न्‍यायाधीस 11:32 - Sunuwar Bible

³² मिनु येफ्‍ता अम्‍मोनी नु लडाइ पथ आइक्‍ची हांम शोक्‍शा लमाक्‍त। मिनु परमप्रभु यावेमी अम्‍मोनी आन कली येफ्‍ता आ गुइमी गेवा बाक्‍त।

न्‍यायाधीस 11:32 ပူးပေါင်းရင်းမြစ်များ

न्‍यायाधीस 1:4

मिनु यहूदा आ थर ङा मुरपुकीमी लडाइ पा परमप्रभु यावेमी कनानी नु परिज्‍जी आन कली मेको आन गुइम गेवा बाक्‍त। मेकोपुकीमी मेको आन कली खेदा पामे बाक्‍त। बेसेक सहरमी १० हजार मुर आन कली साइश्‍शा ग्रामा बाक्‍त।

न्‍यायाधीस 11:31

गो अम्‍मोनी रे रिम्‍शो पा आं खिं लेत्‍ती हना, सु आं खिंमी नेल्‍ल क्‍येङा ङोंइती गो नु ग्रुम्‍थ जाक्‍बा, मेको इन के दुम्‍ब। गो मेको कली चोशा चढ़ेनुङ” दे कसम जवा बाक्‍त। २राजा ३:२७

न्‍यायाधीस 11:33

मेकोमी आरोएर रे मिन्‍नीथ नु आबेल-केरामीम सम्‍म २० ओटा सहर खतम सेला बाक्‍त। मोपा इस्राएलीमी अम्‍मोनी आन कली ग्रामा बाक्‍त।

न्‍यायाधीस 2:16

मिनु नोले परमप्रभु यावेमी मेको आन कली रोइक्‍ब आन गुइ रे प्रोंइचा कली निसाफ पाइब सोइक्‍ता बाक्‍त। मिनु मेको आन कली प्रोंइना प्रोंइन बाक्‍मा बाक्‍त। प्रेरित १३:२०

न्‍यायाधीस 2:18

गेना परमप्रभु यावेमी मेको आन कली निसाफ पाइब सोइक्‍ता, मेना परमप्रभु यावे मेको नु बाक्‍माक्‍त। मेको निसाफ पाइब मबेक्‍म सम्‍म आन जोरी सत्रु रे प्रोंइशा वोदा बाक्‍त। मारदे हना परमप्रभु यावेमी आन जोरी सत्रु रे श्‍येत जशो तशा शिशी पवा बाक्‍त।

न्‍यायाधीस 3:10

परमप्रभु यावे आ सोक्‍त मेको तार जाक्‍माक्‍त। मिनु मेकोमी इस्राएली आन कली निसाफ पवा बाक्‍त। मिनु मेकोमी लडाइ पचा गोवा बाक्‍त। मिनु परमप्रभु यावेमी मेसोपोटामीया ङा पिप कुशन-रिशातैम कली ओथ्‍नीएल आ गुइम गेवा बाक्‍त। मोपा ओथ्‍नीएलमी मेको पिप कली ग्रामाक्‍त। न्‍यायाधीस ६:३४