न्‍यायाधीस 11:27 - Sunuwar Bible

²⁷ गोपुकीमी इन कली मारेइ यो मरिम्‍शो मपशो। तन्‍न गेपुकीमी आं कली लडाइ तोशा, मरिम्‍शो पाइनीनी। मुलाक्‍ती परमप्रभु यावेमी इस्राएली नु अम्‍मोनी आन दातेमी निसाफ पाइब” दे येफ्‍तामी अम्‍मोनी आन पिप कली लोव़ सोइक्‍ता बाक्‍त।

न्‍यायाधीस 11:27 ပူးပေါင်းရင်းမြစ်များ

उत्पत्ती 16:5

मिनु साराइमी अब्राम कली “आं कली मरिम्‍शो दुम्‍तीके इन कली दुम्‍ल। गो आं वाइलीम इन कली गेता। मुल आंम कली कोव़ज कुरशो तशा, आं कली आइक्‍च सेल्‍ती। परमप्रभु यावेमी गे नु गो, इस दातेम निसाफ पवल” देंमाक्‍त।

उत्पत्ती 18:25

ममाइ, गे मोदेंशो पा मक्‍याम्‍नीनी। गे ठीक पाइब नु मरिम्‍शो पाइब आन कली खाल का ङा पा मसाइक्‍नीनी। थमान, ठीक पाइब नु मरिम्‍शो मुर आन कली खाल का ङा मपाइनीनी। गे रागी रागी ङा निसाफ पाइब बाक्‍शा, ठीक निसाफ पाइनीनी” देंमाक्‍त। भजन संग्रह ८२:१; भजन संग्रह ९४:२

उत्पत्ती 31:53

अब्राहाम आ परमप्रभु, नाहोर आ परमप्रभु नु आन किकी पिपी आन परमप्रभुम इस दातेमी निसाफ पव‍ल” देंमाक्‍त। मिनु याकूबमी इसहाक आ मान पा हिंशो परमप्रभु आ नें थिशा, कसम जवा बाक्‍त।

२ इतिहास 20:12

आंइ परमप्रभु, गे मेको आन कली निसाफ मपाइनीनी ङा? मारदे हना गोपुकी एको शुश मुर आन ङोंइती मारेइ पने मचाप्‍ब बाक्‍नीकी। मुल गो मार पचा माल्‍नीकी मारेइ मतुइक्‍नीकी। तन्‍न गो इन गे कोव़नीकी” दे पुना बाक्‍त।

अय्‍युब 23:7

रिम्‍शो थुं पाइश्‍शो मुरपुकीमी मेको नु लोव़ पने चाप्‍नीम। मिनु गो आं निसाफ पाइब रे गेना हना यो प्रोंइचा पुंइसीङ वा।

अय्‍युब 9:15

गो दोस मतशो बाक्‍‍ती हना यो, मेको कली लोव़ लेन्‍ने मचाप्‍नुङ। आं कली दोस गेब कली गो ‘शिशी पाइय्‍यीनी’ दे पुंइने ला चाप्‍नुङ।

भजन संग्रह 50:6

मिनु स्‍वर्गम बाक्‍बपुकीमी “एको ठीक पाइब बाक्‍ब। मारदे हना परमप्रभुमी एको मुर आन कली निसाफ पाइब” देंनीम। ठेयब सेंदा पा।

भजन संग्रह 7:11

परमप्रभु ठीक निसाफ पाइब बाक्‍ब। नाक्‍त किंत किंत मेको पापी आन कली तशा गाइक्‍ब।

भजन संग्रह 75:7

तन्‍न परमप्रभुमी मुर आन कली निसाफ पाइब। मेकोमी का निक्‍शी आन कली दिप्‍ब, का निक्‍शी आन कली क्‍युक्‍ब। १सामुएल २:७

भजन संग्रह 82:8

परमप्रभु बोक्‍कीन। मिनु रागी कली निसाफ पने। मारदे हना रागी नेल्‍ल इन के बाक्‍नीम।

भजन संग्रह 94:2

रागी कली निसाफ पाइब, बोक्‍कीन। मिनु ठेयब लेश्‍शो आन कली आन पशो ङा क्‍येक्‍क लेत्‍तीन। उत्‍पत्ती १८:२५

भजन संग्रह 98:9

मारदे हना परमप्रभु यावे रागी कली निसाफ पथ जाक्‍ब। मेकोमी ठीक पा जात जात ङा मुर आन कुल मकोव़थु निसाफ पाइब।

उपदेसक 11:9

ए ठिटा मुर, गे ठिटा बाक्‍ङेनु ग्‍येरसो। इ थुंमी गे ठिटा बाक्‍ङेनु ग्‍येरपदल। इ त‍शो नु इ थुंमी मिम्‍शो आस नोले खोतो। तन्‍न परमप्रभुमी मेको नेल्‍ल तुइश्‍शा निसाफ पाइब, दे मिम्‍तो। उपदेसक २:२४

उपदेसक 12:14

मारदे हना परमप्रभुमी इं पशो रिम्‍शो नु मरिम्‍शो गेय नेल्‍ल नु ख्रुइश्‍शा पशो नेल्‍ल निसाफ पाइब। रोमी २:१६; २कोरिन्‍थी ५:१०

२ कोरिन्‍थी 11:11

मो पङानु, इन कली मदाक्‍ब दुम्‍नुङा ङा? गोमी इन कली दाक्‍शो मदाक्‍शो परमप्रभु यावेमी तुइक्‍ब।

२ कोरिन्‍थी 5:10

मारदे हना गो नेल्‍ल ख्रीस्‍त आ ङोंइती निसाफ पची ना जाक्‍चा माल्‍नीकी। रांम बाक्‍यानु, इं रांम पशो रिम्‍शो नु मरिम्‍शो नेल्‍ल ताइनीकी। प्रेरित १७:३१; रोमी २:१६; रोमी १४:१०; यूहन्‍ना ५:२९; एफिसी ६:८

२ तिमोथी 4:8

मुल रे ठीक पतीके ङा सिरपेच गुप्‍चा दे आं कली वोइश्‍शो बाक्‍त। प्रभु ठीक निसाफ पाइब बाक्‍ब। मेकोमी आं कली आ नाक्‍तीम सिरपेच गेब। आं कली ला ममाइ, सु सुमी आ जाक्‍शो दाक्‍नीमी, मेको आन कली यो गेब। २तिमोथी २:५; १पत्रुस ५:४; याकूब १:१२; प्रकाश २:१०; मत्ती २५:२१

हिब्रू 12:23

आन नें स्‍वर्गम ब्रेक्‍चा पुंइसीशा, इन क्‍येङा ङोंइती जाक्‍दीश्‍शा, पाप रे ब्रोंइशा ग्‍येरशा बाक्‍चा ताइबपुकी बाक्‍नीम। परमप्रभु यावेमी मुर नेल्‍ल आन कली निसाफ पाइब आ नेक्‍था बाक्‍नीम। लूका १०:२०

न्‍यायाधीस 11:28

तन्‍न अम्‍मोनी आन पिपमी येफ्‍तामी सोइश्‍शो लोव़ मारेइ खोदेंशो मलाक्‍माक्‍त।

१ सामुएल 2:10

परमप्रभु यावे आ पर्बम जोरी सत्रु साइक्‍चा पुंइसीनीम। नेल्‍ल क्‍‍येङा ठेयबमी मेको आन पर्बम सरीङ रे बुंबु पपाइक्‍ब। मिनु परमप्रभु यावेमी रागी नेल्‍ल आन कली निसाफ पाइब। मेकोम आ पिप कली सक्ति गेब। मिनु आ तेल लुक्‍शो आ पिया पोक्‍ब” देंमाक्‍त।

१ सामुएल 24:12

परमप्रभु यावेम इस दातेम निसाफ पवल। मेकोमी आं पर्बम इन कली क्‍येक्‍क लेत्‍ताक्‍व हना यो, गो इन कली मारेइ मपाइ‍‍नुङ।

१ सामुएल 24:13

साइ ङोंइती ङा लोव़मी ‘मरिम्‍शोमी मरिम्‍शोन जाक्ब’ देंशो बाक्‍ब। मो हना यो गो आं गुइ इन पर्बम मक्‍युक्‍नुङ। रोमी १२:१९; १ पत्रुस २:२३

१ सामुएल 24:15

परमप्रभु यावे निसाफ पाइब बाक्‍ब। मिनु मेकोमी इस दातेम निसाफ पवल। परमप्रभु यावेम कोव़ङल। आं परमप्रभु यावेम आं कली इन गुइ रे प्रोंइब” देंमाक्‍त।

१ सामुएल 24:16

मिनु दाऊद ब्‍वाक्‍ने थुमा नोले, सावलम “मार, मेको इ सेंदा बाक्‍ब, आं तौ दाऊद?” देंशा, ङाक्‍माक्‍त।