न्‍यायाधीस 1:34 - Sunuwar Bible

³⁴ मिनु एमोरीपुकीमी दान आ थर ङा मुर आन कली पहाडी रागी मेर सोइक्‍तमे बाक्‍त। दिंममी यिचा मगेमे बाक्‍त।

न्‍यायाधीस 1:34 ပူးပေါင်းရင်းမြစ်များ

यहोसु 19:47

मिनु दान आ खिं खिं ङा मुर मेको रागी ग्राचा कली श्‍येत जाम्‍तेक्‍म। मिनु मेकोपुकीमी लेशेम सहरमी लशा, लडाइ पा तरवारमी मुर नेल्‍ल आन कली साइश्‍शा ग्रा‍तेक्‍म। मेकोपुकी मेको सहरमी बाक्‍शा, मेको कली आंम किकी आ नें दान वोइक्‍तेक्‍म। न्‍यायाधीस १८:२७-२९

न्‍यायाधीस 1:33

नाप्‍ताली आ थर ङा मुरपुकीमी बेथ-शेमेश नु बेथ-अनात सहरमी बाक्‍ब आन कली मखेरमे बाक्‍त। मिनु मेकेर ङा कनानी नु बाक्‍मा बाक्‍त। तन्‍न बेथ-शेमेश नु बेथ-अनातमी बाक्‍ब आन कली वाइलीम वाइल सेल्‍मे बाक्‍त। यहोसु १९:३८

न्‍यायाधीस 1:35

एमोरीपुकीमी हार-हेरेस, आइयालोन नु शा-आल्‍बीम सहरम बाक्‍चा थुं पामे बाक्‍त। तन्‍न योसेफ आ थर ङा मुरपुकीमी मेको आन कली लडाइ पा ग्राशा, वाइलीम वाइल सेल्‍मे बाक्‍त। यहोसु १९:४२

न्‍यायाधीस 18:1

मेना इस्राएल रागीम पिप मबाक्‍मा बाक्‍त। मिनु मेना दान आ थर ङा मुरपुकीमी बाक्‍चा कली रू माल्‍ना माल्‍न बाक्‍मा बाक्‍त। मारदे हना इस्राएली आन दातेमी योक्‍शो रागी मथेरशो बाक्‍मा बाक्‍त। न्‍यायाधीस १:३४; यहोसु १९:४०-४८