न्‍यायाधीस 1:4 - Sunuwar Bible

⁴ मिनु यहूदा आ थर ङा मुरपुकीमी लडाइ पा परमप्रभु यावेमी कनानी नु परिज्‍जी आन कली मेको आन गुइम गेवा बाक्‍त। मेकोपुकीमी मेको आन कली खेदा पामे बाक्‍त। बेसेक सहरमी १० हजार मुर आन कली साइश्‍शा ग्रामा बाक्‍त।

न्‍यायाधीस 1:4 ပူးပေါင်းရင်းမြစ်များ

१ राजा 22:15

मिनु मीकाया पिप आ ङोंइती जाक्‍मेनु, पिपमी मेको कली “मीकाया, गो रामोथ-गिलाद कली लडाइ तोङ देय मतोङ?” दे हिल्‍लो पवा बाक्‍‍त। मिनु मेकोमी “लडाइ तोने। मिनु ग्राङीन। मारदे हना परमप्रभु यावेमी मेको इन गुइमी गे‍ब” देंमाक्‍त।

१ राजा 22:6

मोपतीके इस्राएल ङा पिपम ४ सहे जना खोइ परमप्रभु यावे आ लोव़ पाइब आन कली पुक्‍शा, मेको आन कली “गो रामोथ-गिलाद कली लडाइ तोङ देय मतोङ” दे हिल्‍लो पामी बाक्‍त। मिनु मेकोपुकीमी “तोन, परमप्रभु यावेम मेको इन गुइमी गेब” देंमा बाक्‍त।

भजन संग्रह 44:2

गे रागी रागी ङा मुर आन कली खेरशा, आंइ किकी पिपी आन कली बाक्‍पाइश्‍शो बाक्‍तीनी। गे मेको मुर आन कली क्‍याम्‍शा, आंइ किकी पिपी आन कली सोशा बोशा ब्रपाइश्‍शो बाक्‍तीनी। मोपा मेको आन कली प्रोंइशो बाक्‍तीनी।

भजन संग्रह 78:55

रागी रागी ङा मुर आन कली मेको आन ङोंइती रे खेरतु। मिनु इस्राएली आन कली मेको रागी योक्‍शा, गेम्‍तीमी। मिनु इस्राएल आ थर थर ङा मुर आन कली आन ताम्‍बुमी बाक्‍चा गेम्‍तीमी।

ब्‍यवस्‍था 7:2

मिनु परमप्रभु यावे, इन परमप्रभुमी मेको आन कली इन गुइमी जिम्‍मा गेप्‍तु हना, गे मेको नेल्‍ल आन कली साइक्‍चा माल्‍नीनी। मेकोपुकी नु कबल मपने। मिनु शिशी यो मपने।

ब्‍यवस्‍था 9:3

परमप्रभु यावे, इन परमप्रभु इन ङोंइङोंइती शोक्‍शा लाइब, दे तुइक्‍चा माल्‍नीनी। मेको नेल्‍ल ग्रु दाक्‍ब मी खोदेंशो बाक्‍ब। मिनु मेको आन कली मी खोदेंशो पा दाक्‍ब। मेकोमी इन कली जिम्‍मा गेब। मिनु परमप्रभु यावेमी देंशो खोदेंशो पा, गे मेको आन कली खेरशा रीब पा साइक्‍नीनी। ब्‍यवस्‍था ४२४

न्‍यायाधीस 1:3

मिनु यहूदा आ लोक्‍ब सिमियोन कली “गे आं कली गेशो रागी ग्राचा कली वारच पथ पिवो। मोपा गो कनानी नु लडाइ पाइनस। नोले गो गे नु इ कली गेशो रागी ग्राचा कली वारच पथ लाइनुङ” देंमाक्‍त। मिनु सिमियोन आ थर ङा मुर यहूदा आ थर ङा मुर नु लमा बाक्‍त।

न्‍यायाधीस 1:5

मेकेर मेकोपुकीमी अदोनी-बेसेक माइश्‍शो पिप नु लडाइ पामे बाक्‍त। मेकोपुकीमी कनानी नु परिज्‍जी आन कली ग्रामा बाक्‍त।

न्‍यायाधीस 11:32

मिनु येफ्‍ता अम्‍मोनी नु लडाइ पथ आइक्‍ची हांम शोक्‍शा लमाक्‍त। मिनु परमप्रभु यावेमी अम्‍मोनी आन कली येफ्‍ता आ गुइमी गेवा बाक्‍त।

न्‍यायाधीस 3:5

मोपा इस्राएलीपुकी कनानी, हित्ती, एमोरी, परिज्‍जी, हिव्‍वी नु यबुसी आन दातेमी बाक्‍शो बाक्‍मा बाक्‍त।

१ सामुएल 11:8

मिनु सावलम मेको आन कली बेसेकम लडाइ पचा कली ठीक पामी बाक्‍त। मेकेर इस्राएल ङा लाख सां नु यहूदा ङा ३० हजार मुर दुम्‍मा बाक्‍त।

१ सामुएल 14:10

तन्‍न मेकोपुकीमी ‘आंइ बाक्‍तीक कुस जाक्‍कीन’ देंतेक्‍म हना, गो इर ङोइश्‍शा लस। मारदे हना परमप्रभु यावेम मेको आन कली इस गुइमी गेशो बाक्‍माक्‍त, दे तुइक्‍नस। मेको गो इस कली चिन्‍ड बाक्‍ब” देंमाक्‍त।

१ सामुएल 14:6

योनाथनमी आ या कुरब कली “पिवो, गो मेको ख्रोइक्‍तीक चिनु मख्रोइश्‍शो आन बाक्‍तीक लस। परमप्रभु यावेमी वारच पाइबा, कों? परमप्रभु यावेमी शुश मुर बाक्‍तेक्‍म हना यो, इच्‍का ला बाक्‍तेक्‍म हना यो, इं कली प्रोंइने चाप्‍ब” दे मदा बाक्‍त। न्‍यायाधीस ७:७; २इतिहास १४:१०