न्‍यायाधीस 14:12 - Sunuwar Bible

¹² मिनु सिम्‍सोनमी मेको आन कली “इन कली लोव़ का हिल्‍लो पाइनन्‍नी। एको ७ नाक्‍त ङा भोजमी मेको लोव़ लेन्‍ने चाप्‍तीनी हना, गो इन कली ३० ओटा बुश फेक्‍तीक वा नु ३० ओटा शुश क्‍येट लाइब फेक्‍तीक वा गेनन्‍नी।

न्‍यायाधीस 14:12 ပူးပေါင်းရင်းမြစ်များ

उत्पत्ती 45:22

मेको आन कली जोड का का फेक्‍तीक नक वा गेवा बाक्‍त। बेन्‍यामीन कली चहिं सहे सां चांदी के शेकेल नु ५ जोड फेक्‍तीक वा गेवा बाक्‍त।

१ राजा 10:1

शेबा ङा पिपीममी सोलोमन आ रिम्‍शो पशो नेल्‍ल, परमप्रभु यावे आ ठेयब नें नु आ पशो नेल्‍ल नेना बाक्‍त। मिनु लोव़ लेन्‍ने मचाप्‍चा ङा लोव़ कुरशा सोलोमन कली नाक्‍चा कली जाक्‍माक्‍त। मत्ती १२:४२; १राजा ५:१४

२ राजा 5:22

मिनु गेहाजीम “मारेइ मदुम। तन्‍न आं होव़पमी आं कली एफ्राइम पहाड ङा परमप्रभु यावे आ लोव़ पाइब आन हुल रे ठिटा निक्‍शी जाक्‍ताक्‍स। मिनु शिशी पा मेको आस कली ‘टलेन्‍ट का चांदी नु जोर निक्‍शी वा गेने’ देंथ सोइक्‍ताक्‍यी” देंमाक्‍त। टलेन्‍ट का ३४ किलो बाक्‍ब।

२ राजा 5:5

मिनु अराम ङा पिपमी “दुम्‍ब, गे लावो। गो इस्राएल ङा पिप कली चिठी का ब्रेक्‍नुङ” देंमाक्‍त। मोपतीके नामान १० टलेन्‍ट चांदी, ६ हजार शेकेल सुन नु १० जोर फेक्‍तीक वा कुरशा लमाक्‍त। टलेन्‍ट का ३४ किलो बाक्‍ब। शेकेल का ११.५ ग्राम बाक्‍ब।

२ इतिहास 7:8

मेना सोलोमनम ७ नाक्‍ती सम्‍म चाड सेला बाक्‍‍त। मिनु इस्राएली नेल्‍ले मेको नु बाक्‍मा बाक्‍त। लेबो-हमाथ रे इजीप्‍त ङा खोला सम्‍म शुश मुरुमी ७ नाक्‍त सम्‍म चाड मानेमे बाक्‍त।

भजन संग्रह 49:4

गो अर्ती ङा लोव़ का नेंता। गो ठेयब ताप्‍तीके ताप्‍शा, आं लोव़ रुप्‍पाइक्‍नुङ।

हितोपदेस 1:6

एको देंतीक लोव़, कथा, जोक्‍ब तुइक्‍ब आन लोव़ नु ख्रुइश्‍शो लोव़ रुप्‍नीम।

हितोपदेस 31:24

मेकोमी सुती के फेक्‍तीक वा सेल्‍शा लेयब। किप्‍शुर यो ग्‍याप्‍ब लेयब आन कली लेयब।

इजीकीएल 17:2

मार लोव़ पाप्‍तु हना “ए मुर, कथा का देनो। गे इस्राएल आ खिं ङा मुर आन कली लोव़ पावो।

इजीकीएल 20:49

मिनु गो “परमप्रभु, परमप्रभु यावे, मेकोपुकीम आं पर्बम ‘मेकोमी कथा ला देंशो बाक्‍ब, ममाइ ङा?’ देंनीम” देंती।

मत्ती 13:13

कथा सेल्‍शा शेंनुङमी। मारदे हना कोव़शा यो मताइनीम। नेंशा यो मरुप्‍नीम। यूहन्‍ना १६:२५; ब्‍यवस्‍था २९:३

मत्ती 13:34

येसुमी मेको लोव़ नेल्‍ल कथा सेल्‍शा शेंताक्‍मी। कथा मसेल्‍थु मारेइ लोव़ मशेंदीमी। मर्कूस ४:३३-३४

मत्ती 27:28

आ फेक्‍शो वा प्रुइश्‍शा, लल वा फेक्‍पा

मत्ती 6:19

एको रागीमी शोंप खुप्‍शा, खेक्‍शा मवोतीने। मारदे हना बुस्‍सुम ख्रोइक्‍ब, खिया जोइब, खुइपुकीमी खुइ पाइनीम।

लूका 14:7

मिनु मेकेर खमे जथ जाक्‍शो शुशेमी ठेयब लेश्‍शा, ठेयब मुर आन नित्‍तीकेमी नित्‍चा माल्‍शो तशा मत्ती २३:६

यूहन्‍ना 16:29

मिनु आ शेंसीबपुकीमी येसु कली “मुल गे कथा पा मशेंथु, मारेइ मख्रुइक्‍थु शेंनीनी।

१ कोरिन्‍थी 13:12

मुल गोपुकीमी ब्राब्रा पा ताइतय। मेना रिम्‍शो पा ताइनय। मुल गो इच्‍का ला रुप्‍नुङ। मेना नेल्‍ल रिम्‍शो पा रुप्‍नुङ। परमप्रभु यावेमी आं कली तुइश्‍शो बुद पा, गो मेना नेल्‍ल तुइक्‍नुङ। गन्‍ती १२:८; २कोरिन्‍थी ५:७; १कोरिन्‍थी ८:३

याकूब 5:2

इन बाक्‍शो शोंप नेल्‍ल राक्‍शो दुम्‍तेक्‍मे। इन वासी नेल्‍ल तुम्‍बुम नेक्‍‍तेक्‍म। मत्ती ६:१९

न्‍यायाधीस 14:11

मिनु मेकेर ङा मुरपुकीमी सिम्‍सोन कली ग्रुम्‍शा, ३० जना वोंइश मुर मेको कली वारच पचा कली चाक्‍गमे बाक्‍त।

न्‍यायाधीस 14:13

तन्‍न आं हिल्‍लो पशो लोव़ लेन्‍ने मचाप्‍तीनी हना, गे आं कली ३० ओटा बुश फेक्‍तीक वा नु शुश क्‍येट लाइब फेक्‍तीक वा गेचा माल्‍नीनी” देंमाक्‍त। मिनु मेकोपुकीमी “लो दुम्‍ब, हिल्‍लो पन” देंमा बाक्‍त।