न्‍यायाधीस 11:7 - Sunuwar Bible

⁷ मिनु येफ्‍तामी मेको गिलाद ङा खाल्‍पा आन कली “गेपुकीमी आं कली मदाक्‍थु, आं आफ आ खिं रे खेरतीनी। मुल श्‍येत जनी ना मारदे आं कली ब्रेत्‍नीनी?” देंमाक्‍त।

न्‍यायाधीस 11:7 ပူးပေါင်းရင်းမြစ်များ

उत्पत्ती 26:27

मिनु इसहाकमी “गेपुकी आं कली मदाक्‍थु, इन बाक्‍तीके रे सोइक्‍ताक्‍यीनी। मुल मारदे आं कली ग्रुम्‍थ जाक्‍नी?” दे हिल्‍लो पवा बाक्‍त।

उत्पत्ती 37:27

नेनीन, इश्‍माएल आ मुर आन कली लेयशा सोइक्‍तय, मसाइय्‍य। मारदे हना इं लोक्‍ब, इं आंम मुर बाक्‍ब” देंमाक्‍त। मिनु आ लोक्‍बपुकी बिस्‍समा बाक्‍त।

हितोपदेस 17:17

वारचमी गेना हना यो दाक्‍ब। लोक्‍बपुकी चहिं श्‍येत जशो ना वारच पचा कली जरमेशो बाक्‍नीम।

यसैया 60:14

इ कली दिप्‍ब आन चच युइ इ बाक्‍तीकेम जाक्‍‍शा बाप्‍‍नीम। इ कली ग्रांग्रा दीब नेल्‍ल इ खोइलीम बाप्‍नीम। मिनु मेकोपुकीमी इ कली ‘परमप्रभु यावे आ सहर नु इस्राएली आन का ला बाक्‍शो परमप्रभु आ सियोन’ देंनीम। यसैया १४:२

प्रकाश 3:9

मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४

न्‍यायाधीस 11:6

मेकोपुकीमी येफ्‍ता कली “पिन, आंइ लडाइ पाइब आन ठेयब मुर दुमीन। मिनु गो अम्‍मोनी नु लडाइ पने चाप्‍नीकी” देंमा बाक्‍त।