न्‍यायाधीस 1:7 - Sunuwar Bible

⁷ मिनु अदोनी-बेसेकमी “गुइ खोइल ङा बोंग्‍ये ख्रोइश्‍शो ७० जना पिपमी आं निश्‍शा जतीक रे दोक्‍शो जचा थोव़क जाम्‍तेक्‍म। ङोंइती गो दोदेंशो पङा, मुल परमप्रभुमी आं कली यो मोदेंशोन पाप्‍तु” देंमाक्‍त। मिनु यहूदा ङा मुरपुकीमी मेको पिप कली यरूसलेम चाक्‍गमे बाक्‍त। मिनु मेको मेकेर बेक्‍माक्‍त।

न्‍यायाधीस 1:7 ပူးပေါင်းရင်းမြစ်များ

१ राजा 21:19

गे मेको कली परमप्रभु यावेमी ‘मार, गे मुर का कली साइश्‍शा, मेको आ रू इ के मसेली ङा?’ दें‍त, मतो। मिनु मेको कली परमप्रभु यावेमी ‘नाबोथ आ हुश कुचुमम तुक्‍तीकेमीन इ हुश यो कुचुमम तुक्‍नीम’ दें‍त, मतो” देंमाक्‍त। १राजा २२:३८

प्रस्‍थान 29:20

मिनु मेको सांड क्‍योरशा, आ हुशेम हारून आ ग्‍युरा नोफा ङा लोव़तीम नु आ तौ आन ग्‍युरा नोफा ङा लोव़तीम ख्रेक्‍चा माल्‍नेवे। मिनु मेको आन ग्‍युरा गुइ ङा ठेयब ब्रेप्‍चोम नु आन ग्‍युरा खोइली ङा ठेयब ब्रेप्‍चोम ख्रेक्‍चा माल्‍नेवे। मिनु लीशो हुश चढ़ेतीक तार नु आ एर ओंथ ब्रुइक्‍चा माल्‍नेवे।

यसैया 33:1

आबी, गे खतम पोक्‍ब, मुल सम्‍म गे खतम पोक्‍चा मपुंइसीशो बाक्‍नेवे। गे रोइक्‍ब बाक्‍नेवे। तन्‍न सुइमी मारेइ मरोइक्‍थु, गे खतम पोक्‍चा पुंइसीनेवे। मिनु इ रोइक्‍चा नुप्‍‍त हना, इ मारेइ मारेइ रोइक्‍चा पुंइसीनेवे। मत्ती ७:२

सेफन्‍याह 3:19

मेना गो इन कली दिप्‍ब आन कली सजाइ गेनुङ। गो खोइल मदुक्‍ब आन कली श्‍येत रे प्रोंइ‍नुङ। मिनु ब्रशा बाक्‍शो आन कली खुप्‍नुङमी। मेको आन कली मुने तोक्‍शो रागीम आं पा ङा मान ताइब सेल्‍‍नुङमी। मीका ४:७

रोमी 2:15

मेको मुर आन थुंमी अरेशो लोव़ ब्रेक्‍सीशो बाक्‍ब, दे कोंइनीम। मेको आन थुंमी आन पशो आ पर्बम रिम्‍शो बाक्‍ब देय मरिम्‍शो बाक्‍बा सांकछी गेब। रोमी १:३२

याकूब 2:13

शिशी मपाइबपुकीमी निसाफ पची नाक्‍त शिशी मताइनीम। निसाफ क्‍येङा शिशी ठेयब बाक्‍ब। मत्ती ५:७; मत्ती १८:३०,३४; मत्ती २५:४०,४६

प्रकाश 13:10

सु जेल्‍खानमी लचा योव़सीशो बाक्‍मे, मेको जेल्‍खानमी लचा माल्‍ब। तन्‍न सुमी तरवारमी साइक्‍बा, मेको तरवारमी साइक्‍चा पुंइसीब। मिनु परमप्रभु यावे आ योव़शो मुरपुकीमी श्‍येत फाल्‍शो “परमप्रभु यावेमी तुइक्‍ब” दे थमा सुइश्‍शा बाक्‍चा माल्‍नीम। उत्‍पत्ती ९:६; मत्ती २६:५२; प्रकाश १४:१२

प्रकाश 16:6

रागी ङा मुरपुकीमी इन योव़शो मुर नु इन लोव़ पाइब आन कली क्‍योरशा, आन हुश शाइक्‍पाइश्‍शा साइक्‍तेक्‍म। मिनु गे मेको रागी ङा मुर आन कली हुश तूपाइक्‍तीनी। मार पामे, मेको ताम्‍तेक्‍म” देंशो नेंता।

न्‍यायाधीस 1:6

मिनु अदोनी-बेसेक प्रोक्‍माक्‍त। तन्‍न यहूदा आ थर ङा मुरपुकीमी मेको कली खेदा पा थिश्‍शा, आ गुइ खोइल ङा बोंग्‍ये ख्रोइश्‍शा गेमे बाक्‍त।

न्‍यायाधीस 9:24

मिनु परमप्रभुमी येरूब-बाल आ ७० जना तौ आन कली हुश ख्राक्‍श पोक्‍तीके, अबीमेलेक नु मेको कली वारच पाइब शेकेम ङा ठेयब मुर आन कली क्‍येक्‍क लेत्‍चा कली मोदेंशो जिप्‍पाइक्‍ब वोल का सोइश्‍‍शो बाक्माक्‍त। उत्‍पत्ती ९:६

न्‍यायाधीस 9:57

मिनु परमप्रभुमी शेकेम ङा मुर आन मरिम्‍शो पशो आ पर्बम क्‍येक्‍क लेत्‍ता बाक्‍त। मेकोपुकीमी येरूब-बाल आ तौ योथाम आ सराप रमा बाक्‍त। न्‍यायाधीस ९:२०

१ सामुएल 15:33

मिनु सामुएलमी “दोपा इ तरवारम मीश मुर आन कली आल मपाइश्‍शो सेला, मोपा इ ममा यो मीश मुर आन दातेमी आल मपाइश्‍शो दुम्‍ब” देंमाक्‍त। मिनु सामुएलमी अगाग कली परमप्रभु यावे आ ङोंइती गिल्‍गालम क्‍योरशा सदा बाक्‍त।