न्‍यायाधीस 10:10 - Sunuwar Bible

¹⁰ मिनु इस्राएलीपुकीमी परमप्रभु यावे कली “वारच पाइय्‍यीकी। पाप पाइतक। आंइ परमप्रभु, इन कली प्रोंइशा, बाल देवी देवता आन कली पूजा पाइतक” देंमा बाक्‍त। १सामुएल १२:१०

न्‍यायाधीस 10:10 ပူးပေါင်းရင်းမြစ်များ

भजन संग्रह 107:13

मोपा श्‍येत जशा, परमप्रभु यावे कली पुंइतेक्‍म। मिनु मेकोमी मेको आन कली आन श्‍येत रे प्रोंइतु।

भजन संग्रह 107:19

मोपा श्‍येत जशा, परमप्रभु यावे कली पुंइतेक्‍म। मिनु मेकोमी मेको आन कली आन श्‍येत रे प्रोंइतु।

भजन संग्रह 107:28

मोपा श्‍येत जशा, परमप्रभु यावे कली पुंइतेक्‍म। मिनु मेकोमी मेको आन कली आन श्‍येत रे प्रोंइतु।

येरमीया 2:27

मेकोपुकीमी रवा कली ‘गे आं आफ नवे’ मिनु फुल्‍लु कली ‘गे आं कली जरमेब नवे’ देंनीम। मेकोपुकीमी आं कली आन ची हिरशा कोंइशो बाक्‍नीम। आन कुल ममाइ। मो हना यो मेको श्‍येत जामे नाक्‍ती जाक्‍शा ‘आंइ कली प्रोंइकी’ देंनीम। येरमीया ७:२४; येरमीया १८:१७; येरमीया ३२:३३

न्‍यायाधीस 10:9

अम्‍मोनीपुकीमी ओंथ हाम ला ममाइ, यर्दन आइक्‍ची हांबु यो शोक्‍शा, यहूदा आ थर, बेन्‍यामीन आ थर नु एफ्राइम आ थर ङा मुर आन कली लडाइ तोव़मे बाक्‍त। मिनु इस्राएलीपुकीमी शुश श्‍येत जामे बाक्‍त।

न्‍यायाधीस 3:9

मिनु इस्राएलीपुकीमी “वारच पाइय्‍यी‍की” दे परमप्रभु यावे कली थोव़मेनु, इस्राएली आन कली प्रोंइचा, दे केनाज आ तौ ओथ्‍नीएल कली सोइक्‍ता बाक्‍त। मेको कालेब आ लोक्‍ब बाक्‍त। मिनु मेकोमी मेको आन कली प्रोना बाक्‍त। न्‍यायाधीस १:१३; यहोसु १५:१७-१८

न्‍यायाधीस 4:3

मिनु लेंशा इस्राएलीपुकीमी परमप्रभु यावे कली “वारच पाइय्‍यीकी” दे थोव़मे बाक्‍त। मारदे हना सीसेरा के ९ सहे फलाम के बग्‍गी बाक्‍तेक्म। मिनु इस्राएली आन कली २० बर्स सम्‍म शुश श्‍येत गेशा, दिप्‍शा वोइश्‍शो बाक्‍माक्‍त।

न्‍यायाधीस 6:6

मिनु मिदयान ङा मुरपुकीमी इस्राएली आन कली शुश प्रुङग सेल्‍मे बाक्‍त। मिनु इस्राएलीपुकीमी “वारच पाइय्‍यीकी” दे परमप्रभु यावे कली थोव़मे बाक्‍त।

१ सामुएल 12:10

मिनु नोले मेकोपुकीम परमप्रभु यावे कली ‘गो पाप पाइतक। गो परमप्रभु यावे कली प्रोंइतक। गो बाल देवता नु अश्‍तारोथ माइश्‍शो मूर्ति पाइश्‍शो थाम कली पूजा पाइतक। मिनु मुल आंइ जोरी सत्रु आन गुइ रे प्रोनीन। मिनु गो इन कली ला ठेयब सेल्‍नीकी’ देंमा बाक्‍त। गन्‍ती २१:७; यहोसु ७:२०; न्‍यायाधीस १०:१०; दानीएल ९:९-१९

१ सामुएल 7:6

मिनु मेकोपुकी मिस्‍पाम बुक्‍‍मा बाक्‍त। मिनु ब्‍वाक्‍कु चाक्‍शा, परमप्रभु यावे आ ङोंइती मोदमे बाक्‍त। मिनु मेको नाक्‍ती माइजा बाक्‍शा, मेकोपुकीमी “गो परमप्रभु यावे आ ङोंइती पाप पाइतक” देंमा बाक्‍त। मिनु सामुएलम इस्राएली आन कली मिस्‍पा सहरम ब्रेश्‍शा निसाफ पवा बाक्‍त। २सामुएल २३:१६