तेक्‍म’ देंत” देंमाक्‍त। तन्‍न पिप दुम्‍तीके आ पर्बम देंशो लोव़ मशेंदा बाक्‍त।

१ सामुएल 10:6

मिनु परमप्रभु यावे आ सोक्‍त इन तार जुक्‍ब। मिनु गे यो परमप्रभु यावे आ लोव़ पाइनीनी। मिनु गे अर्को मुर दुम्‍नीनी। न्‍यायाधीस १३:२५

१ सामुएल 11:6

मिनु सावलम मेको लोव़ नेनानु, परमप्रभु आ सोक्‍तीम मेको कली सुमा बाक्‍त। मिनु सावल थाम्‍पा गाइक्‍ता बाक्‍त। न्‍यायाधीस १३:२५

१ सामुएल 14:1

काबु सावल आ तौ योनाथनमी, आ या कुरब कली “पिवो, गो लां ख्रोइश्‍शा, पलिस्‍ती आन बाक्‍तीक लस” देंमाक्‍त। तन्‍न मेकोमी मेको लोव़ आ आफ कली मशेंदा बाक्‍त।

१ सामुएल 17:46

मुलाक्‍ती परमप्रभु यावेम इ कली आं गुइम गेब। गो इ कली साइक्‍नन। मिनु इ पिया ख्रोइश्‍शा। इ रां नु पलिस्‍ती आन रां चिक्‍ब नु ब्‍वाकी ङा जन्‍तु आन कली ब्‍वचा गेनुङ। मिनु इस्राएलम परमप्रभु का बाक्‍ब, दे रागी नेल्‍ल ङा मुरुम तुइक्‍नीम।