न्‍यायाधीस 10:8 - Sunuwar Bible

⁸ मेको बर्समी मेकोपुकीमी इस्राएली आन कली थाम्‍पा श्‍येत गेशा, साप्‍पा दिप्‍मे बाक्‍त। मिनु यर्दन खोला आ आइक्‍ची हांबु, पूर्ब गे गिलाद माइश्‍शो एमोरी आन रागीमी बाक्‍ब इस्राएली आन कली १८ बर्स सम्‍म थाम्‍पा श्‍येत गेशा दिप्‍मे बाक्‍त।

न्‍यायाधीस 10:8 ပူးပေါင်းရင်းမြစ်များ

यसैया 30:13

मोपा इन मरिम्‍शो पशो ब्रेत्‍चा चिक्‍शो लाइश्‍शो गारो खोदेंशो दुम्‍शो बाक्‍ब। मेको इन मतुइक्‍थु याम काम ब्रेप्‍ब।

गन्‍ती 32:39

मनस्‍से आ तौ माकीर आ चच युइ गिलादम लशा, मेको आन के सेल्‍शा, मेकेर बाक्‍ब एमोरी आन कली खेरतेक्‍म।

१ थिस्‍सलोनिकी 5:3

मेना मुरुमी “दुशा बाक्‍नय, मारेइ मदुम्‍ब” देंतेक्‍म हना यो, आल कुरशो मीश मुर आल थिचा रोइ गेना पाइबा मतुइक्‍ब। मोदेंशो खोदेंशो पा मुरपुकी मब्रोंइचा ङा पा श्‍येत जाइनीम। येरमीया ६:१४; मत्ती २४:३९

न्‍यायाधीस 10:5

मिनु नोले याइर बेक्‍माक्‍त। मिनु मुरपुकीमी मेको कली कामोनमी थिम्‍मे बाक्‍त।

न्‍यायाधीस 10:7

मोपतीके परमप्रभु यावे मेकोपुकी नु गाइश्‍शा मेको आन कली पलिस्‍ती नु अम्‍मोनी आन गुइमी गेवा बाक्‍त।

न्‍यायाधीस 10:9

अम्‍मोनीपुकीमी ओंथ हाम ला ममाइ, यर्दन आइक्‍ची हांबु यो शोक्‍शा, यहूदा आ थर, बेन्‍यामीन आ थर नु एफ्राइम आ थर ङा मुर आन कली लडाइ तोव़मे बाक्‍त। मिनु इस्राएलीपुकीमी शुश श्‍येत जामे बाक्‍त।

न्‍यायाधीस 6:2

मिनु मिदयान ङा मुरपुकीमी इस्राएली आन कली शुश दिप्‍शा, सक्ति पाइश्‍शो दुम्‍मा बाक्‍त। मोपतीके इस्राएलीपुकी पहाड ङा पुक्‍खी, रोंगु इर लशा, आन ख्रुइश्‍शा बाक्‍तीक सेल्‍मे बाक्‍त।