न्‍यायाधीस 11:24 - Sunuwar Bible

²⁴ इन देवता केमोशमी इन कली गेशो ताइनीनी ममाइ ङा? परमप्रभु यावे, आंइ परमप्रभुमी मार गेबा, गो यो मेको ताइनीकी। गन्‍ती २१:२९

न्‍यायाधीस 11:24 ပူးပေါင်းရင်းမြစ်များ

१ राजा 11:7

मिनु सोलोमनम मोआब ङा ग्रांग्रा दिशो मूर्ति केमोश नु अम्‍मोनी आन ग्रांग्रा दिशो मूर्ति मोलेक आस कली यरूसलेम आ पूर्ब गे ङा डांडा काम पूजा पतीक थान सेला बाक्‍त। गन्‍ती २१:२९; २राजा २३:१३

भजन संग्रह 44:2

गे रागी रागी ङा मुर आन कली खेरशा, आंइ किकी पिपी आन कली बाक्‍पाइश्‍शो बाक्‍तीनी। गे मेको मुर आन कली क्‍याम्‍शा, आंइ किकी पिपी आन कली सोशा बोशा ब्रपाइश्‍शो बाक्‍तीनी। मोपा मेको आन कली प्रोंइशो बाक्‍तीनी।

भजन संग्रह 78:55

रागी रागी ङा मुर आन कली मेको आन ङोंइती रे खेरतु। मिनु इस्राएली आन कली मेको रागी योक्‍शा, गेम्‍तीमी। मिनु इस्राएल आ थर थर ङा मुर आन कली आन ताम्‍बुमी बाक्‍चा गेम्‍तीमी।

येरमीया 48:13

दोपा इस्राएल आ मुर आंम थमा सुइश्‍शो बेथेल रे पा मुने तोक्‍चा पुंइसमा, मोपा मोआब यो केमोश रे पा मुने तोक्‍चा पुंइसीब।

येरमीया 48:46

आबी, आबी, मोआब, केमोश देवता आ मुर बेक्‍तेक्‍म। इ तौपुकी ग्‍याइश्‍शा लाइक्‍चा पुंइसाक्‍म। इ तमी ग्‍याइश्‍शा लाइक्‍चा पुंइसाक्‍म।

येरमीया 48:7

गेपुकीम इन गेय नु इन शोंपोम थमा सुइक्‍तीनी। गेपुकी यो ग्‍याइश्‍शा लाइक्‍चा पुंइसीनीनी। केमोश देवता आ चढ़ेब नु आ नोले खोइक्‍ब मुरपुकी नु ग्‍याइश्‍शा लाइक्‍चा पुंइसीब। गन्‍ती २१:२९; न्‍यायाधीस ११:२४; १राजा ११:७

मीका 4:5

मिनु “जात जात ङा मुर नेल्‍ल आन देवी देवता आन नेंम गाक्‍नीम। तन्‍न गोपुकी चहिं गेना हना यो परमप्रभु यावे, इं परमप्रभु आ नेंम गाक्‍नय” देंतेक्‍म।

गन्‍ती 21:29

आबी आबी, मोआब, केमोश आ मुरपुकी बेक्‍तेक्‍म। एमोरी आन पिप सीहोनमी मेको आ तौ आन कली प्रोक्‍ब सेल्‍तीमी। आ तमी आन कली ग्‍याइक्‍चा पुंइसीब सेल्‍तीमी। न्‍यायाधीस ११:३४; १राजा ११:१७

ब्‍यवस्‍था 18:12

मोदेंशो पाइब मुर परमप्रभु यावे आ ङोंइती ग्रांग्रा दिचा ङा बाक्‍नीम। मेको ग्रांग्रा दिचा ङा गेय आ पर्बम परमप्रभु यावे, इन परमप्रभुमी मेको मुर आन कली इन ङोंइती रे ग्रुंइब।

यहोसु 21:43

मोपा परमप्रभु यावेमी इस्राएली आन कली “गेनुङ” दे मेको आन किकी पिपी आन कली जशो कसम खाप्‍तु। मिनु इस्राएलीपुकीमी मेको रागी कली आंम के सेल्‍शा बाक्‍तेक्‍म। उत्‍पत्ती १२:७

यहोसु 3:10

मिनु यहोसुमी “ब्रोंइशा बाक्‍ब परमप्रभु इन दातेमी बाक्‍ब, गे तुइक्‍ब दुम्‍नीनी। मिनु मेकोमी कनानी, हित्ती, हिव्‍वी, परिज्‍जी, गिरगाशी, एमोरी नु यबुसी आन कली इन ङोंइती रे थमा पा खेरब।

न्‍यायाधीस 10:6

मिनु इस्राएलीपुकीमी लेंशा परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मेकोपुकीमी बाल, अश्‍तारोथ नु देवी देवता आन कली ठेयब सेल्‍मे बाक्‍त। मिनु अराम, सीदोन, मोआब नु अम्‍मोनी नु पलिस्‍ती आन देवी देवता कली यो ठेयब सेल्‍मे बाक्‍त। मोपा परमप्रभु यावे कली प्रोंइशा, मेको कली ठेयब मसेल्‍मे बाक्‍त।

न्‍यायाधीस 11:23

मोपा परमप्रभु यावे, इस्राएली आन परमप्रभुमी आंम मुर आन कली रिम्‍शो पचा, दे एमोरी आन कली खेरा बाक्‍त। मुल एको रागी लेंशा ताक्‍चा मगारनीनी।

न्‍यायाधीस 2:1

मिनु परमप्रभु यावे आ स्‍वर्ग ङा गेय पाइब गिल्‍गाल रे बोकीम सहरमी कुमाक्‍त। मेकोमी “गो इन कली इजीप्‍त रे ग्रुंइताक्‍न्‍नी। इन किकी पिपी आन कली ‘इन कली गेनुङ’ देंशो रागीमी चाक्‍तन्‍नी। गो गे नु पशो कबल गेना हना यो खाप्‍नुङ। यहोसु २४:२९-३१

रूथ 1:15

मिनु नाओमीमी “नेनो, इ देउरानी आ मुर आन बाक्‍तीके नु आ देवी देवताम लेत्‍त। गे इ देउरानी आ पशो खोदेंशो पावो” देंमाक्‍त।