न्‍यायाधीस 1:6 - Sunuwar Bible

⁶ मिनु अदोनी-बेसेक प्रोक्‍माक्‍त। तन्‍न यहूदा आ थर ङा मुरपुकीमी मेको कली खेदा पा थिश्‍शा, आ गुइ खोइल ङा बोंग्‍ये ख्रोइश्‍शा गेमे बाक्‍त।

न्‍यायाधीस 1:6 ပူးပေါင်းရင်းမြစ်များ

एस्‍तर 8:12

पिप अहासूरसमी आ रागी नेल्‍लेमी मेको श्‍येत गेब आन कली अदार माइश्‍शो १२ महिना ङा १३ नाक्‍तीम खतम सेल्‍चा माल्‍ब” दे ब्रेक्‍शो बाक्‍त।

भजन संग्रह 107:40

मिनु परमप्रभुमी मेकेर ङा हुकुम पाइब आन कली लां मबाक्‍शो गोरशो रागीम गाक्‍पाइक्‍तीमी। अय्‍युब १२:२१

भजन संग्रह 149:8

मिनु मेको आन पिप आन कली साङलो नु मेको आन ठेयब मुर आन कली फलाम के फ्रेंतीकेम फ्रेंने चाप्‍नीम।

भजन संग्रह 59:11

मेको आन कली मसतीन। मो पाइतीनी हना, आं मुरपुकीमी प्रेंनीमी। परमप्रभु, गे आंइ तेक्‍तीक बाक्‍नीनी। गे मेको आन कली इन सक्तिमी एर ओंथ ब्रपाइश्‍शा, आइक्‍च सेलीन।

प्रस्‍थान 14:26

मिनु परमप्रभु यावेमी मोसा कली “इजीप्‍त रागी ङा मुर, आन बग्‍गी नु आन शारा ङोइक्‍ब आन कली ब्‍वाक्‍कुम सुम्‍पाइक्‍चा कली इ गुइ लेंशा समुन्‍द्र तार दिंदो” देंत।

प्रस्‍थान 21:24

सुइमी अरु आ मिक्‍ची का पुक्‍ताक्‍व हना, मेको यो आ मिक्‍च पुक्‍चा पुंइसीब। सुइमी अरु आ ख्रुइ का जिक्‍ताक्‍व हना, मेको यो आ ख्रुइ जिक्‍चा पुंइसीब। सुइमी अरु आ गुइ जिक्‍ताक्‍व हना, मेको यो आ गुइ जिक्‍चा पुंइसीब। सुइमी अरु आ खोइली का जिक्‍ताक्‍व हना, मेको यो आ खोइली जिक्‍चा पुंइसीब।

प्रस्‍थान 29:20

मिनु मेको सांड क्‍योरशा, आ हुशेम हारून आ ग्‍युरा नोफा ङा लोव़तीम नु आ तौ आन ग्‍युरा नोफा ङा लोव़तीम ख्रेक्‍चा माल्‍नेवे। मिनु मेको आन ग्‍युरा गुइ ङा ठेयब ब्रेप्‍चोम नु आन ग्‍युरा खोइली ङा ठेयब ब्रेप्‍चोम ख्रेक्‍चा माल्‍नेवे। मिनु लीशो हुश चढ़ेतीक तार नु आ एर ओंथ ब्रुइक्‍चा माल्‍नेवे।

येरमीया 34:17

मोपतीके परमप्रभु यावेमी “गेपुकीम आं देंशो मटिनी। मिनु आंम रागी ङा आंम नेक्‍था ङा मुर नु आंम वारच आन कली वाइलीम वाइल दुम्‍तीक रे मप्रोंइनी। मोपतीके गो मुल इन कली प्रोंइनन्‍नी। गो इन कली तरवार, मुर बेक्‍तीक रोइ नु अन्‍कालम साइक्‍पाइक्‍चा कली प्रोंइनन्‍नी। गो इन कली राज्‍य नेल्‍लेम शुश हिंचा ङा सेल्‍नन्‍नी।

येरमीया 50:15

मेको आ एर ओंथ नेल्‍ल बाक्‍शा, ठेयब सेंदा पा ग्रीङीन। मेको इन कली जिम्‍मा गेंसीब। मेको आ बोल्‍यो दरवार एत्‍तेक्‍म। मेको आ गारो प्रेत्‍चा पुंइसीशा दोक्‍तेक्‍म। मारदे हना मेको परमप्रभु यावे आ क्‍येक्‍क लेश्‍शो बाक्‍ब। मेको कली क्‍येक्‍क लेत्‍तीन। मेकोमी अरु आन कली पाइश्‍शो खोदेंशो पा मेको कली यो पतीन। प्रकाश १८:६

यहोसु 15:16

मिनु कालेबमी “सुमी चहिं किरयथ-सेफेर लडाइ पा ग्राशा, खतम पाइ‍बा, मेको कली आं तमी अकसा ग्‍युंबे पा गेनुङ” देंत। न्‍यायाधीस १:१२

न्‍यायाधीस 1:5

मेकेर मेकोपुकीमी अदोनी-बेसेक माइश्‍शो पिप नु लडाइ पामे बाक्‍त। मेकोपुकीमी कनानी नु परिज्‍जी आन कली ग्रामा बाक्‍त।

न्‍यायाधीस 1:7

मिनु अदोनी-बेसेकमी “गुइ खोइल ङा बोंग्‍ये ख्रोइश्‍शो ७० जना पिपमी आं निश्‍शा जतीक रे दोक्‍शो जचा थोव़क जाम्‍तेक्‍म। ङोंइती गो दोदेंशो पङा, मुल परमप्रभुमी आं कली यो मोदेंशोन पाप्‍तु” देंमाक्‍त। मिनु यहूदा ङा मुरपुकीमी मेको पिप कली यरूसलेम चाक्‍गमे बाक्‍त। मिनु मेको मेकेर बेक्‍माक्‍त।