न्‍यायाधीस 14:17 - Sunuwar Bible

¹⁷ मिनु भोज के ७ नाक्‍ती मनुम्‍म सम्‍म आ मीश सिम्‍सोन आ ङोंइती ङाक्‍स ङा ङाक्‍स बाक्‍माक्‍त। मोपतीके ७ नाक्‍त सम्‍म शुश हिल्‍लो पा पुंइतीके सिम्‍सोनमी मेको लोव़ आ मीश कली शोव़ङा बाक्‍त। मिनु मेकोमी लशा, आ मुर आन कली देंमाक्‍त। न्‍यायाधीस १६:१६-१७

न्‍यायाधीस 14:17 ပူးပေါင်းရင်းမြစ်များ

उत्पत्ती 3:6

मिनु मीश मुरुम मेको रवा तशा ब्‍वशोनु, ब्रोव़चा ङा कोव़शोनु, दारशो, रुप्‍तीक थुं गेचा ङा तवा बाक्‍त। मोपतीके फल सेक्‍शा, ब्‍ववा बाक्‍त। मेको आ नेक्‍था बाक्‍ब आ वोंइश कली यो गेवा बाक्‍त। मेकोमी यो ब्‍ववा बाक्‍त। याकूब १:१४-१५; १तिमोथी २:१४

अय्‍युब 2:9

मिनु मेको आ मीशेमी मेको कली “मार, गे मुल सम्‍म थमा सुइक्‍चा मप्रोंइनीनी? परमप्रभु कली सराप चीले पा बेक्‍कीन” दे मदा बाक्‍त।

हितोपदेस 7:21

मोपा शुश लेम्‍शा, मेकोमी वोंइश आल कली लाइक्‍तु। आ मिलो शिलो लोव़मी मेको कली हेंथे खोइक्‍पाइक्‍तु।

येरमीया 9:3

मेकोपुकीम जोल पस ला जोक्‍नीम। मोपा जोल पतीकेमी रागी ङा ठेयब मुर दुम्‍तेक्‍म। थमा लोव़ पतीकेमी ममाइ। मेकोपुकी मरिम्‍शो पशो का रे अर्को मरिम्‍शो पाइनीम। मिनु आं कली मतुइक्‍नीम। येरमीया ५:१

मीका 7:5

इन वारच कली थमा मसुतीन। इन दाक्‍शो मुर कली थमा मसुतीन। गे नु काथा इप्‍शो मीश नु यो होस पा लोव़ पने। येरमीया ९:३-४

लूका 11:8

तन्‍न मेकोमी पुंइस ङा पुंइस बाक्‍त हना, मेको मगेनुङ देंब मुरुमी वारच, दे ला ममाइ ढिपी पतीके मेको कली आ पुंइशो गेब।

न्‍यायाधीस 14:16

मिनु सिम्‍सोन आ मीश आ वोंइश आ ङोंइती ङाक्‍शा “गे आं कली काइ मदाक्‍नीनी। गे थमा पा आं कली मदाक्‍नीनी। गे आं मुर आन कली लोव़ का हिल्‍लो पाइतीनी। मिनु मेको लोव़ आ अर्थ चहिं आं कली मदेंनी” देंमाक्‍त। मिनु सिम्‍सोनमी “मेको लोव़ आ अर्थ आं आम आफ कली लाइयो मदेंङ। मिनु इ कली मारदे देंनुङा?” देंमाक्‍त।

न्‍यायाधीस 14:18

मिनु मेको ७ नाक्‍ती नां सोव़चा क्‍येङा ङोंइती सहर ङा मुरपुकीमी सिम्‍सोन कली “खुदो क्‍येङा जिज, मार बाक्‍बा ङा? गुप्‍स क्‍येङा बोल्‍यो सु बाक्‍बा ङा?” देंमा बाक्‍त। मिनु सिम्‍सोनमी “आं मीशेमी इन कली मेको लोव़ मशोव़ङ हना, गेपुकीमी लेन्‍ने मचाप्‍नी वा” देंमाक्‍त।

न्‍यायाधीस 16:13

मिनु देलीलाहमी लेंशा सिम्‍सोन कली “गे मुल सम्‍म आं कली शुक्‍शी पा जोल पाइतीनी। इन कली दोपा फ्रेंने चाम्‍सीबा?” दे हिल्‍लो पवा बाक्‍त। मिनु सिम्‍सोनमी “गे आं चां ङा ७ ओटा लामा कली तोव़ ओल्‍तीकेम पाइक्‍ताक्‍यी नु मेको तोव़ आ प्रोव़शो हिरतीक ठीक पा वोइक्‍तीवी हना, अरु मुर खोदेंशो पा बोल मपाइश्‍शो दुम्‍नुङ” देंमाक्‍त।

न्‍यायाधीस 16:16

मिनु मेकोमी सिम्‍सोन कली नाक्‍त किंत किंत हिल्‍लो पा श्‍येत गेवा बाक्‍त। न्‍यायाधीस १४:१७

न्‍यायाधीस 16:6

मिनु देलीलाहमी सिम्‍सोन कली “सुमी इन कली शुश बोल गेवा? दोपा इन कली फ्रेंने चाम्‍सीबा? मुरपुकीम दोपा इन कली ग्‍याइक्‍ने चाप्‍नीमी? आं कली शेंदीन” दे हिल्‍लो पवा बाक्‍त।