न्‍यायाधीस 10:4 - Sunuwar Bible

⁴ मेको आ तौ ३० जना बाक्‍मा बाक्‍त। मेकोपुकी ३० ओटा गधाम ङोइक्‍बाक्‍मा बाक्‍त। मिनु गिलाद ङा ३० ओटा सहर मेको आन के बाक्‍माक्‍‍त। मुल सम्‍म मेको सहर आन नें हव्‍वोथ-याइर देंनीम। मेको गिलाद रागीम बाक्‍नीम। ब्‍यवस्‍था ३:१४

न्‍यायाधीस 10:4 ပူးပေါင်းရင်းမြစ်များ

२ सामुएल 16:2

पिपमी सीबा कली “गे एको नेल्‍ल मारदे चाक्‍गी?” दे हिल्‍लो पवा बाक्‍त। मिनु सीबाम “एको गधा पिप आ खिं ङा मुर ङोइक्‍चा कली बाक्‍नीस। शोब्‍ले नु फल फुल चहिं ठिटा आन कली जचा कली बाक्‍ब। अङगुर शांबु गोरशो रागीम दशा थशो आन कली तूचा कली बाक्‍ब” देंमाक्‍त।

जकरिया 9:9

सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५

गन्‍ती 32:41

मनस्‍से आ तौ याइर लशा, मेकेर ङा गाउं आंम के सेल्‍तु। मिनु मेको नेल्‍ल आन नें हव्‍वोथ-याइर वोइक्‍तु।

ब्‍यवस्‍था 3:14

मनस्‍से आ युइ याइरमी अरगोब ङा रागी नेल्‍ल, गेशुरी नु माकाथी आन सांद सम्‍म लाइक्‍तु। मेको बाशान कली आ नें हव्‍वोथ-याइर वोइक्‍तु। मेको मुल सम्‍म बाक्‍ब।

न्‍यायाधीस 10:3

तोला आ नोले गिलाद ङा मुर याइरम २२ बर्स सम्‍म इस्राएली आन कली निसाफ पशो बाक्‍माक्‍त। गन्‍ती ३२:४१

न्‍यायाधीस 10:5

मिनु नोले याइर बेक्‍माक्‍त। मिनु मुरपुकीमी मेको कली कामोनमी थिम्‍मे बाक्‍त।

न्‍यायाधीस 12:14

मेको के ४० जना तौ नु ३० जना चच बाक्‍मा बाक्‍त। मेको आन के ७० ओटा गधा बाक्‍माक्‍‍त। मिनु मेकोपुकी आंम आंम गधामी ङोइक्‍बाक्‍मा बाक्‍त। मिनु अब्‍दोनमी ८ बर्स सम्‍म इस्राएली आन कली निसाफ पशो बाक्‍माक्‍त।

न्‍यायाधीस 5:10

बुश गधा ङोइश्‍शा गाक्‍बपुकी, राडी तारी निप्‍बपुकी, खोइलीम गाक्‍ब नेल्‍लेमी यो परमप्रभु यावेम मेको लडाइ ‘दोपा पवा’ मेको शेंदीन।