न्‍यायाधीस 11:26 - Sunuwar Bible

²⁶ इस्राएलीपुकी सहे सां बर्स सम्‍म हेश्‍बोन नु आ एर ओंथ ङा गाउंपुकी, आरोएर नु मेको आ एर ओंथ ङा गाउंपुकी नु अरनोन आ नेक्‍था ङा सहर नेल्‍लेम बाक्‍मा बाक्‍त। मारदे मेको क्‍येङा ङोंइती इन के मसेल्‍नी?

न्‍यायाधीस 11:26 ပူးပေါင်းရင်းမြစ်များ

येरमीया 48:19

आरोएर सहरम बाक्‍बपुकी लांमी राप्‍शा कोव़ङीन। प्रोक्‍शो वोंइश मुर नु मीश मुर आन कली ‘मार, दुम्‍मे’ दे हिल्‍लो पने।

प्रेरित 13:19

कनान रागीमी बाक्‍ब ७ रागी ङा मुर नेल्‍ल आन कली साइश्‍शा, मेको आन रागी आंइ किकी पिपी आन कली गेवा बाक्‍त। ब्‍यवस्‍था ७:१; यहोसु १४:२

ब्‍यवस्‍था 2:24

मिनु परमप्रभुमी ‘बोक्‍कीन। गाक्‍चा गोने। मिनु अरनोन खोल्‍सा शोक्‍सीन। मारदे हना गो हेश्‍बोनम बाक्‍शो एमोरी आन पिप सीहोन नु आ रागी इन कली गेता। मेको इन के सेल्‍ना सेल्‍न लडाइ पने।

ब्‍यवस्‍था 2:36

अरनोन खोल्‍सा ङा दिंमम बाक्‍ब आरोएर सहर रे गिलाद सम्‍म आंइ ग्राने मचाप्‍चा ङा सहर कान मबाक्‍म। परमप्रभु यावे, इं परमप्रभुमी मेको नेल्‍ल आंइ कली ग्राचा गेप्‍तु। यहोसु १३:९; २सामुएल २४:५

ब्‍यवस्‍था 3:2

मिनु परमप्रभु यावेमी आं कली ‘मेको आन कली तशा महिनो। मारदे हना गो मेको नु आ मुर नेल्‍ल आन कली इन गुइमी गेता। मेको आ रागी नु आ मुरपुकी इन के दुम्‍त। मिनु गे हेश्‍बोनम बाक्‍शो एमोरी आन पिप सीहोन कली खोदेंशो पा मेको कली यो पने’ देंत।

ब्‍यवस्‍था 3:6

मिनु हेश्‍बोन ङा पिप सीहोन कली खोदेंशो पा मेको सहर ङा वोंइश मुर, मीश मुर नु आल नेल्‍ल साइक्‍तक।

यहोसु 11:18

मिनु शुश नाक्‍त सम्‍म यहोसुमी मेको पिपपुकी नु लडाइ पाप्‍तु।

यहोसु 12:2

एमोरी आन पिप सीहोन, मेको हेश्‍बोनमी बाक्‍शो बाक्‍माक्‍त। मेकोमी ते ते हुकुम पाइब बाक्‍माक्‍त देंशा हना, अरनोन खोला आ नेक्‍था बाक्‍शो आरोएर रे अरनोन खोला आ दाते रे यब्‍बोक खोला सम्‍म सासन पाइब बाक्‍माक्‍त। मेको अम्‍मोनी आन सांद बाक्‍त। मिनु मेकोमी आधा गिलाद कली यो सासन पशो बाक्‍माक्‍त। गन्‍ती २१:२४

यहोसु 12:5

हेरमोन डांडा, साल्‍का, बाशान नेल्‍ल, गेशुरी आन सांद नु माकाथ आ मुर आन सांद सम्‍म नु आधा गिलाद रे लाइश्‍शा, हेश्‍बोन ङा पिप सीहोन आ सांद सम्‍म सासन पाइबाक्‍माक्‍त।

यहोसु 13:10

मिनु हेश्‍बोन सहरम हुकुम पाइब एमोरी आन पिप सीहोन आ सहर नेल्‍ल अम्‍मोनी आन सांद सम्‍म गेशो बाक्‍त।

यहोसु 13:16

मेको आन रागी अरनोन खोला आ नेक्‍था बाक्‍शो आरोएर सहर नु मेको दिंम आ दातेम बाक्‍शो सहर नु मेदेबा दिंम आ नेक्‍था ङा रागी नेल्‍ल,

यहोसु 13:17

हेश्‍बोन नु दिंम ङा सहर नेल्‍ल, दीबोन, बामोथ-बाल नु बेथ-बाल-मेओन,

यहोसु 23:1

मिनु शुश नाक्‍त नोले परमप्रभु यावेमी इस्राएली आन कली आन जोरी सत्रु रे पा प्रोंइशा, नाइश्‍शा बाक्‍चा गेप्‍तु। मेना यहोसु खाल्‍पा दुम्‍शा, शुश बर्स दुम्‍शो बाक्‍‍त। यहोसु २१:४४

न्‍यायाधीस 10:8

मेको बर्समी मेकोपुकीमी इस्राएली आन कली थाम्‍पा श्‍येत गेशा, साप्‍पा दिप्‍मे बाक्‍त। मिनु यर्दन खोला आ आइक्‍ची हांबु, पूर्ब गे गिलाद माइश्‍शो एमोरी आन रागीमी बाक्‍ब इस्राएली आन कली १८ बर्स सम्‍म थाम्‍पा श्‍येत गेशा दिप्‍मे बाक्‍त।

न्‍यायाधीस 3:11

केनाज आ तौ ओथ्‍नीएल मबेक्‍म सम्‍म मेको रागी ४० बर्स सम्‍म लडाइ रे नांइसे बाक्‍त।

न्‍यायाधीस 3:30

मोपा मेको नाक्‍ती रे इस्राएलीम मोआबी आन कली हुकुम पामे बाक्‍त। मिनु मेको रागी ८० बर्स सम्‍म लडाइ रे नांइसे बाक्‍त।

न्‍यायाधीस 5:31

मिनु परमप्रभु यावे, इन जोरी सत्रु नेल्‍ल मोपान खतम दुम्‍मल। इन कली दाक्‍बपुकी चहिं सुनी दाप्‍शो नां खोदेंशो पा ब्रशा सक्ति पाइश्‍शो दुम्‍शा, बाक्‍मल” दे कुम्‍सो पाम्‍से बाक्‍त। मिनु ४० बर्स सम्‍म मेको रागीमी लडाइ मदुम्‍माक्‍त। ब्‍यवस्‍था ६:५

न्‍यायाधीस 8:28

मोपा मिदयान ङा मुरपुकी इस्राएली आन गुइमी दुम्‍शा, मेकोपुकीमी लेंशा लडाइ मपामे बाक्‍त। मिनु गिदोन बाक्‍म सम्‍म इस्राएल रागी ४० बर्स सम्‍म लडाइ रे नांइसे बाक्‍त। न्‍यायाधीस ३:११; न्‍यायाधीस ५:३१

न्‍यायाधीस 9:22

अबीमेलेकमी इस्राएली आन कली बर्स सां सासन पवा बाक्‍त।