न्‍यायाधीस 14:5 - Sunuwar Bible

⁵ मिनु नोले सिम्‍सोन आ आम आफ नु तिम्‍नाहमी ब्रुम्‍माक्‍त। मिनु मेकेर ङा अङगुर रूमी जाक्‍दीम्‍माक्‍त। मिनु मेकेर ठिटा गुप्‍स का ग्रूशा, मेको कली ग्राम्‍दा बाक्‍त।

न्‍यायाधीस 14:5 ပူးပေါင်းရင်းမြစ်များ

२ सामुएल 23:20

कब्‍सेल सहर ङा येहो-यादा आ तौ बेनायाह यो बोल्‍यो लडाइ पाइब का बाक्‍माक्‍त। मेकोमी ठेयब गेय पशो बाक्‍माक्‍त। मेकोम मोआब ङा अरीएल आ तौ निक्‍शी साइश्‍शो बाक्‍माक्‍त। फुं यिम ना मेकोमी खाल्‍टाम लशा मेकेर गुप्‍स का साइश्‍शो बाक्‍माक्‍त। २सामुएल ८:१८; यहोसु १५:२१

१ इतिहास 11:22

येहो-यादा आ तौ बेनायाह कब्‍सेल सहर ङा शुश बोल्‍यो लडाइ पाइब का बाक्‍माक्‍त। मेकोमी मोआब ङा अरीएल आ तौ निक्‍शी आस कली सदा बाक्‍त। फुं यिम नाक्‍त ढोडोङगाम बाक्‍ब गुप्‍स का सदा बाक्‍त।

भजन संग्रह 91:13

गे गुप्‍स नु बीस पाइश्‍शो बुस्‍स दिम्‍नेवे। मेको बोल्‍यो बाक्‍तेक्‍म हना यो, मेको आन कली दिम्‍शा साइक्‍नेवे। लूका १०:१९

येरमीया 2:15

गुप्‍सपुकी मेको कली तशा ग्रीनीम। ठेयब सेंदा पा ग्रीनीम। मेकोपुकीमी आ रागी कली मुर मबाक्‍तीके सेल्‍तेक्‍म। मेको आ सहर नेल्‍ल ब्रेत्‍तेक्‍म। मिनु मेकेर मुर मबाक्‍नीम। येरमीया ४:७

हिब्रू 11:33

मोदेंशो थमा सुइक्‍बपुकीमी मार पामे बाक्‍त देंशा हना, कोइमी लडाइ पा ग्राशा, रागी आंम के सेल्‍मे बाक्‍त। कोइमी श्‍येत जाइब आन कली वारच पामे बाक्‍त। कोइमी ङोंइती देंशो लोव़ थमा दुम्‍शो तामे बाक्‍त। गुप्‍स आन शोव़ रे यो ब्रोंइमा बाक्‍त।

यहोसु 15:10

मिनु मेको सांद बालाह रे पा सेइर पहाड सम्‍म पच्‍छिम गे हिरब। येआरीम डांडा आ उत्तर गे ङा देम्‍सीलो रे पा बेथ-शेमेश रे लुक्‍च लशा, तिम्‍नाह सम्‍म बाक्‍त। मेको येआरीम डांडा कली केसालोन यो देंनीम। यहोसु १९:४३; न्‍यायाधीस १४:१

१ पत्रुस 5:8

गेय पचा ङोंइती मिम्‍तीन। होस पा बाक्‍कीन। मारदे हना इन कली मदाक्‍ब सैतानमी शोव़लु बेक्‍शो गुप्‍स खोदेंशो पा “सु कली ब्‍वाइनुङा” दे माल्‍ना माल्‍न गाक्‍ब। १थिस्‍सलोनिकी ५:६; लूका २२:३१; २कोरिन्‍थी २:११

न्‍यायाधीस 14:4

परमप्रभु यावेम सिम्‍सोन कली मेको मीश आल कली दाक्‍पाइश्‍शो बाक्‍त, दे आ आम आफोमी मतुइश्‍शो बाक्‍ताक्‍स। परमप्रभुमी पलिस्‍ती आन कली खतम पचा कली मोदेंशो पशो बाक्‍माक्‍त। मेना पलिस्‍तीपुकीमी इस्राएली आन कली सासन पशो बाक्‍मा बाक्‍त।

न्‍यायाधीस 14:6

मिनु परमप्रभु यावे आ सोक्‍तीम सिम्‍सोन कली ठेयब सक्तिम सुमा बाक्‍त। मिनु आ गुइमी मारेइ यो या मबाक्‍त हना यो, मेको गुप्‍स कली पाठा खोदेंशो पा सदा बाक्‍त। मिनु गुप्‍स साइश्‍शो लोव़ आ आम आफ कली मशोव़ङा बाक्‍त। न्‍यायाधीस १३:२५

१ सामुएल 17:35

मेना गो मेको आन कली खेदा पा लशा, आन शोव़ रे मेको रोइश्‍शा चाक्‍नुङ। आं कली क्राइक्‍चा कली मेको लेत्‍तेक्‍म हना, मेको आन कली आन शांपेम ग्‍याइश्‍शा तुप्‍शा साइक्‍नुङमी