न्‍यायाधीस 12:6 - Sunuwar Bible

⁶ गिलाद ङा मुरपुकीमी “मो हना, शिब्‍बोलेथ देनो” देंबाक्‍मा बाक्‍त। मिनु मेकोमी ठीक पा देंने मचाप्‍थु “सिब्‍बोलेथ” देंतेक्‍म हना, मेकेर ग्‍याइश्‍शा यर्दन आ नेक्‍था साइक्‍बाक्‍मा बाक्‍त। मेना एफ्राइम आ थर ङा मुर ४२ हजार साइक्‍चा पुंइसमा बाक्‍त।

न्‍यायाधीस 12:6 ပူးပေါင်းရင်းမြစ်များ

भजन संग्रह 69:15

बारशो ब्‍वाक्‍कुम आं कली मसुम्‍यील। ब्‍वाक्‍कुम मयोल्‍दील। बेक्‍शो मुर आन बाक्‍तीकेमी आं कली मब्रेत्‍तील। उत्‍पत्ती २९:३

भजन संग्रह 69:2

गो थेक्‍‍तीक मबाक्‍शो हिलो आगाम ग्रुम्‍ना ग्रुम्‍न बाक्‍नुङ। शुश लुक्‍च लशो ब्‍वाक्‍कुमी ग्रुम्‍ना ग्रुम्‍न बाक्‍नुङ। आं एर ओंथ ब्‍वाक्‍कु ला बाक्‍ब।

हितोपदेस 17:14

दोपा प्रोंइशो ब्‍वाक्‍कु बोल पा शाइक्‍बा, मोपा जिचा पोक्‍तीक बाक्‍ब। मोपतीके जिचा ठेयब दुम्‍चा क्‍येङा ङोंइती मेको कली तेक्‍कीन।

हितोपदेस 18:19

थुं खाइक्‍पाइश्‍शो लोक्‍ब कली लेम्‍चा गारो हिरशो सहर ग्राचा क्‍येङा श्‍येत बाक्‍ब। मुर आन जितीक खेतीके बोल्‍यो खिं ङा आग्‍लो खोदेंशो बाक्‍ब।

उपदेसक 10:12

जोक्‍ब तुइक्‍ब मुर ब्‍वाक्‍मेनु, मान ताइब। तन्‍न मूर्ख चहिं आ लोव़मीन खतम दुम्‍ब।

यसैया 27:12

मिनु मेको नाक्‍ती परमप्रभु यावेमी युफ्रेटीस खोला रे इजीप्‍त ङा ब्‍वाक्‍कु मबाक्‍शो खोला सम्‍म अन्‍न तुप्‍ब। गे इस्राएल ङा मुरपुकी का का पा खुप्‍चा पुंइसीनीनी।

मत्ती 12:25

मिनु येसुमी मेको आन मिम्‍शा लोव़ पशो तुइश्‍शा, मेको आन कली “राज्‍य का ङा मुरपुकी जिशा ब्राशा गाक्‍तेक्‍म हना, राज्‍य जाम्‍शा लाइब। सहर का ङा मुरपुकी जिशा ब्राशा गाक्‍तेक्‍म हना, सहर नुप्‍ब। खिं का ङा मुरपुकी यो जिम्‍तेक्‍म हना, मेको खिं मलीब। मत्ती ९:३४

मत्ती 26:73

मिनु मेको एर ओंथ बाक्‍बपुकी जाक्‍शा, पत्रुस कली “गे यो काथा गाक्‍ब का बाक्‍ङे बाक्‍त। इ ब्‍वाक्‍स नेंशा, गालील ङा बाक्‍ङे बाक्‍त, दे तुंइ‍सीब” दे मदमे बाक्‍त।

मर्कूस 14:70

पत्रुसमी “गो मनङ, मेको कली मतुइक्‍नुङ” देंमाक्‍त। मिनु छिन का नोले मेकेर बाक्‍बपुकीमी यो “गे मेको नु काथा गाक्‍ब का बाक्‍ङे बाक्‍त, मारदे हना गालील ङा बाक्‍ङे बाक्‍त, दे तुंइ‍सीब” देंमानु,

गलाती 5:15

गेपुकी कुचुम जिशा क्राइक्‍मुशो खोदेंशो पा जीतीनी हना, खतम दुम्‍नीकी, दे तुइक्‍तीन। याकूब ४:२

न्‍यायाधीस 12:5

मिनु गिलादीपुकीमी यर्दन ङा शोक्‍तीक लां एफ्राइम रे रोइश्‍शा, आंम के सेल्‍मे बाक्‍त। मिनु गिलाद ङा मुरपुकीमी खोला शोक्‍ब मुर आन कली “गे एफ्राइम आ थर ङा मुर बाक्‍नीनी?” दे हिल्‍लो पामे बाक्‍त। “गो मनङ” देंमा बाक्‍त हना,

न्‍यायाधीस 12:7

येफ्‍ता ६ बर्स सम्‍म इस्राएली आन निसाफ पाइब दुम्‍शा बेक्‍माक्‍त। मिनु मेको कली आ सहर गिलादमी थिम्‍मे बाक्‍त।