न्‍यायाधीस 14:16 - Sunuwar Bible

¹⁶ मिनु सिम्‍सोन आ मीश आ वोंइश आ ङोंइती ङाक्‍शा “गे आं कली काइ मदाक्‍नीनी। गे थमा पा आं कली मदाक्‍नीनी। गे आं मुर आन कली लोव़ का हिल्‍लो पाइतीनी। मिनु मेको लोव़ आ अर्थ चहिं आं कली मदेंनी” देंमाक्‍त। मिनु सिम्‍सोनमी “मेको लोव़ आ अर्थ आं आम आफ कली लाइयो मदेंङ। मिनु इ कली मारदे देंनुङा?” देंमाक्‍त।

न्‍यायाधीस 14:16 ပူးပေါင်းရင်းမြစ်များ

उत्पत्ती 2:24

मोपतीके वोंइश मुरुमी आ आंम आफ आस कली प्रोंइशा, आ मीश नु काथा बाक्‍ब। मेको निक्‍शी रां का दुम्‍नीस। मत्ती १९:५-६; १कोरिन्‍थी ६:१६; एफिसी ५:३१

न्‍यायाधीस 14:17

मिनु भोज के ७ नाक्‍ती मनुम्‍म सम्‍म आ मीश सिम्‍सोन आ ङोंइती ङाक्‍स ङा ङाक्‍स बाक्‍माक्‍त। मोपतीके ७ नाक्‍त सम्‍म शुश हिल्‍लो पा पुंइतीके सिम्‍सोनमी मेको लोव़ आ मीश कली शोव़ङा बाक्‍त। मिनु मेकोमी लशा, आ मुर आन कली देंमाक्‍त। न्‍यायाधीस १६:१६-१७

न्‍यायाधीस 16:15

मिनु देलीलाहमी “आं कली दाक्‍नुङ, दे दोपा देंने चाप्‍नीनी ङा? इन थुंमी आं कली मदाक्‍शो बाक्‍नीनी। गे आं कली खेयप सां शुक्‍शी पा, इन ठेयब बोल मारम बाक्‍बा, मुल सम्‍म मशेंदीनी” देंमाक्‍त।

न्‍यायाधीस 16:16

मिनु मेकोमी सिम्‍सोन कली नाक्‍त किंत किंत हिल्‍लो पा श्‍येत गेवा बाक्‍त। न्‍यायाधीस १४:१७