न्‍यायाधीस 13:20 - Sunuwar Bible

²⁰ मिनु मेको चढ़ेतीक रे मी ग्रूशा, सरीङ गे लमेनु, परमप्रभु यावे आ स्‍वर्ग ङा गेय पाइब मेको मी नु सरीङ गे लमाक्‍त। मानोआह नु आ मीश कोव़स ङा कोव़स बाक्‍शा, सेउ पाम्‍से बाक्‍त।

न्‍यायाधीस 13:20 ပူးပေါင်းရင်းမြစ်များ

उत्पत्ती 17:3

मिनु अब्राम खुम्‍की पा बाम्‍माक्‍त। परमप्रभुमी मेको कली

२ राजा 2:11

मिनु मेको निक्‍शी लोव़ पना पन गाक्‍सा बाक्‍त। मिनु रीब पा मी ब्रशो बग्‍गी नु शारापुकी ग्रूमा बाक्‍त। मिनु मेकोपुकीमी मेको निक्‍शी आस कली फ्रादमे बाक्‍त। मिनु एलीया फश गिवारम क्‍युक्‍शा इर सरीङ लाइक्‍चा पुंइसे बाक्‍त। उत्‍पत्ती ५:२४

१ इतिहास 21:16

मिनु दाऊदमी इर गे कोव़ङानु, परमप्रभु यावे आ स्‍वर्ग ङा गेय पाइब का सरीङ नु रागी आस दातेमी राप्‍शा, आ गुइमी शोइश्‍शो तरवार का यरूसलेम गे दिंशो तवा बाक्‍त। मिनु दाऊद नु मेको नु बाक्‍शो खूशोपुकी भाङग्रा फेक्‍शा खुम्‍की पा बाम्‍मा बाक्‍त।

१ इतिहास 21:21

दाऊद मेको आ बाक्‍तीक जाक्‍दीम्‍मेनु, ओरनानम पिप कली तशा, आ ङोंइती खुम्‍की पा बाम्‍माक्‍त।

१ इतिहास 21:26

मिनु दाऊदम मेकेर परमप्रभु यावे कली चढ़ेतीक का सेला बाक्‍त। मिनु चोशा चढ़ेतीक नु दुशा बाक्‍चा आ पर्बम चढ़ेतीक चढ़ेवा बाक्‍त। मिनु परमप्रभु यावे आ नें थिशा पुना बाक्‍त। परमप्रभु यावेमी सरीङ रे चोशा चढ़ेतीके तारी मी तोक्‍शा लोव़ लेत्‍ता बाक्‍त। १राजा १८:२४

भजन संग्रह 47:5

मुरपुकी शुश ग्‍येरसमानु, परमप्रभु आ नित्‍तीकेम लाइब। परमप्रभु यावे तुराही ताप्‍शो नेंशा लाइब।

इजीकीएल 1:26

मेको आन पिया इर गे बाक्‍तीकेमी ठेयब नित्‍तीक का खोदेंशो बाक्‍त। मेको कोव़ङुनु नीर हीरा खोदेंशो तांइसाक्‍व। मिनु मेको ठेयब नित्‍तीकेम निप्‍ब आ रां मुर आ खोदेंशो बाक्‍त। प्रस्‍थान २४:१०; प्रकाश ४:२-३; यसैया ६:१

इजीकीएल 1:28

रेउ यिमेनु, गोस्‍सुम वाक्‍श दाप्‍शो खोदेंशो पा, मेको आ एर ओंथ नेल्‍ल छेङछेङ बाक्‍त। मेको परमप्रभु यावे आ छेङछेङ बाक्‍त। मिनु गो मेको तशा, खुम्‍की पा बाप्‍ती। मिनु मुर ब्‍वाक्‍शो खोदेंशो सेंदा नेंता। इजीकीएल ३:२३; इजीकीएल ८:४; इजीकीएल ९:३; इजीकीएल १०:४,१८; इजीकीएल ११:२३; इजीकीएल ४३:४; इजीकीएल ४४:४

दानीएल 10:9

मिनु नोले मेकोमी लोव़ पशो नेंता। मिनु मेको लोव़ नेंनु चोटीन, गो खपीमी दिङ गोल्‍शा, थती।

लेवी 9:24

मिनु परमप्रभु यावे आ ङोंइती रे मी ग्रूशा, चढ़ेतीकेम बाक्‍शो चोशा चढ़ेतीक नु मेक बाक्‍शो बोंसो नेक्‍तु। मिनु मुरपुकीमी मेको तशा, ठेयब सेंदा पा ग्‍येरसीशा, खुम्‍की पा बाप्‍तेक्‍म। न्‍यायाधीस ६:२१; १राजा १८:३८; १इतिहास २१:२६; २इतिहास ७:१

मत्ती 17:6

मोदेंशो नेंशा, शेंसीबपुकी हिंशा खुम्‍की पा बाम्‍मा बाक्‍त।

हिब्रू 1:3

आ तौ आ आफ आ सक्ति नु छेङछेङ बाक्‍ब। मिनु आ सक्ति ङा लोव़ पतीकेमी नेल्‍ल आन कली कोव़ना कोव़न बाक्‍ब। मेकोमी पाप क्‍याम्‍तीक गेय पने थुम्‍शा, नेल्‍ल क्‍येङा ठेयब मान ताइब आ ग्‍युरा गे निश्‍शो बाक्‍ब।

न्‍यायाधीस 6:19

मिनु गिदोन खिं ओव़शा, क्‍यारश पाठा का ठीक पवा बाक्‍त। एफाह का फस के बोरब ओख्‍ती मसुप्‍शो शोब्‍ले चोवा बाक्‍त। मिनु श्‍ये डालोम कुर पा आ शेक्‍क चहिं बो‍स काम लुक्‍शा, ठेयब रवा आ पुंमी लाइश्‍शा, मेको कली ख्रेत्‍ता बाक्‍त। एफाह का २२ लिटर पुक्‍तीक बाक्‍ब। एफाह का ५ पाथी खोदेंशो बाक्‍ब। लेवी ४:२८

न्‍यायाधीस 6:21

मिनु नोले परमप्रभु यावे आ स्‍वर्ग ङा गेय पाइबमी मेको श्‍ये नु शोब्‍ले कली आ गुइम बाक्‍शो कोक्‍केमी थिवा बाक्‍त। मिनु मेको फुल्‍लु रे पा मी ग्रूशा, मेको श्‍ये नु बोरब ओख्‍ती मसुप्‍शो शोब्‍ले नेल्‍ल नेक्‍गा बाक्‍त। मिनु परमप्रभु यावे आ स्‍वर्ग ङा गेय पाइब यो लमाक्‍त। लेवी ९:१४